رواية كل ما فيني يصرخ أحبك إلا لساني عجز ينطق مخارجها كاملة

[♣ ♣المتفائله♣ ♣]

البارت الأول
في ليله بارده من ايام الشتاء كالعاده الناس قاعده ببيوتها وكلن يحاول يتحاشا البرد
في هذيك الليله كان فواز راجع من الرياض الى الدمام بعد مخلص اشغاله في الرياض
وكان الوقت متاخر الساعه 2وهو داخل الدمام وعند وحده من الاشارات
الوضع سكوت على غير عاده الدمام الهدوء يعم المكان والانوار مشغله والبرد شديد برى
وكان يقول في خاطره (الله يزين هدوء الدمام والله يعين اهل الرياض على الزحمه كان ماشي بسيارته ويشوف
سياره موقفه عند بنت وكانت تصيح والشباب اللي في السياره يضحكون حاول واحد يسحب البنت للسياره
بس نزل فواز :هيه انت وش قاعد تسوي طبعا الشباب بس سمعوا فواز خافوا وظنته من الهيئه لان كان
مو محلق كان الشغل مانعه حتى يهتم بنفسه وبسرعه جنونيه راحوا
راح فواز للبنت اللي كانت تبكي بهستيريه وصوتها يقطع القلب سالها بصوت فيه نبره الشفقه على حالها:انتي وش تسوين هنا
ماردت عليه لانها كانت تبكي وترجف من البرد والخوف
ساعدها توقف وقالها: انا عندي شوية شغل بخلصه وانتي اقعدي بالسياره ادفي وخليني اوصلك للبيت هي قامت تبكي بزود وهو استغرب منها
سالها بفضول:وش مطلعك هالحزه من بيتكم ؟
وعرفت بسواله انه شاك فيها ماردت عليه وزدات بكى على حالها وعلى كلامه
ندم انه سالها وهو منكسر خاطره على شكلها وهي ترجف:دقايق بس انتظر هنا.
راح لكوفي قريب وجاب لها كوفي يدفيها وهي اثناء غيابه استندت على جدار وماحست بنفسها من التعب ونامت على الجدار
جاء فواز بالكوفي وقام يطالعها وقلبه يتقطع وفي خاطره الف سوال واستغراب من هالبنت اخذ الجكت اللي بسيارته وحطه عليها
هي فزت بخوف وقالت: الله يخليك
وطالعت في فواز وعدلت جلستها ونزلت راسها
فواز:لاتخافين خوذي الكوفي يدفيك طالعت فيه بخوف
فوازبابتسامه:ليه خايفه اذا من الكوفي خذي كوبي ومد له يده بالكوب اللي معه
كانت يدها ترجف وماهي قادره تمسك الكوب
فواز بكل حنان: لاتخافين ماراح اروح لبيتي الا لمن اطمن انك عند اهلك بس انتي قومي وانا بخلص شغلي على الكومبيوتر لمن ياذن الفجر واذا اذن تكونين هديتي وتدليني بيتك اوصلك
وقام من الارض :انا بروح الكوفي وانتي اجلسي بالسياره
حركت راسها بايجاب
وراح عالكوفي حست بامان ماتدري ليه لذلك فتحت باب السياره و جلست لمن حست انها دفيت وقررت تروح قبل لايجي اخذت قلم من درج السياره
وكتبت على المنديل :شكرا على كل شي انا مدينه لك بحياتي اللي مادري وش كان صار فيها
واسفه اني عطلتك وحطت معها قيمة الكوفي
انزلت من السيارة قبل لايشوفها وهو لمن اذن راح للسياره وفتح الباب بعد ماطق الدريشه عليها واكتشف انها راحت
وطاحت عينه عالمنديل اخذ يقراه وتنهد وانتبه وقتها للفلوس ابتسم من قلب وفي خاطره(وعزيزه نفس الله يحفظها شكل قصتها قصه )واخذ الجكيت يبي يلبسه
لان الجو بدء يبرد زياده واستغرب ان ريحته كانها ريحة الاطفال وابتسم وهو يلبسه وعقله عند هالبنت وش صار فيها ووين بتروح كمل طريقه لبيته وباله مشغول ؟
اعرفكم ببطل روايتي:
(فواز عمره 23سنه درس لمن سنه ثالثه بالجامعه تخصص اداره اعمال بس ماكمل السنه الاخيره له لان ابوه خلى
شركاته في يد فواز وسافر للعلاج مع ولده الكبير عبدالله
عبدالله وهو الاخ الكبير لفواز وعمر سته وعشرين سنه حبوب وخفيف دم بقوه شعاره لازاد فيني الحزن ادق سلف وافل>>خخخخخخخخ
امه طبعا مسافره مع ابوه وهو كان جالس بفلتهم مع عمته دلال وبناتها لانها زعلانه مع زوجها)
دخل البيت بعد ماصلى الفجر بالمسجد على الساعه 5الفجر وكان حيله مهدود من تعب اليومين اللي فاتوا
وطلع غرفته لان الكل كان نايم ونام
يوم جمعه
يوم اجازة فواز قام وقت صلاة الظهر ووضئ وراح للمسجد وهو نازل
كانت عمته وبناتها بالصاله :السلام عليكم
دلال : وعليكم السلام هلا الحمد لله على السلامه متى وصلت .
فواز:عقب الفجر عمتي رايح اصلي ماباقي وقت على الاقامه تامرين شي اجيب معي
دلال:لا مشكور
طلع من البيت وهو مستعجل يبي يلحق الصلاه
فواز ماكان يرتاح مع عمته كثير هي طيبه بس اوقات تقط عليه كلام يرفع ضغطه وهو كل شي ولاأحد يغلط عليه او يتحكم فيه بس كان يسكت احتراما لها ولابوه
دخل المسجد وهو يسبح الله دايم تفكيره لمن يشوف الناس مجتمعه يوم الجمعه بالذات كلن لابس وينتظر الاقامه وناس تقرا قران يحس بروح المسلم يحس المكان روحاني وبقوووه
قطع عليه سلسله افكاره الامام وهو يسلم عليه
الامام:حياك الله يابني كيف الحال؟.
فواز:بخير الله يسلمك كيفك انت ياشيخ؟
الامام:بخير جزاك الله الجنه فقدت اليومين الماضيه عسى المانع خير
فواز:كنت مسافر وتوي رجعت اليوم الفجر
الامام وهو يحط يده على كتف فواز:الله يطرح فيك البركه ويرزقك كل مافيه خير لك والحمد لله على سلامتك يالله يابني صل تحية المسجد والحقني ترتب مع اخوانك بالصفوف
فواز:تامر ياشيخ عن اذنك
الشيخ:ماشاء الله ونعم التربيه الله يجعلك من اهل الجنات وتوجه بعدها الى مكانه المخصص حتى يبدء الصلاه
بعد الصلاه قرأ سورة الكهف ودعى من كل قلبه للبنت اللي شافها بالفجر ولابوه اللي قرب موعد عمليته
رجع فواز للبيت وكانت دلال عازمه صديقاتها وهو محب يضايق عمته وضيوفها فقرر يروح للمزرعه اللي توه شاريها وكانت مفاجاته لاهله لانهم يحبون المزارع كان يفكر يزرعها ويعدل فيها اشياء كثير بشي يتماشى مع ذوقه الحلو والصعب
نبذه عن عايلة فواز:
ابوه مريض بالقلب تعب قبل 3شهور وهو بالشركه
(فواز كان داخل لابوه يوقع له على اوراق وكان يتكلم بعصبيه في التليفون بعد ماقفل
فواز:يالغالي هد روحك لاتنسى انك تعبان وماينفع لك العصبيه
ابوه:وين ارتاح وين ؟
وشوي بدء يفك ازارير ثوبه وباليد الثانيه ماسك قلبه
لانهم خبروا بعمليه اختلاس كبيره فقد منها جزء من اسهمه بالبورصه)
تعب وودوه المستشفى وتقرر له ضروره سفره للعلاج كان منظر مستحيل فواز ينساه او يروح من باله شكل ابوه وهو تعبان
فقرر بعد مرض ابوه ياجل السمستر الاول من السنه الاخيره وينتبه لشغل الشركه في غياب ابوه واخوه
صحيح انه يشتغل من اول بس بشكل جزئ الصباح في الجامعه والعصر بالشركه
طرت على باله فكرة المزرعه حتى تكون فتره نقاهته ابوه فيها بعد مايرجع له بالسلامه)

