رحلتي الاستكشافيه الى البوسنه

[♣ ♣المتفائله♣ ♣]

السلام عليكم. كيفكم اعضاء المنتدى المحترمين واتشرف بوجودي معكم وحبيت اشاركم بمعلوماتي الثريه فقلت افيدكم بعد تجربتي بخبرتي لان رحلتي والحمدلله كانت ناجحه وربي يسرها من كل النواحي سواء من ناحيه التجهيز للسفر والفنادق ومن ناحيه المكتب واستخراج الفيزا واخيرا حجز الخطوط ولله الحمد و رح ابدأ بسرد قصتي ومارح اطول عليكم
في بلد لما نذكر اسمها علطول اللي يجي ببالنا الحرب وعدم الامان والاستقرار اللي هي البوسنه والهرسك .

















وطبعا مافي احد يفكر انه يروحها او يضحي بايام اجازته بزي هالمكان. لكن من كثر ماسمعت بهالفتره عنها قلت لازم اقرا عنها واوسع ثقافتي فيها لقيت تاريخ عثماني عظيم واماكن تاريخيه اعظم وطبعا قلت لازم اشوف الصور تفاجات بصور لمناظر طبيعيه راااااائعه للغايه ماتوقعت ابدا هالشكل قلت استخير واستشير وفعلا مشيت بالاجراءات اولها طبعا اني اقترح الموضوع على زوجي بس اول ما سمع استغرب جدا جدا من اقتراحي قالي نسأل مكتب السياحه اللي طلعنا معاه يوم شهر العسل اللي هو ركسون ولما رحنا لقينا شخصين قاعدين يحجزون لسراييفو زي ما قالو وفعلا تشجعنا شفنا بوسترات وبروشورات زادت تشجيعنا على هالبلد قالنا الموظف احجزوا الطيران وتعالو انظملكم الرحله قاله زوجي نقدر من عندكم نكلم مكتب حجوزات وفعلا حجزنا من عندهم ودفعنا الطيران والله ماادري بالضبط كم لان زوجي اللي تولى هالامر قال الموظف في رحله 5 ايام وفي 8 اخترنا 5 ايام قلنا هالمره تجربه طبعا قالنا ان الرحله تشمل الاتي:
الاقامه في فنادق منها ماهو 5 نجوم ومنها ما هو 4 نجوم حسب المنطقه طبعا كتبلنا التوزيع بس انا بقولكم باختصار . وضمن الرحله معنا مرشد سياحي يتكلم اللغه العربيه وهذا شي مهم الصراحه وكمان وجبات الافطار والعشاء متوفره بنفس الاوتيل اللي رايحين له وان المبلغ المدفوع يشمل استخراج الفيزه وطبعا هم متكفلين بالموضوع كله بصراحه مريحييييييييييين الله يجزاهم خير
ورجعنا البيت ومرت الايام وبدأنا بالتجهيزات حقت السفر والملابس الثقيله الللللللللللللللللللللللللله قديش اشتقت لهاليوم وجا يوم السفر وطلعنا المطار ومرينا مطار اسطنبول وكملنا على سرايفو وصلنا الاوتيل وحطينا اغراضنا ونزلنا ناخذ لفه او جوله بسيطه لزياره اهم المعالم في سراييفو من ممشى نهر سراييفو الرائع الى التلال المحيطه واو واو جناااااااااااان ونزلنا تعرفنا على شقي البلد العثماني الاصيل والنمساوي الاوروبي تعرفوا تجمع مابين التارخ والحضاره بمعنى الكلمه والله ما قد رحت اوروبا بس تفاجأت بالجمال وين النمسا ووين الدول الاوروبيه الاخرى انا متأكده انها احلى واروع بكثير بصراحه قلت في نفسي الحمدلله اني اخترت هالبلد المهم يا جماعه الخير نزلنا بالليل وتعشينا بمطعم ورجعنا نمنا في الاوتيل استعدادا لمغامرات الغد
قمنا من النوم ونزلنا الافطار كان من ضمن الحجز في الاوتيل واستنينا الباص اللي بياخذنا اليوم على منطقه اسمها جبال فلاشيتش في يايتسه






و منطقه البحيرات طبعا مواعيد الباص كانت على الموعد تمام 8 الصباح بالدقيقه ركبنا ومشينا وفي طريقنا بالروحه المناظر كانت خياليه الطبيعه خلابه الناس بسيطه جدا وجميله جدا معروفين اهل البوسنه المزارع والابقار تاكل الزهور وتمرح بالمروج ، وصلنا المكان الرائع اللي اسمه يايتسي اول شي ابهرنا هناك الشلال اللي بوسط المدينه اللي خيلني اني قلت يارب هو مدينه انبنت حول الشلال والا شلال طلع بنص المدينه حول هالشلال









وفي مجرى نهر فيرباس في اشهر مطاعم الاسماك البوسنويه طبعا في اكل حلال كثير المكان رائع والاكل لذيذ.
ورحنا عند بحيره بليفا الي هي من اروع بحيرات اوروبا واكثرها نقاءا على الاطلاق















الحلو في الموضوع انه ركبنا في مركب يشتغل على الكهربا وتجولنا بهدووووووووء تااااااااااااام 45 دقيقه شفنا الطبيعه العذبه والمياه النقيه وفي مراكب خاصه للعائلات ومراكب خاصه للعرسان كذه كنت اسمع . بعدها رحنا على بحيره اسمها بلكانا ضمن غابه موجوده سمحولنا فيها بالسباحه ضمن مسابح مجهزه واستمتعنا كثير الصراحه .






والحلو كمان انه شربنا من مياه الشلال اللي تصب في البحيره طبعا كان متوفر مراكب تتحرك بالارجل في البحيره او دراجات للتنزه في الغابه احنا بصراحه حبينا الدراجه لان زوجي هواااااايه في الدراجات الناريه وليلتها كان المبيت في اوتيل هناك في جبال فلاتشتش ثاني يوم نزلنا فطرنا وقالولنا اليوم في طريق مدته 3 ساعات متجهين الى سراييفو وهنه انا كنت متحمسه جدااااا جداااا ما تقدروا خلال هالرحله الا انكم تظلو مندهشين بروعه الطبيعه في كل اللي حولك وقفنا شوي نرتاح في مدينه اسمها قالولنا ترافنيك تحتضنها الجبال من كل مكاااااان روعه روعه سبحان الله






رحنا في الصباح الباكر الى رحلة سياحيه في منطقه منابع نهر البوسنه ركبنا عربايات تجرها الخيول طبعا هذه تجربه جديده علي ما جربتها الا على كورنيش الدمام فقط المهم كان الطريق كله اشجار من الجهتين








ومرينا بقصور يقولون انها من قصور البوسننين وكان معنا مرشد سياحي مشينا واياه مشيا على الاقدام في منتزهات سراييفو اللي كلها جسور فوق المياه ومنابع المياه الصافيه طبعا مع اسراب الاوز والبط اللي تسبح في المياه الصافيه بهالبحيرات وبعدها رحنا اكلنا اروع انواع اللحوم في اشهر المطاعم هناك طبعا الطبيخ يكون على الطريقه البوسنويه التقليديه طعمه لذيذ الصراحه
وهنا انتهت رحلتنا للاسفففففف ورجعنا الى الاوتيل استعدادا للرجعه للوطن الحبيب
انصحكم انصحكم ثم انصحكم بالذهاب لهالبلد الرائع والى اللقاء بمقال جديد لان عجبتني فكره اني اكتب وافيد الناس بخبرتي

---

vpgjd hghsj;ahtdi hgn hgf,ski