موضوع عن عامل النظافة, جزاء عامل النظافه, عامل النظافه
عامل النظافة . عامل النظافة . عامل النظافة . عامل النظافة .
مساكم دفى وهنا ورضى
حبيت اناقش معكم حال فئة من الناس ومو اي
ناس إلا من المهمين في حياتنا علشان
تكون الحياة راقية وجميلة .
من اقصدهم هم عمال النظافة كان الله بعونهم
تجمعت عليهم غربة وفقر وتهميش ولامبالاة من قبل
افراد المجتمع والمسؤولين تجاههم (مع وجود فئة
من الناس تعطف عليهم الحمدلله .)
موقف
وقفنا عند كوفي شوب ولما جا يدخل قريبي
إلا عامل نظافة يوقفه ويتكلم معه انا كنت اشوفه
وكان شكله حيل مرهق .المهم دخله قريبي معه
الكوفي شوب .بعد شوي طلع لحاله
بسرعه والعامل جوا قال بنروح,,اقرب مطعم
بجيب غدا حق عامل النظافة
قلت ليه شنو السالفة
قال : العامل يقول انه جوعان ويبي اكل
يقول قلت له :اختار اي مشروب وقدامك انواع الحلويات
والكيك اختار اللي تبي ولاتدفع شي .قال العامل
لا انا ابي آكل ابي رز . جوعان مره مسكين
******************
اللهم ارزقهم من حيث لايحتسبون من فيض عطائك وعظيم كرمك
*******************
ربي تقبل صلاته لاحظوا الشراب
لو عندكم في البيت باقي من غداكم
ولاعشاكم لاترمونه عطوه هالمساكين
ولااحفظوه بالثلاجة ومن بكرا عطوهم ياه
(وفي كل كبد رطبة اجر )
والأيام ذي ايام برد وصقيع مو طبيعي
لاتنسونهم وشجعوا اهلكم وجيرانكم
على فعل الخير معهم
تكسبون اجر هالفقارى اشتروا لهم
جاكيتات ولاكنزات صوف ولا بجايم
واطقم (القبعة مع الشال والقفازات )
بس تكون خامة ثقيلة تدفي
شوفو هالعمال بشنو يتدفون خاصة
ان دوامهم يبدأ مع الفجر
تخيلوا بس حال المجتمع بدون وجودهم !!
شوفوا كيف منظر الأحياء السكنية
لو اضرب فيها العمال يوم ولا يومين
مساكين عايشين عيشة الذل رغم الفائدة
العظيمة اللي يقدمونها حقنا
للأسف مافي باصات تنقلهم و توزعهم على الأحياء
لأن بكل بساطة يحشرونهم مثل البهائم
بسيارة نقل مثل هذي بالضبط هذا حالهم
واذكر كنا واقفين عند الاشارة وكانوا قدامنا
ياااااه كسروا خاطري والله ماقدرت اناظر لهم
ليه . وين حقوق الإنسان ماتنصفهم
******************
تعبنا نرسم البسمة لو فينا حزن وهموم
ونضحك ضحكة التزييف ونكتم همنا فينا
شكينا الهم والحرمان ولكن القدر مقسوم
نصيح ونحترق نتعب .لكن وش بيدينا
صبرنا والشقى واضح وهو بوجيهنا مرسوم
وهالدنيا من اللوعات نستنا اسامينا
****************
تفاجأت بخبر قرأته ان اجورهم 300
وهذا جزء من الخبر المنشور بتاريخ : 27/07/2011
قال مساعد وكيل أمانة جدة الدكتور عبدالقادر تنكل أن الأمانة تعتزم رفع رواتب عمال النظافة لتكون 700 ريال بدلاً من 300 ريال، وذلك وفقا لنظام العمل والعمال المتوقع أن يتم البدء في تطبيقه مع بداية العقد الجديد بعد عام ونصف العام.
ويمكن لازالت اجورهم متدنية لأن هذا يرجع للشركة المتعاقدة
معهم واكيداغلب اصحاب الشركات همه نفسه وماعليه منهم
ولا نوعية السكن اللي يوفره لهم للإقامة فيه
وهنا يجي دورنا نساعدهم باللي نقدر عليه
نقدم لهم المشروبات الساخنة تدفيهم
ملابس ثقيلة
وجبات فطور ولا غدا
احذية مقفلة (رياضية ) وشرابات
*********************
يبكي وهو يقهر العبرات بسكاته
***********************
عامل نظافة يدفي يدينه بشكمان السيارة
حالتهم حاله اجورهم متدنية والمعيشة غالية الله يرزقهم
واجب التنبيه على العائلة كبير وصغير انه مايرمي شي بالأرض
ويحافظ على نظافة الشارع مثل محافظته على بيته
لأن اشوف البعض يفتحون زجاج السيارة ويرمون بقايا طعام وغيره
في الطريق
حياتهم دائم في خطر
1-بسبب تعاملهم المباشر مع النفايات بدون اي احترازات او
وسائل حماية اغلبهم من يجي من ديرته كل اللي يشيله
بيده كرتون ( ومو عارفه هالكراتين يسلموها لهم في
مقر عملهم ولا يجمعونها بعد من النفايات لأنها مهترية )
ومجرفه يجمع بها الأوساخ
2- وبسبب عملهم في الشوارع الرئيسية والفرعية .
هذا عامل صدمته سياره قبل ايام الله يرحمه
همسة
لاتنسون الحذر واجب لأن الطيب موجود والشر موجود يعني انتبهي لولدك
ولا بنتك لاتتركينهم يتصلون معهم او مع غيرهم من العمالة إلا بوجود
احد كبير معهم .لأن نسمع احيان وان كان نادر من اعتداء بعض العمالة
على الأطفال
a,t,h hggd whv lukh uJk] hg;,td a,f J uhlg hgk/hti
LinkBack URL
About LinkBacks
شوفوا اللي صار معنا عـند الكوفي شوب ـ عامل النظافه
مشرف