اخذ اللابتوب معه اللي يعتبر مخزن لاعماله الخاصه فيه واخذ ملفات لازم تكون خالصه يوم السبت
ركب سيارته وبعد نص ساعه وصل للمزرعه لبس الجكيت وطلب من العم شريف يسوي له شاهي
(العم شريف يشتغل عند ابو عبدالله من اول مانولد عبدالله يعني عشره وكان يحترمه وفواز ويعتبره ابوه مع انه
دايم يضحكون عليه اصدقاءه انه يسولف لهندي اللي معتبره قريب له اكثر من بعض اهله)
اثناء ماكان مندمج في شغله سمع شريف ينادي رفع راسه :خير شريف وش صاير
شريف:بابا هذا ولد وبنت كتير يبغى شغل مزرعه
فواز بكل استغراب:ولد وبنت خلاص روح انا جاي وراك
راح فواز يشوف اللي صاير انصدم بمجموعه اولاد وبنات يطلبون منه يشتغلون بالمزرعه مقابل
مبلغ بسيط وخلاهم يدخلون مع انه هالشي ممنوع ويحاسب لو اكتشفه احد
وطلب من شريف يعطيهم اعمال بسيطه ومايشغلهم كثير كان حزنان عليهم لمن يعرف وش قصتهم لانها حاجه غريبه جيتهم لهالمكان وطلبهم للشغل
واخذ ولد عمره 11 سنه وساله:انتو ليه جايين هنا احد ارسلكم؟
قال الولد:لا
فواز:ليه تشتغلون هنا ووين اهلكم؟
رد الولد بكل انكسار :ليه ياعم يضايقك وجودنا بنطلع؟
فواز وكان ندمان على سواله:لا حبيبي بس انا استغربت المفروض الحين تدرسون بكره عندكم مدرسه
رد الولد بضحكه:مدرسهاحنا زين ناكل تبينا ندرس
فواز سبحان الله فيه ناس ماتحس بالنعمه اللي حولها ومايقدرون المدارس
قاله:طيب مين اللي يوصلكم؟
الولد:الزعيم يوصلنا ونشتغل او نشحذ نسرق أي شي اهم شي توصله فلوس والباقي يكون لنا
فواز بكل استغراب:الشرطه تدري عنكم؟
الولد خاف وكان حاب يهرب بس فواز امنعه
فواز:الله يصلحك ماراح اخبر الشرطه بس انا ابغى اسال وبس بالعكس انا حاب اساعدكم
الولد:لا ولو مسكونا بنروح فيها (وبفرحه)صدق ياعم بتساعدنا ونزل راسه يبغى يبوس يد فواز وسحب فواز يده وضم الولد بحنان كان يتذكر لمن كان بالهسن وين كان كان بافخر وارقى المدارس واكله يوصله ومصروفه ماضطر يسوي اللي يسوونه علشان يعيش حمد ربه عالنعمه اللي هو فيها
الولد بكل فرحه :شكرا ياعم(وبتردد) بس ماتزعل اني اقولك ياعم لانك صغير ؟
ضحك فواز وقال:لابالعكس استانس
الولد بابتسامه :عن اذنك بروح لشغلي
وراح الولد يركض لاصدقائه يقولهم عن اللي قاله له فواز وانه ماراح يقول للشرطه عنهم
قرر فواز يساعدهم ويخليهم يجون المزرعه كل يوم جمعه يسون اشياء بسيطه علشان يعطيهم راتب
ويخليهم يشتهدون بدراستهم لانهم بيكونون اكيد مهملينها
ومر شهر والاولاد صاروا يجون كل جمعه يزرعون او يسقون مع شريف
كان يجيب شغله معه ويقعد يراجع حسابات الصفقات والمنتجات الوارده للمؤسسه
هو مو شغله بهالاشياء بس ماكان يثق باحد من الموظفين والمؤسسه امانه عنده
ودخل المزرعه وبدء يراجع في الحسابات واثناء ماكان مندمج في شغله سمع شريف يصارخ
وراح له يشوف وش صاير وانصدم ان فيه بنت من الاولاد اللي يشتغلون بالمزرعه طاحت ودخل
شوك النخل بيدها وانصدم انها هي نفسها البنت اللي شافها لمن رجع من الرياض
فواز:انتي؟
رؤى في بالها(انت لا اكيد بيتاكد من ظنه اني من الشارع بس هاذي الحقيقه )
فواز انتبه لسرحانها ويدها اللي تنزف:وشو ذا يدك كلها شوك شريف جيب شنطة الاسعافات
وبدء يطلع الشوك من يدها وهي تتالم
كان مستغرب ليه هالبنت مره ثانيه هل هو صدفه ولا قدر وكان يتمنى يعرف قصتها وزاد فضوله لمن شافها للمره الثانيه

---

v,hdm ;g lh tdkd dwvo Hpf; Ygh gshkd u[. dk'r lohv[ih ;hlgm

[♣ ♣المتفائله♣ ♣]

