اهلا وسهلا بكم فى منتديات مياسه

نتمنى ان تقضو اجمل الاوقات معنا

Evaporated milk 155880.gif

أولا : اللبن المبخر
Evaporated Milk

أعتقد ده بتسموه فى دول الخليج لبن أبو قوس أو لبن الشاى بيدخل فى عمل أنواع كتييير من الحلويات وإن شاء الله أبقى أعمل لكم منها
اللبن ده عبارة عن لبن عادى لكن مبخر يعنى متشال منه نسبة كبييييرة من المية اللى فيه

علشان تعملى كوب من اللبن المبخر
هتحتاجى 2 كوب وربع لبن عادى
نجيب الحلة ونرشها زيت خفيف قوى قوى
وتحطى فيها مقدار اللبن على نار متوسطة
وخللى عينك عليها مهم قوى وتقلبى على طول
علشان اللبن ما يلزقش
وأول ما تشوفى اللبن إبتدا يطلع منه بخااار
خلووووو باااالكم بخاااار مش بيغلى ولا بيبقلل
يا دوب بخااار توطى النار على طول
هااااادى خالص على أوطى درجة
وتقلبيه كل شوية

Evaporated milk



تفضلى تقلبيه كل شوية وتآخدى بالك منه هيآخد حوالى ساعتين أو ساعة ونص حسب بوتاجازك المهم
عايرى اللى طلع من الحلة لو كوب تبقى كده مظبوط
لو أكتر رجعيه تانى فى الحلة وخليه على نار هادية
ممكن يطلع عندك وش كده أنا بأصفيه فى الآخر
وأهه بعد ما طلع كوب عيارى بالتمام والكمال

Evaporated milk

طبعا هتيجى واحدة كسلانة زيي وتقول لى
حرام عليكى يا أم حسن ساعتيييييييين علشان
أعمل كباية لبن ومش هأطبخ كده
هأقول لك فيه طريقة متآخدش ثوانى
لكن طبعا مش بتدى نفس الطعم لكن ممكن لو مستعجلة
فعلا ومش قادرة تستنى

لو عندك لبن بودرة حطى 2/3 كوب لبن بودرة
مع كوب إلا شوية ميه فى برطمان
وهزيها جامد لغاية لما يدوب
وبس فيه أسهل من كده؟

Evaporated milk 155883.gif

نسيت أقول لكم طبعا اللبن يحفظ فى علبة محكمة الغلق
لمدة من 3 إلى 5 أيام بالتلاجة



'vdrm jpqdv hggfk hglfov K Evaporated milk