البارت الثاني
(رؤى بنت جميله جدا جمالها بنعومتها ورقتها اللي زايده مره كانت ارق من نسمه الهواء بصوتها وبشكلها وبقلبها وطيبة قلبها محليتها جمالها اللي من داخل لبرى
هي متوسطه الطول بشرتها بيضاء وصافيه مره كانت مورده ودايم البنات يقولون لها عن وش اللي تستخدمه لبشرتها وكانت تقولهم انها طبيعتها بس مايصدقونها شعرها ناعم وبني لتحت كتفها بشوي جسمها روووعه قليله عليه كان خصرها حيل صغير وزايدها حلا تقريبا كانت ايه للجمال
قصتها طويله وبنشوفها لمن ترويها لفواز)
بعد ماحطت المعقم على يدها لانها رفضت ان فواز يحطه كانت كل ماحطته فزت من مكانها وفواز ضحك عليها
قال :خلي العناد ينفعك مو كذا ينحط واخذ القطنه منها وقام يحطه لها بحركه خفيفه
سحبت يدها وقالت :شكرا
وكانت تبي تروح قال فواز:وين؟انا ماصدقت على الله اشوفك اعرف منك وش سالفة ذاك اليوم
عيونها امتلت دموع وحس فواز بالذنب قالت بعيون تلمع من الدموع:لا ولاشي
فواز تركها لانه حس لو انه ييضغط عليها انها بتصيح وزادت حيرته في رؤى
قال فواز:طيب ماقلتي لي اسمك؟
قالت وهي رايحه:رؤى
قال:رؤى انتي شاطره بالرياضيات
لفت عليه بكل استغراب :ليه؟
قال: علشان اذا شاطره تساعديني بشغلي واوعدك براتب نفس راتب الموظف اللي عندي؟
بعد تفكير ردت:طيب وشلون اساعدك؟
قام فواز وفي باله(يسسس ) وصاريشرح لها كيف تتعامل مع الاوراق وعطاها ملف صغير يختبرها اذا كانت تصلح تساعده او لا وبعد وقت قصير جت رؤى لفواز ومن بعيد مدت له بالملف وبصوت اقرب للهمس قالت :هذا الملف خلصته
استغرب فواز واخذه منها وهو ماهو مصدق انها خلصت كل هالحسابات في وقت قليل
بس الصدمه كانت لمن راجع الملف ان حسابها دقيق اكتشفت اشياء ماكان بينتبه لها
فواز بعصبيه مصطنعه:بجد بجد ماينفع كذا وش الخرابيط اللي سويتي خربتي ام السالفه
رؤى باستغراب وبخوف :ليه؟
فواز ياربي على براءتها وبضحكه :لا امزح ماشاء الله عليك بسرعه فهمتي علي الموظف حقنا صار له سنه وماإشتغل شغلك إنتي بأي صف ؟
رؤى :المفروض ثاني جامعه هالسنه بس تركت الدراسه لاني ماقدرت اكمل.
فواز:ليه بالعكس الدراسه شي حلو وانتي ذكيه غريبه تركتيها؟
رؤى:تركتها وخلاص
جوا بنت وولد صغار ونطوا على رؤى وضمتهم رؤى
قال فواز وهو رافع حاجب :اكشخ طلع لك معجبين؟!.
رؤى :هاذولا إخواني
استغرب فواز :شلون اخوانك؟(لان رؤى بيضاء مرره وإخوانها بشرتهم سمراء)
رؤى:علشان مافيه شبهه هم مو إخواني جد بس من وهم صغار وانا معهم وبمثاية اختهم
فواز سند نفسه عالطاوله حط يده على خده وباهتمام :كيف؟
رؤى(ياربي ساعدني):سالفه طويله وتاخرنا الزعيم بيعصب علينا
فوازباستهزاء:من هذا بعد الزعيم ليكون جدك؟
رؤى(والله كلامه يضحكني )وبضحكه قالت:لا هذا المسوؤل عنا هو اللي يدبر لنا الشغل وتاخرت كثير مع السلامه
فواز:طيب مع السلامه بس الجمعه الجايه احسبي حسابك عندنا شغل كثير
رؤى:ان شاء الله
راحت وفي رأس فواز الف علامة استفهام عن رؤى (رؤى آآه وش هالصدفه بعد تحملين حلى اسم للبنات عندي وراك قصه واشتغل فضولي اعرفها ضحك على نفسه ماخبرت نفسي ملقوف )
ورجع فواز للبيت عالساعه 11ونص
دخل وسلم على عمته دلال
فواز:السلام عليكم
دلال :هلا عليكم السلام وينك ليه متاخر عن البيت مو من عوايدك
فواز(عوايدي او لا اتوقع انه من حريتي الشخصيه ): ليه بغيتي شي؟
دلال:ايه بغيتك بكره تمشيني انا والبنات في الخبر زهقنا
فواز:ماشاء الله ياعمتي كل يوم عند فلانه وبالليل عشاء عند فلانه ويوم بالمطعم الفلاني
قاطعتها دلال:ليكون حاسدني انا وبناتي
فواز(والله وهقه):لا والله ياعمه بس الشغل كله فوق راسي وماعندي وقت امشي نفسي
دلال:ايه مبين ماعندك وقت ايه على فكره دقت امك وتقول العمليه الثانيه لابوك يوم الجمعه
فواز:وشو الجمعه طيب ليه مادقت علي
دلال:ماهي فاضيه بتدخل مع ابوك مرافق وبتقفل جوالها اذا بغيت دق على عبدالله
فواز:الله يقومه لي بالسلامه
دلال:تعشيت ولا روح للمطبخ وقل للخدامه تحط لك عشاء
فواز:لا مابي بروح غرفتي
فواز وهو في طريقه لغرفته تذكر صديقه عمر انه لقاله 5مكالمات وكان يبي ياخذ تليفون البيت
سمع بنت عمته ساره تكلم
(عمته دلال عندها 3بنات ضي 4سنوات وفي9سنين وسارهـ 18 سنه)
وتقول بس والله احبه واموت عليه زاد الفضول عنده ليعرف عن من تتكلم
وقاطعه صوتها وهي تقول:طيب وش اسوي صار لي يومين ماشفته مايجي للبيت مشغول بالشركه
انصدم باللي سمع هاذي ساره اللي مايعتبرها الا اخته
وبدت عنده مشكله جديده شلون ينسيها لانه كان متاكد انه حب مراهقه وانها صغيره على هالكلام
راح غرفته والتفكير شالغه
واخذ جواله ودق على صديقه ( لو اني من اول دقيت من جوالي كان ابرك)
رد عمر:اهلين زين طرينا على بالك
فواز:طيب سلام اول
عمر:السلام عليكم وينك وش تسوي وتعشيت؟
فواز:الله يعيني كل هذا تبي اجوبه طيب عندك اسئله ثانيه من مره علشان اكتب تقرير يرضيك طال عمرك؟
عمر : أي والله ياليت يكون احسن اقول بلاثقالة دم ميت من الجوع والوالده مسويه طبخه يجبها قلبك وتقول اعزم فوازوه هاه تجي تتعشى معي؟
فواز:الله يخلي لي خالتي يالله دقايق واكون عندك
عمر:الله ماعندك وقت طيب ارفض خلني احلف عليك
فواز:اقول افتح الباب جايك وبلاكثرة كلام
عمر:انتظرك لاتاخر علي
راح فواز لعمر
(عمر صديق فواز من ثالث ثانوي صحيح بعرفه من كم سنه بس كانه يعرفه من اول ماإنخلق
درس هو وفواز بنفس الجامعه وبنفس القسم
بس فواز اجل دراسته لمن يرجع ابوه بالسلامه وعمر كمل عمر انسان طيب جدا حنون
ابوه مات من 4سنوات وعند اخ اكبر منه متزوج وعنده عيال وهو ساكن مع امه ببيت رغم صغره الا انه فخم بكل ماتعنيه الكلمه
مع العلم بانهم بنفس مستوى فواز المادي ويمكن احسن بس اخذ هالبيت بالذات مايبي يتعب امه )
ام عمر كانت تعد فواز توأم لولدها عمر
فواز دق الجرس
ام عمر رفعت السماعه :مين؟
فواز:انا فواز
ام عمر: هلا يمه فواز ادخل المجلس عمر ينتظرك هناك
راح فواز المجلس ولقى عمر متمدد
فواز:اخس على الرجال اللي يستقبلون ضيوفهم كذا
عمر وهو منتبه مع المباره بالتلفزيون:اقول اجلس اخلص شكلها قول هالمره
بعدين عدل جلسته ولف على فواز :
بعدين اللي يسمعك يقول ضيف ماكنك مطيح عندي ليل نهار
فواز:والله اللي يسمعك انت يقول انك صادقايه صح جبت معي التمر اللي تحبه خالتي واستحيت اعطيها تشيله
وعندها هنا حمار
عمر:لا يافواز مايصير تقول عن نفسك حمار عزيز وغالي وانا اخوك
فواز بانفعال مصطنع:صدق انك ماتستحي اقول انقلع جب العشاء ميت من الجوع بزران ماتستحي على وجهها
واخذ الريموت وقام يدور قنوات للشعر
فواز:عمر وين قنوات الشعر اشوفك ماشاء الله فاتح التلفيزيون استريو كله اغاني
عمر وهو يقوم يبي يجيب العشاء:يوه ياخي يانك قديم وتصلح شايب قال شعر قال
يمكن تلاقيها ورى القناه 370
وبالصدفه حط قناه وجت قصيدة ابن فطيس ياقو قلبك
عمر وهو ينزل العشاء عالسفره:يوه جد دخل جو مع الشعر قم تعش
فواز:هاه ايه عشاء تصدق احسها قالها من جرح
عمر:لافواز مو طبيعي فيك شي ؟
فواز :تصدق مااحب اكل اكلات شعبيه الا عندكم فديت اهل نجد كلهم مادام خالتي ام عمر منهم
عمر وهو كاتم الضحكه:اقول لاتقعد تغزل في امي احترم نفسك
اما فواز قام يضحك وماقدر يوقف ضحك ومن كثر الضحك دمعت عيونه
عمر:انا ماقلت نكته وبعد ماشاف فواز ماقدر يقاوم وصار يضحك معه
فواز:الله يرج بليسك ياعمير خلني اتعشى لازم ارجع البيت وراي شغل بكره لمن قمة راسي
عمر:الانسان بيموت والشغل وراه ليه ماتاخذ يوم اجازه نطلع نتمشى تغير جو الاوراق والملفات ارحم روحك
حتى يوم الجمعه تشتغل مسوي فيها لازم يتاكد من كل حرف الحين انت ليه موظف الاوادم مايحتاج انت سو شغلهم
فواز:والله ياعمر المسوؤليه صعبه تعرف الحلال مو حلالي يعني امانه
عمر:فواز من جدك انت حتى راتب ماتاخذ يالله تاخذ حق البنزين واغراض البيت ماتدلع روحك شوي

[♣ ♣المتفائله♣ ♣]

فواز:اه ياعمر همي كبير شيبت في عقول العرب
عمر:بدء حامد زيد اقول مالك نيه تروح بيتكم ياخي ابي انام
فواز:عمير ووجع تطردني خلاص ابشر بكنسل العزيمه
عمر:أي عزيمه لا فواز انت حبيبي لو تبي اجيب لك فراش اهم شي رضاك طال عمرك
فواز:انا لو جلست بيصير لي شي يالله حبيبي تصبح على خير وسلم على خالتي وتشكرها عالطبخه
عمر:وانت من اهله
طلع فواز من عند عمر وهو كان يتمنى حياته نفس حياة عمر انسان مرح وماخذ الحياه بمرح
وقام يفكر برؤى استغرب من نفسه ليه طرت على باله معقوله لان اللي شافه بحياته مايعتبر عند اللي شافته شي
او لانه متعاطف معها
جاء صباح اليوم الثاني صحى فواز على صوت الجوال المتصل عبود(اخوه الكبير)
اخذ فواز الجوال بسرعه:الو
عبدالله:صباح الخير على فواز
فواز:اهلين صباح النور شخباركم وشخبار ابوي
عبدالله :لا ابشرك الامور تمام وبدء مفعول الدواء واحتمال نقدم موعد العمليه
فواز:الف حمد وشكر لك يارب وامي شخبارها؟ولهان عليها موت
عبدالله :والله بخير مغطيه على بنات لندن
فواز ضحك:الله يرج بليسك وينقال الكبير تصدق اني اعقل منك في بعض الاحيان
عبدالله:اقول احترم نفسك ياولد وانا دقيت اطمنك علينا لاني بدخل المستشفى وبقفل جوالي
فواز:اوكيه سلم على ابوي وبوس راسه وامي بعد وحاول تطلعها معك برء المستشفى وكلموني
عبدالله:ان شاء الله يالله انتبه على نفسك
فواز:عبدالله
عبدالله:نعم
فواز بلهجه مصريه:لااله الا الله
عبدالله مات من الضحك:محمد رسول الله
قام فواز بابتسامه وبدل ملابسه وهو متأمل من رجعه اهله قريب
دلال كانت تكلم بالتليفون وشافت فواز وهو نازل من الدرج
فواز:صباح الخير
دلال:هلا يمه صباح النور
فواز:انا طالع تاخرت تبين شي ؟
دلال:ايه ياليت توصل البنات بدربك السواق راح المطار يستقبل صديقتي
فواز:عمتي بس انا تاخرت
دلال:من بيوصلهم الله يرضى عنك وصلهم
فواز بينه وبين نفسه اللهم طولك ياروح:خلاص عمتي قولي لهم يجون بسرعه ماابغى اتاخر زياده
دلال :روح وبيلحقونك
فواز طلع وراح لسيارته وجت ساره وفيء
ساره+فيء:صباح الخير
فواز:اهلين صباح النور
ومشى فواز وكان طول الطريق ساكت
فيء:وصلني مدرستي اول مااحب اتاخر وبعدين وصل ساره
فواز:لا مدرسه ساره اقرب لي (وكانت العكس مدرسة فيء اقرب)
ساره كانت مقهوره منه وصلها على مدرستها وهي نازله :مشكور فواز عالتوصيله
فواز:لا شكر ولاشي بالتوفيق لك ان شاء الله
انزلت وهي طايره من الفرحه وفي بالها(واي ناسه يتمنى لي التوفيق فديته بس)
فيء:فواز انت ليه كذبت مدرستي اقرب
فواز استغرب من ذكاءها:قال بس اذا وصلتك بعدين هي بيبعد طريق شغلي فهمتي
في:ايه علشان كذا تصدق وحد من صديقاتي شافتك لمن وصلتني اخر مره وقالت ولد خالك يهبل
فواز وعلى وجهه ابتسامه:الله يرحم بنات اول بس
فيء:يوه فواز كنك شايب خلك كول
فواز ضحك:اقول انزلي يام الكول وصلنا
فيء:شكرا
فواز:العفو ياكوول
كان مستغرب هذا وعمرهم 9سنوات تفكيرهم كذا وصل الشركه وكان في انتظاره شغل يطول فيه التعب
ومر الاسبوع من غير مايحس فواز فيه كان يومه نفس الامس شغل في شغل
وجاء يوم الجمعه موعد العمليه اللي تاكدت ان ابوه بيسويها في ذاك اليوم
وراح للمسجد وقام يدعي لابوه ان العمليه تنجح وربي يقومه له بالسلامه ولمن صارت الساعهـ 3 ونصف
راح المزرعه ومعه ملفات وصل الساعهــ اربع العصر
وكان عند كل حوض ولد اوبنيه يزرعون ورد ونعناع والاشياء الصغار والسهله
كان مبسوط من مساعدته لهم
وجاء شريف:اهلين فواز
فواز:اهلين شريف كيفك؟
شريف :الحمد لله
فواز:شوف شريف لمن يجون الاولاد المره الجايه قلهم يجيبون كتبهم ويذاكرون معد ابيهم يشتغلون اوكيه
شريف:حاضر يبغى شي تاني
فواز:لا
شريف :بابا فيه بنت يعطي انا ملف يقول انت انسى هو جمعه راح
فواز:يوه قلبت عليه المكتب الحمد لله ماهو ضروري بس وينها؟
شريف :شغل سوي ورد هذا بنت كتير كويس يعرف كل شي
فواز :وينها الحين؟
شريف :غرب مزرعه
فواز :خلاص روح كمل شغلك وانا بروح هناك اشوف وش يسون
راح فواز لغرب المزعه كانت جهه للبنات علشان يزرعونها
وجاء ورؤى مدنقه وتسقي بذور توها زارعتها
وقرب منها قال:وش تسوين؟
رؤى كانت تسقي ومن الخرعه طش المويه بوجه فواز
رؤى بربكه:اسفه والله اسفه بس خفت
فواز وهو يضحك:الدنيا برد وانتي ماقصرتي
رؤى وهي شوي وتبكي من الفشله :اسفه والله ماقصدت
فواز:بعد يمكن تكونين قاصده ترى جبت اليوم ملفات ياليت تساعديني فيهم وهم بالصاله اللي راجعنا
فيها الملفات الاسبوع اللي طاف
رؤى:اوكيه ببدء لمن تجي
فواز راح يبدل ملابسه لانها تغرقت بالمويه
وكان ينشف شعره وهو داخل رؤى انعجبت في شكله مره بس نزلت عيونها على طول
فواز:بديتي بالصعب
رؤى:احسن لاني نشيطه الحين وبنتبه اكثر
فواز:انتي قد اشغلتي بشركه
رؤى:لا ليه؟
فواز:ماشاء الله اجل شلون تعرفين كل هذا
رؤى اعرف وبس
فواز:كلك اسرار طالع بساعته ودق على جوال عبدالله بدون رد
كان خايف على ابوه وبعد ربع ساعه من الصمت
كانت رؤى تشتغل بالملف واخوانه جنبها ولاحظت القلق على فواز
رؤى بصوت شبه مسموع:عمي
فواز ضحك:من وين جبتي عمي بعد اسمي فواز
رؤى :ليه قلقان ؟
فواز:شلون عرفتي اني قلقان
رؤى:كل شوي تطالع بالساعه
فواز:ابوي تعبان بالقلب وبلندن والحين بالعمليات وخايف عليه مره
رؤى:مايفيد القلق ادع له ربي يقومه بالسلامة الله يعافيه ويشفيه
فواز:الله يسمع منك
وبعد ساعتين من الحسابات خلصت رؤى الملف وفواز باقي ماخلص الا كم صفحه
مع ان ملف رؤى اعقد واصعب
رؤى:خلصت
فواز:ماشاء الله بالهسرعه الملف يبي له يوم
رؤى :انتو تتبعون طريقه مطوله وصعبه يعني مثلا الفاتوره الاولى تضربون عدد الاكياس بحجمه
وبعدين تقسمون المبلغ الى عدد الاكياس وتسون لويه من ولاشي
عدد الاكياس اضربها بسعرها في السوق وقارن بين السعر الموجود بالملف وبس
فواز :والله انك صادقه ماشاء الله اشك انك متخرجه من جامعه
رؤى :ياليت
وقطعهم صوت جوال فواز المتصل عبود
رد فواز:هاه بشر ياعبدالله؟
عبدالله:فواز الحمد لله نجحت العمليه واذا ماصار شي لـ 24 ساعه بينزلونه الجناح
فواز:الله يبشرك بالجنه طمني اول باول
فواز سكر من عبدالله وسجد سجود الشكر
رؤى:الحمد الله على سلامته وانا ستاذن بيجي الزعيم الحين
فواز:وين تروحون عشاكم كلكم اليوم علي
رؤى :مادري الزعيم بيوافق
ماعليك انتي روحي لللباقين وقولي لهم يجون هنا علشان نتعشى وزعيمكم خليه علي
وراحوا اخوان رؤى يقولون للباقين عن عزيمة فواز لهم
الكل انبسط بس كانوا ينتظرون الزعيم لانه هو اللي بيقرر
دق فواز على المطعم وطلب اللي بيعشي قبيله كان طاير من الفرحه
لان عملية ابوه نجحت كانوا جالسين برى على طاوله وكانوا كل الاولاد موجودين كلن لاهي مع الثاني
فواز:رؤى
رؤى ناظرت في فواز لاول مره تحط عينها بعينه فواز اندهش من عيونها كانت مرسومه ولونها رمادي
تنح ورؤى نزلت راسها :ناديتني
فواز:هاه ايه اخوك شكله نايم في سابع نومه حطيه بالصاله ادفى له
رؤى:لا عادي متعود ينام وهو جنبي مابغى اخرب عليه نومته
فواز:رؤى ممكن اسال سوال؟
رؤى:تفضل عمي
فواز:يوه مره ثانيه عمي المهم ماابغى اسمعها مره ثانيه اتخيل نفسي شايب
رؤى:خلاص ابشر عمي
انتبهت انها قالت عمي وضحكت
فواز:انتي وراك قصه ممكن اعرفها؟
رؤى:يوه قصتي طويله
فواز :انا احب الروايات
رؤىبعد ماتنهدت: لمن كان عمري 4سنوات او5سنوات لقوني مضروبه ضرب مبرح ومرميه على طريق صحراوي
واخذوني للمستشفى بقريه متواضعه ودخلت بغيبوه لمده سنه ونص
لمن صحيت ماكنت اعرف ولاشي حتى اني ماتكلمت الا بعد ماصحيت بشهرين
كنت ناسيه تماما من انا؟ وللحين مو قادره اتذكر و ام فجر وخالد اخواني كانت ممرضه في هذاك المستشفى
طبعا من زمان مو مثل الحين يعني كنت نفس الابره بكومه قش وللاسف انا مساعدتهم
لان فاقده ذاكرتي تماما اخذتني عندها وربيتي لانها هذاك الوقت ماكان عندها عيال وكانت تتمنى الضني
وبعد سنتين حملت بفجر وبعدها بسنه حملت بخالد وكانت دايم تقول اني وجه خير عليها وان ظروفهم
تحسنت من اخذتني ومرت السنين وكنت عايشه مبسوطه مااحس نفسي الا مع امي وابوي واخواني
ماكان عمي بو خالد مقصر علينا بشي نروح لاحسن المدارس وناكل وكنا مثال للعائله المثاليه
بس كل شي انقلب قبل سنه
هنا دمعت عيون رؤى
فواز:اسف اذا تبين لاتكملين
رؤى لاعادي بس تذكرت امي ام خالد الله يرحمها
اكتشفوا عندها السرطان وكانت امكانيات عمي بوخالد متواضعه وكان بمنطقة الدماغ
يعني منطقه حساسه ولازم تسافر برى باسرع وقت بس للاسف ماقدر عمي يتدارك الوضع

[♣ ♣المتفائله♣ ♣]

لمن جت الدوله بتسفرها لقت ان المرض انتشر بكل جسمها وان العلاج بحالتها مستحيله اكتشفوهه وهو خلاص بمراحل متقدمه مايقدرون يسيطرون عليه
وبعدها باسبوعين ماتت وانقلب حال البيت
فواز:وابو خالد وينه الحين؟
رؤى بكل اسى وبصوت مبحوح :من يومها وهو سكران 24ساعه مافيه اطيب من قلبه بس من ماتت ام خالد وحالته مقلوبه
صاير يسكر ويضرب وانقلب علي وعلى عياله بشكل ماتتوقعه
وانا الحين اشتغل واحاول اصرف على عيال الحرمه اللي ربتني ابي ارد لها ربع الجميل
فواز سرح (كل هذا صاير لك ياه يالزمن)
فواز:الحمد لله على كل حال طيب وش سالفه ذاك اليوم اللي قابلتك فيه لاول مره وليه كنتي هناك بذاك الوقت؟
رؤى :كنت نايمه وسمعت ضجه طلع ابو خالد وصديقه كان عمي نايم وصديقه قام يطالعني
بنظرات تخرع حاول يدخل علي انا واخواني الغرفه بس سكرت عليهم وهربت
فواز:ليه مادخلتي معهم وقفلتي
رؤى: الباب بسهوله بنكسر ولاني خايفه عليهم مرره اما انا بالطقاق مايهم اهم شي مايخافون وانا امشي جت السياره وكملت الخوف اللي فيني
بعدين جيت انت صدقني ماراح انسى فضلك علي لو اموت لولا ستر ربي ولولاك مادري
الحين انا وين وكيف حالي
فواز:مو مبين عليك كل هالهم طيب ماتعرفين شي عن اهلك
رؤى:ماتذكر ولاشي واحتمال ماسترجع ذاكرتي الا بسن الاربعين يعني بعد مايفوت الاوان
فواز بكل اسى على رؤى اللي انصدم ان ورى هالبنت الرقيقه والناعمه كل هالاحزان:
طيب بسال سوال اخير واسف اذا ضايقتك
رؤى:اسال؟
في هاذي اللحظات جاء ولدين(فيصل+سعود) ينادون رؤى
فيصل+سعود:رؤى بسرعه الزعيم معصب منك بسرعه تعالي
فواز:لا قولوا له يتفضل يتعشى معنا
سعود:قلنا له بس هو عصب لمن درى ان رؤى قاعده معك
رؤى:ياويلي فجر بسرعه اسبقيني بشيل خالد واجي وانت يا سعود خذ فيصل وفجر واركضوا قبلي
لايعصب عليكم
راحت رؤى وهي تركض والخوف سكنها ولحقها فواز
وصلوا لعند الباب وكان الزعيم ينتظر رؤى عند الباب
انتهى البارت

[♣ ♣المتفائله♣ ♣]

ــــــــــــــــــــــــــــــــــــــــــــــــــ ــــــــ(3)
(الزعيم ولد اسمه معاذ عمره 27 سنه مفتول العضلات عريض ودايم يشبهونه بمساري كان اسمر وعصبي
يسمونه الزعيم لانه مسوول عن 13 ولد وبنت يدبر لهم الشغل ويعطونه نسبه والباقي لهم)
رؤى:اسفه تاخرت
معاذ:لا والله تاخرت ومسك رؤى بيدها ولفها
وبدت شيلتها تطيح من على راسها:معاذ الله يخليك تعور
معاذ:لاوتناديني معاذ حاف وشد قبضه يده على يدها اللي حست انها تسمع صوت تحطيم عظمتها بين يده
فواز وهو يحاول يفك يده عنها:اخوي صل على النبي
معاذ وهو يدفه:وانت بعد الحبيب الولهان
فواز:استغفر الله انا فواز وهاذي مزرعتي وانا شغلتهم عندي واعطيهم مصروفهم ورؤى
كانت تشتغل داخل وماسمعت الباقين لمن نادوها
معاذ:ويدافع عنك بعد
رؤى وهي تبكي:الله يخليك والله يعور
معاذ:مسكينه اركبي بسسرعه ودفها على السياره وضربت بكتفها وراحت وهي تطيح وتقوم وركبت
فواز بصراخ :لو سمحت وش سوت هي لاتاذيها ترى مو في صالحك
معاذ:لا والله خرعتني ومشى وترك فواز وهو يكلمه
حاول فواز يلحقه بس ماقدر لانه ركب السياره وراح بسرعه جنونيه
فواز كان متضايق ويحس بالذنب انه سبب اللي صار
حاول ياخذ رقم اللوحه بس ماقدر
وهو يصارخ:شريـــــــــفشريــــــــــــــــف
شريف:نعم بابا
فواز:تعرف كم رقم اللوحه؟
شريف:لا كل يوم يجي بسياره غير بابا
رجع فواز للمزرعه بعصبيه وهو محتار وش يسوي اخذ الملفات ولاحظ ان شنطة رؤى موجوده
اخذ الشنطه ولاول مره يتجرا ويمد يده على اغراض غيره
فتح الشنطه ولقى اشياء كانت تدل ان صاحبة الشنطه طفله مو شابه بعمر الزهور بس لقى شي لفت نظره
لوحه من الكرتون مرسوم فيها بالفحم كانت روعه بس مو كامله كان ثلث الرسمه بس
استغرب فواز واحتار في رؤى ليه تشيل هالكرتون ومن صاحبه الصوره
وكان الف سوال يخطر في باله رجع اغراضها مكانها واخذ الشنطه وطلع من المزرعه
ورجع للبيت وكان ناسي مايطمن عمته على ابوه
دخل البيت وهو متضايق من اللي صار لرؤى وحاس انه السبب واللي مضيقه زياده انه ماقدر يسوي شي
لانه لو حاول يمنع معاذ بيتاكد من الافكار السوداء اللي براسه وبيزيد بعذابه لرؤى
دلال:فواز
فواز:هاه هلا عمه
دلال :طمني عن ابوك عجزت ادق عليك
فواز:اسف عمتي نسيت اطمنك ابوي تمام الحمد لله واذا طلع من العنايه بيدق علي عبدالله بس انتي ادعي له
دلال:امين يرجعه لنا بالسلامه بس انت تعال بفهم وين تروح كل جمعه وانت باجازه
فواز:هاه لا مسوي مفاجاه وبقولها لكم اذا وصل الغالي بالسلامه
دلال باستهزاء:ليكون متزوج؟
فواز بغيض:الله يهداك عمتي انا وين والزواج وين؟الله يهيدك بس انا طالع ارتاح
طلع فواز وهو مستثقل خطوته كان حاس باحساس بالذنب
على الدرج حتى انه نسى جواله بالسياره وكان عجزان يجيب جواله بس تذكر الشنطه رجع مستعجل للسياره
دلال:وش فيك؟
فواز:لابس نسيت جوالي واخاف عبدالله يدق
راح فواز بعجله للسياره واخذ الجوال والشنطه بس كان حيران شلون يدخل فيها
وعمته بتفتح له تحقيق
ونادى السواق جاء السواق
السواق:نعم بابا
فواز:امش معي غرفتي؟
السواق :لا بابا انا ماهوبي نام مع احد في قرفه
فواز:مالقيت الا انت انام معك لابس ابغاك تاخذ ملفات وتحطها بالسياره
دخل فواز ومعه السواق وقام ينادي:عمتي عميمه
دلال:خير وش صاير
فواز:خذوا درب السواق بيدخل معي للغرفه ينزل ملفات
دلال:خلاص بس بسرعه بروح اشوف البنات
فواز كان راكب الدرج وعلى وجهه علامة النصر بانه دخل وماشافت عمته الشنطه
وصل جناحه
)كان فواز ساكن بجناح الضيوف علشان مايضايق عمته وبناتها )
فواز:راجو خلاص رح نسيت اني وديتها امس
راجو:ايش كلام وقام يتحلطم
فواز:والله اخر زمن بغى يصكني كف
دخل غرفته وجلس على سريره وكله امل يلاقي أي شي يوصله لرؤى
فتح الشنطه للمره الثانيه ويقول في باله:رؤى تكفين سامحيني اني بفتش بغراضك بس كله علشانك
طلع الكرتون اللي عليه الرسمه كان مستغرب من الدقه اللي فيها مع انها مرسومه بالفحم
كان مستغرب اكثر ان مبين على الرسمه قديمه بس ملامح البنت اللي فيها مو كامله
وقام يناظر بباقي الاغراض لقى مذكرات فتح الصفحه الاولى
لقاها كاتبه:
(القلم هو من لجات اليه واواني واونس علي وحدتي
الجميع تخلوا عني وسوف يتخلون عني الاخرين
ولكن لن يفي لي سواك ياقلمي.)
وكان ملصقه فله يابسه
وكاتبه تحتها اتمنى للي يطيح الدفتر بيديه انه مايقرا ولاحرف وماراح اسامحه لو قرا
احتار فواز هل يكمل قرايه الدفتر اولا؟ بس لمن فكر انها بتزعل سكر الدفتر وقرر انه مايقراه
مع إنه هو اللي بيكشف له رؤى وكل تفاصيل حياتها اللي كان عليها استفهام
رجع اللوحه ورجع الدفتر وسكر الشنطه وقطع على نفسه وعد بانه بيرجع الشنطه لرؤى طال الزمن او قصر
اخذ جواله ودق على جوال عبدالله بس كان مغلق
حط راسه وكله تعب وقام يمر عليه شكل رؤى لمن كانت تبكي عند معاذ
استغرب ليه يفكر فيها هالكثر معقوله كل هذا تاثر اخذ الشنطه وحطها بدرج اغراضه
ورجع وتمدد على فراشه والتعب مسيطر عليه وقام يفكر بحياته وبكل تفاصيلها ويفكر بابوه
وامه وحياتهم قبل مايمرض
ماحس على روحه الا لمن اذن الفجر قام وراح توضى ونزل تحت يبي يروح للمسجد
راح للمسجد وصلى الفجر وقام يدعي لابوه ويدعي لرؤى اللي حتى بحلمه كانت موجوده
رجع للبيت وانصدم بساره كانت بغرفته ودفتر رؤى بين يدها
فواز بعصبيه:ساره انتي وش تسوين هنا؟
ساره انصدمت برجعه فواز وحطت الدفتر وراها وبارتباك:هاه ولاشي بس سمعت صوت وقلت اجي اشوف وشو
فواز بعصبيه مكتومه :ساره لو سمحتي عطيني الدفتر واطلعي برا
ساره ودمعتها بعينها:فواز الدفتر هذا حق مين؟
فواز:ماتوقع لك دخل بخوصصياتي
وسحب من يدها الدفتر
ساره ودموعها على خدها:انا شفتك امس طالع بالشنطه استغربت لانها ورديه والحين الاقي مذكرة بنت
وتقول خصوصياتي انت ليه ماتحس فيني ليه ماترحمني؟
فواز:ساره لو سمحتي امسحي دموعك واطلعي برا انتي الحين متوتره وماينفع الكلام
ساره:انا طالعه يافواز بس خلني على بالك انا ماراح اهدا الا لمن اعرف سالفة هالشنطه وهالمذكره
وطلعت ساره وهي تبكي
فواز ضرب بيده الدرج (اسف يارؤى افتحته يد غير يدك)
وحط الشنطه بخزنته الخاصه مع الملفات المهمه ودفاتر الشيكات
تضايق مره وحب انه يطلع من البيت يشم هواء قبل لايروح الشركه
وراح للبحر وكان الهواء بارد ونسمات الريح تحسس الواحد بالنشاط
وريحه المويه واصوات الموج كان جو كفيل بانه ينسي فواز شوي
جلس عالبحر وصار يراقب الامواج حس انه وده يكتب
(طبعا فواز كان شاعر بس انشغاله ماكان في الفتره الاخيره مايخليه يكتب)
كتب:
هـمي كبيـر ومالـقـيت اللي يواسينـي
محـد (ن) وفالـي بـ هالعمر قد دمعـاتي
دمعـاتي اللي لابكـيت بصمت تبكـينـي
تـرسم على وجنـاتي الغبـرا معـانـاتي
صحيـح تفـضحنـي ولكـن ماتخـلينـي
إحسـاسها الصـادق يخفـف ضـيم آهاتي
آهاتـي اللي من قـديـم العمـر هي فيني
إحسـاسهـا شعـري وأنفـاسهـا ذاتـي
أنـا جـروحي بـ هـالدنيـا تسـلينـي
فيهـا يتـلاقى بقايـا الشـوق وشتاتـي
فيهـا يتنفـس دمـي اللي في شرايينـي
فيها صدى الجرح يحكي بلسـان عبراتي
أنـا همومـي لـو نستني توقف سنينـي
توقف على حدود المشاعر بصمت وتحاتي
تجـرحني بنظـرة عتب وماتحـاكينـي
أتنـهد ومـن دون مـدري تهـل دمعاتي
همـي كبيـر ومالـقيت اللي يحس فيني
إلا دمـوعي والـورق واحساس كلماتي
حس بعدها بالبرد وانتبه على نفسه وكان ثوبه خفيف والهواء بارد
راح لسيارته وحس ان همومه وراه خلاها بين موج البحر وراح عنها حس براحه من زمان
ماحسها وزادت راحته لمن كتب كان يلاقي نفسه بالكتابه ويخفف عن خاطره الكثير
وصل للشركه ولمن كان نازل دق جواله المتصل (عبود)
رد :هلا والله وغلا
عبدالله:اهلين شعنده المتنبي رايق
فواز:هيه ترى مايحسد المال الا اصحابه بشرني عن ابوي
عبدالله:ابشرك اموره تمام وصحته كل يوم احسن من الثاني
فواز:الحمد لله يارب
عبدالله:فواز عندي لك بشاره كم تعطيني عليها؟
فواز:بشاره اعطيك عيوني لو تبي
عبدالله :وش ابي بعيونك ولا اقول تمشي مستشفيات لندن تطلب اعضاء للتبرع
وعيونك حلوه ذابحه البنات ولا تخليهم يعطوني وجه وانا معك يمكن لو شلت عيونك يعطوني وجه
خلاص انا موافق على عيونك
فواز:الله يالظالم هالمخطط الشرير وانا معك على الخط وبسم الله على عيوني لاصير أعمي
اقول وشي البشاره اخلص علي؟
عبدالله :بعد اسبوعين جهز نفسك ابي عيونك
فواز؟:بربك عبدالله جايين بعد اسبوعين قل والله
عبدالله:والله جايين بس لاوصيك وانا خيك بالمفاطيح ياني مشتاق لها لبى السعوديه
فواز:بس واحد الا عشره وربي فرحتني
عبدالله:دوم يارب خلاص من اليوم وايح بنفرح كفايه قومه الغالي وخذ امي تبي تكلمك
ماخلتنا بجونا الرومنسي اللي بيختفي اول ماشوفك
ضحك فواز وقال:والله اني داري ارسل ابوي وامي وانت اقعد والله هواء لندن خلاك ذرب وعطني امي بسرعه
عبدالله:هين فوازوه اصلا انا ذرب من زمان وهذانا بدينا هواش
وضحك وخذت امه السماعه من يده :فواز يمه
فواز:هلا وغلا بالغاليه الله لايحرمني هالصوت
ام عبدالله:هلا بك يابعد قلبي انتي شخبارك؟
كان عبدالله يصارخ ويقول لامه: لنا الله بس
فواز بضحكه:خليك منه شخبارك يالغاليه وربي وحشتيني موت
ام عبدالله:يارب يبلغني شوفك يمه شخبارك تاكل وتنام زين خبري بك اكيد مهمل نفسك مع شغل
الشركه
فواز:لا معليك يالغاليه كل شي تمام وبس انتوا تعالوا واصير بألف صحه وعافيه
ام عبدالله:ان شاء الله يالغالي تامر شي من هنا لان الحين وقت الزياره
فواز:سلامتك يالغاليه سلمي على ابوي
عبدالله:بس لاتبكي حبيبي
فواز:ياشين بعد زين يالله عبود ان ميت من البرد واقف من اليوم برا
عبدالله:يالله ربي يحفظك
فواز دخل للشركه وهو بردان وطلب له كوفي وبدء شغله
جاء وقت الغداء وحب فواز يروح للمزرعه يستعجل شريف بالشغل حتى اذا جاء ابوه
تكون المزرعه اوكيه
راح فواز للمزرعه وفتح شريف الباب نزل فواز وبابتسامته يطالع في اللي سوه الاولاد امس
شريف:اهلين بابا
فواز:اهلين شريف شريف استعجل بشغل مزرعه وجب العمال اللي تحتاج اوكيه
شريف:اوكيه بابا الحمد لله بابا فرحان اليوم؟
فواز:بابا جاي بعد اسبوعين هو كويس الحين الحمد لله
شريف بفرح:الحمد لله رب كبير ماينسى بابا ابو عبدالله>>>ههههه هندي جدي دايم يقولها
راح فواز للصاله اللي كان يجلس فيها مع رؤى كانت كبيره وجدرانها زجاج
كانت تبين المزرعه و بركة السباحه جلس عالكنبه وتمدد بتعب
جاء شريف: بابا
لقى فواز نايم راح لرؤى عند الباب قال: ماما فواز نايم
رؤى :لازم اشوفه ضروري روح صحه من النوم
دخلت رؤى تشوف فواز ودموعهاعلى خدها
لمن دخلت الصاله لقت فواز نايم استحت تصحيه بس لضروره الامر تجرات انها بصوت
شبه مسموع تناديه:فواز
مالقت من فواز أي رد
علت صوتها شوي ورجفه:فواز
لمن ياست قالت: شريف صح فواز بسرعه الله يخليك
شريف :حاضر ماما
نادى شريف فواز:بابا بابا
ولمن لمس فواز :اوه ماما بابا فواز كثير حار
لمست رؤى خده لقته مثل النار خافت :شريف بسرعه جب مويه بارده ومنشفه
راح شريف يجيب الماي وهي راحت تجيب لحاف
جابت اللحاف ولحفت فواز واخذت المويه البارده وبللت المنشفه وحطتها على راسه
فز فواز وبكل تعب فتح عيونه :رؤى
رؤى:فوازانت تعبان ولازم ترتاح
فواز رجع راسه بكل تعب ماكان حتى قادر يتكلم وغمض عيونه ونام
رؤى كانت قلقانه عليه بس كانت ام خالد اللي ربتها ممرضه واستفادت منها كثير
شريف:ماما خليني اوديه مستشفى
رؤى:اذا مانزلت حرارته بنوديهفيه صيدليه قريبه
شريف:ايه ماما
رؤى اخذت ورقه وكتبت لشريف ادويه يجيبها قالت له :بسرعه شريف لاتطول ارسل واحد من العمال
انت لاتروح خلك قريب
شريف :حاضر ماما
جلست رؤى تكمد فواز اللي كانت خدوده مورده من التعب وكنه طفل صغير بين يدينها
حست بألم برأسها تذكرت شي بس كانت مشوشه وخايفه ولاقدرت تركز وشو
رؤى:فواز انت تسمعني؟
فواز كان يان وينادي رؤى
رؤى:انا هنا فواز
فواز ظل ينادي رؤى
رؤى خافت ونزلت دمعتها وحست انها بتفقد امل انزع في طريق الياس اللي تمشي فيه:فواز
فتح فواز عينه وابتسم لرؤى
رؤى:فواز وش حاس فيه؟
فواز حاول يقوم بس رؤى منعته:انت وين رايح
فواز:هاه انا طيب لازم ارجع للشركه تاخرت
رؤى بحزم:فواز انت مريض ولازم ترتاح والشركه ماراح يصير لها شي اذا خليتها يوم
فواز:بسـ
قطاعته رؤى:لابس ولاهم يحزنزن
فواز رجع وقامت رؤى جابت له وساده :خذ حطها تحت راسك
اخذ فواز الوساده :رؤى انتي ليه جيتي وش صار بعد امس
رؤى وتذكرت ليه جايه واكتئبت ملامحها(جايه أقولك عن أول المصايب اللي تجي من وراي معاذ ناوي يجي يطقك علشان أمس وانت مالك ذنب) انتبهت من سرحانها وقالت بسرعه:مو وقته اول ماتطيب بقولك بس انت ارتاح
فواز: اليوم رحت البحر وقعدت هناك ساعتين شكلي خذيت برد
رؤى بانفعال:احد صاحي ويورح البحر بهالبرد واكيد ماكنت لابس جكيت ؟
فوازضحك ضحكه باهته ورؤى لمن شافته استحت واستغربت من نفسها انها تجرات على فواز
جاء شريف واعطى رؤى الدواء:ماما هذا دواء ماما
رؤى:شريف وين المطبخ؟
شريف :من هنا ماما
راحت رؤى المطبخ وكان فاضي بس فيه في المزرعه خضار
راحت للحوض اللي فيه الخضار واخذت كم خضره منهم وسوت شوربه
جت رؤى واعطت فواز الشوربه :فواز انت لازم تاكل علشان تاخذ الدواء
فواز:يوه اكل ماشتهي
رؤى:مولازم تشتهي لازم تاكل
فواز ضحك:تذكريني بأمي ههههه
اخذ صحن الشوربه ولمن خلص اخذ الدواء وغط في نومه
رؤى لمست راس فواز حست ان حرارته نزلت
جلست تفكر في اخوانها فجر وخالد اللي اخذهم خالهم اليوم وهي بقت وحيده وتواجه ابو خالد وصاحبه من دون ماتشوف مصدر قوتها تنهدت من قلب وانتبهت للوقت
صارت الساعه 6المغرب
راحت غيرت موية الكمادات ولمن رجعت سمعت فواز يتكلم ويهذي
رؤى قربت تبي تسمع وش يقول انصدمت باللي تسمع
فوازكان يقول:لا رؤى رؤى وكان يكرر اسمها
حست بخوف ولاحظت تعلقها في فواز بس طردت هالفكره من رأسها
ولمست راسه لقت ان الحراره رجعت له لان مفعول الدواء راح
حطت الكماده على راسه وجابت كمادات وحطتها على صدره وعلى خدوده
كانت خايفه انه تستمر معه لانه لازم يتدخل المستشفى
راحت تصلي وتدعي لفواز انه يقوم بالسلامه
صحت رؤى فوازو صحى واخذ المسكن ورجع نام
كان تتامله لاول مره لانها كانت تستحي ترفع عيونها لمن كان يكلمها
وكانت تقول بخاطرها :سبحان الله فواز شاب حنون وطيب وحلو وهمه اكبر منه يارب انك
تخفف همه وتسعده باقي حياته
فتح فواز عينه وكانت رؤى سرحانه
فواز:في مين سرحانه
رؤى:هاه انت صحيت شلون تحس نفسك احسن
فواز:اكيد احسن وانتي شوي تحطيني بكرتون ثلج
ضحكت رؤى:لازم كذا
فواز:رؤى لو سمحتي ابي مويه عطشان
قامت رؤى وهي جايبه المويه تعثرت في الطاوله
قام فواز:رؤى فيك شي
رؤى:لا مافيني شي معليك( وهي كانت تتالم بس ماحبت تبين)
فواز كان شعره مبلل من الكمادات وتحت عيونه علامات الارهاق والتعب
كان شكله نفس الحلم قامت رؤى وابتسم فواز لمن شافها انها قادره تقوم
قامت وهي تتالم رجعت عبت الكوب واعطته فواز
فواز:بسم الله (و شرب المويه )
ورجع وحط راسه على المخده وغمض عيونه بس كان صاحي
رؤى :شريفشريف
شريف:نعم ماما
رؤى :ارسل احد يجيب خبز وبيض وبرتقال وليمون
شريف:ان شاء الله
لمست رؤى خد فواز كانت حرارته نازله(كان وده يبتسم لانه تخيل انها تدري انه صاحي)
حست بفرحه وحست انها ردت له شوي من جمايله
اخذت رؤى الملفات اللي على الطاوله وبدت تراجعهم
جاء شريف:ماما هذا اغراض
راحت رؤى سوت العشاء لفواز وجهزت الدواء
رجعت تصحي فواز ومعها الصينيه حطتها عالطاوله
قام فواز وتعشى واخذ الدواء وقال:رؤى
رؤى:سم بربكه اقصد نعم
فواز:انتي شلون تعرفين الادويه اللي لازم اخذها هاذي نفسها الادويه اللي اخذتها اخر مره مرضت
رؤى:امي ام خالد كانت ممرضه وكنت اروح معها واشوف شلون وتعلمت كثير منها
فواز:اها ماشاء الله لكل شي تعرفين
رؤى:حرارتك مرتفعه
فواز:لمس راسه وقال مدري يمكن .لا
رؤى راحت لمست راسه وقالت :ايه للحين حرارتك عاليه لازم تريح نفسك وبكره مافيه شركه
فواز:رؤى
رؤى:نعم
فواز:وشو هذا اللي بيدك(كانت اثر ضربه وصايره خضراء)
رؤى:ولاشي بس طحت
فواز:هذا من الدفه على السياره صح؟
رؤى:فواز انت تعبان ولازم ترتاح
شافها ماتبغى تتكلم ماحب يضغط عليها
فكرت رؤى تروح للبيت بس لمين تروح للبيت اكيد ابوها واصدقاءه سهرانين هناك وخاصه ان اخوانها مو بالبيت قررت بس يطيب فواز تروح
وفكرت ان معاذ بيعصب لو يدري انها بالمزرعه لانها جت من دون علمه بس طنشت هالتفكير لانه بيتعبها
صارت الساعه 10 ونام فواز
اخذت رؤى الملفات وكملت وخلصت خمس ملفات وكانت الساعه 1 ونص
جاء شريف:ماما
رؤى بهمس حتى ماتزعج فواز:نعم
شريف:فيه رجال برى يبغى بابا فواز هذا نفر اللي يجي امس وياخذ كلو ولد وبنت
هنا طاح قلب رؤى تاكدت انه معاذ
تكلمت بخوف:وش قلت له؟
شريف:أنا قول بابا مو فيه مسافر هذا نفر مافي كويس
ارتاحت شوي:راح؟
شريف:ايوه ماما هو عصب كثير ويضرب سياره مسكين ويروح>>ههه والله انت المسكين
ابتسمت حست انه جبل وانزاح:طيب شريف خلك قريب يمكن يتعب فواز ونضطر نوديه المستشفى
بعدها حطت ميزان الحراره بفمه وانصدمت انها مره مرتفعه غيرت الكماده ونادت شريف
وخلته يطلب تكسي
لان ارتفاعها مايطمن وهو ماخذ الدواء من فتره قصيره
وصل التكسي وفواز كان مره تعبان
ركب شريف قدام ورؤى ركبت ورى وكان راس فواز على رجولها
كان راسه حار وطول الطريق كانت تدعي ان الله يشفيه تحس بالذنب وانها مسؤله عن مرضه مع ان مالها أي دخل
وصلوا المستشفى وجابوا النقاله
ودخلوا فواز العنايه
طلع الدكتور وراحت رؤى تركض
رؤى:تكفى دكتور طمني على فواز
الدكتور :انتي زوجته؟
رؤى بخجل:لا انا قريبته
الدكتور :انتي اعطيتيه اية ادويه
رؤى:ايه وقالت للدكتور عن الادويه
الدكتور:ماشاء الله انتي صغيره بالسن كيف عرفتي الادويه مره ساعدته لو ستر رب العباد كان تصعبت حالته اكثر
رؤى:طيب كيفه الحين؟وش معه بالضبط؟
الدكتور:الحمد لله بس لمن تنزل حرارته بنزله الغرفه عنده جرثومه بالرئه بس مع الادويه توقف نشاطها والوضع بسيط ومقدور عليه وماعليه شر ان شاء الله
رؤى:شكرا دكتور
الدكتور:العفو دكتورتنا
شريف:الحمد لله ماما ان شاء الله بابا فواز يصير كويس
رؤى:الحمد لله
انتظرت رؤى لمن نزلوا فواز للجناح ودخلت وهو كان نايم حطت باقه ورد بيضاء
وكتب الحمد لله على سلامتك وماتشوف شر رؤى
ولمن جت الساعه 8ونص الصباح صحى فواز
قام شريف:بابا انت كويس
فواز:وين انا؟
شريف :بابا انتا امس كتير تعبان وانا وماما رؤى جيب انتا مستشفى بالليل
فواز:وين رؤى؟
شريف :هي أول موجوده ولمن انتا انزل جناح حطت ورد وروح
فواز ناظر بالورده وابتسم واخذ الكرت وقراه وقال بخاطره
:الحمد لله ربي ارسلي رؤى ولا مادري وش كان صار فيني ولا من كان درى اني تعبان
وعنى فيني مادري شلون اجازيها وهي من عرفتها وانا اسمع اخبار حلوه
بس وين راحت وليش جت للمزرعه اكيد كانت تبي شي
جاء الدكتور:الحمد لله على سلامتك يافواز
فواز:الله يسلمك دكتور
الدكتور:الحمد لله كنت بتدخل في مضاعفات صحيه لولا ستر الله والادويه اللي اخذتها
انت عندك جرثومه في الجهاز التنفسي بس مع بداية نشاطها اخذت الادويه وقدرت تخليها تخمل
واحنا بدورنا بنزيلها باذن الله بس انت لازم تستمر على المضاد لمده اسبوع وترجع لي ضروري بكره
حتى ماترجع نفس الحاله معك وانت تقدر تطلع الحين واي ارتفاع في درجه حرارتك راجعني على طول
وسلم على قريبتك احساسي ان لها بالطب مستقبل عظيم
فواز:قريبتي
الدكتور :ايه سالتها من تكون قالت قريبته
فواز ابتسم :قال ان شاء الله شكرا دكتور الله يعطيك العافيه
الدكتور:ولو هذا الواجب عن اذنك
فواز راح للصيدليه وصرف الادويه وراح للبيت
دخل فواز وكله تعب
وشافته الخدامه وقامت تصارخ: ماما دلال ماما دلال فواز هنا
جت فيء:فواز وينك امي تسال عنك وخايفه مره
فواز:قولي لها انا تعبان وبطلع غرفتي
فيء:ان شاء الله
راح لغرفته وتمدد على سريره وكان يكح حتى حس ان حنجرته انجرحت
جت دلال:يمه في وين فواز
فيء:ماما فواز طلع فوق ويقول انه تعبان يبي يرتاح ودخل ووجهه مره شاحب ومعه كيسة دواء
دلال:دواء انا بطلع اشوفه
طقت دلال الباب:فواز افتح انا عمتك
فواز قام وهو بثقل يمشي فتح الباب:اهلين عمه
دلال:شفيك ليه مارحت الشركه؟
فواز:تعبت امس ونمت بالمستشفى والحين انا احسن بس لاحد يصحيني الا العصر
دلال:المستشفى طيب ماتبي تغدا
فواز:لا شكرا ماني مشتهي بس قوموني العصر للصلاه
دلال:خير ان شاء الله
فواز رجع لفراشه وتذكر رؤى وكيف بيرد لها اللي سوت
نام فواز وصار وقت صلاة العصر
جت فيء :فواز تقول ماما اصحى لصلاة العصر
فواز:طيب صحيت
كانت في رايحه قال فواز:فيونه
فيء:نعم

[♣ ♣المتفائله♣ ♣]

فواز:روحي خليهم يسون لي كوب عصير برتقال ويحطون عليه ليمون
فيء:طيب
فواز اخذ شور وغير ملابسه وراح للمسجد وهو بطريق الرجعه شاف جارهم ابو طلال
ابو طلال:هلا بفواز
فواز:هلا عمي شخبارك؟
ابو طلال:بخير الله يسلمك بس فقدتك امس بالمسجد عسى ماشر
فواز:الشر مايجيك ان شاء الله بس كنت مريض
ابوطلال:افا يبه سلامتك ان شاء الله اجر وعافيه
فواز:الله يسلمك انت بشرني عن صحتك؟
ابو طلال:الحمد لله ياولدي بس تعرف الكبر مايرحم
فواز:أي كبر ماشاء الله انت باقي بعز شبابك
ابو طلال ضحك وقال:أي شباب وانا عمك تعال الغداء وتراي ملزم
فواز:الله يخليك يارب وباذن الله نتغدا مع الوالد جميع لمن يرجع بالسلامه
ابو طلال:ماشاء الله راجع ابو عبدالله ياني ولهت على قعداته الله يبلغك فرحتك يبه
فواز:تسلم تامر شي
ابو طلال:مايامر عليك ظالم سلامتك انتبه على نفسك وانا عمك
فواز:ان شاء الله
رجع فواز البيت وشافته ساره :فواز
فواز:نعم ساره
ساره:الحمد لله على سلامتك
فواز:الله يسلمك عن اذنك بروح ارتاح
ساره:ماتبي تتغدا؟
فواز:لا شكرا ماني مشتهي
راح للصاله بجناحه وجلس عالكنبه وشغل التليفزيزن
وجلس على قناة فواصل
وجت قصيده قرم وفقير حامد زيد
أعشقه لكـن بـعـد ماتـقـهـره
ابتسـم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر

لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر

ماتميـل الا الغـصـون المثـمـره
ومايسيل من الجـروح الا الغزيـر
من قبـل لاتنقهـر مـنـه أقهـره
قبـل لايستحقـرك خلـك حقـيـر

أسكنه حرك جموده بـعـثـره
اعشق،أكره،عاتب،أشره،حن،غيـر
أنثـره ،لملمـه ، لملمـه ، أنثـره
صد ،يـاخي، طير لـو تقـدر تطيـر

واندق الباب
فواز:مين ؟
فيء:امي ارسلت لك الغداء والعصير
فتح فواز الباب نزلت الخدامه الصينيه
فواز:لحظه تعالي شيليها ماابي اكل بس حطي العصير
فيء:ليه ماتاكل شلون بتشرب الدواء
فواز سرح وتذكر رؤى وهي تقول مو لازم تشتهي اهم شي تاكل
فواز بابتسامه:خلاص رجعي الصينيه
فيء:الحين صدقت انك مريض اول شي تقول مابي بعدين تضحك وتقول خلاص خليه
فواز ضحك من كلامها واسلوبها
فيء:فواز اقولك سر
فواز:قولي وبصير كول وماراح اقول لاحد
فيء:ساره اللي مرسله الاكل وانت لمن تذكرت انها موجوده قلت خلوا الصينيه
فواز:من قال انا تذكرت حبيبتي انها قالت لازم تاكل
فيء:حبيبتك وين هي ليكون سارونه
فواز:لامو سارونه وانا بقولك سر بس ماتقولين
فيء:وشو ؟
فواز:انا احب وحده واموت عليها بس ياخساره انتي ماتعرفينها هي حلوه
وبس تعرفينها بتحبينها
فيء:ليه انت بتجيبها البيت
فواز:اكيد لاني بتزوجها
فيء:الله وناسه ودي يصير عرس بس انا اول المعزومين
فواز:افا انتي اللي بتخطبينها لي كم عندي فيونه
فيء:يالله باي
فواز كان عارف انها بتوصل الكلام لساره ةعلشان كذا قال لفي هالكلام
جت فيء تركض:ساره بشاره وابي عليها 100 ريال
ساره بلهفه :وشو؟
في:فواز بيتزوج؟
ساره:وشو من سعيده الحظ؟
في :مادري يقول اني مااعرفها بس هي حلوه مره
ساره بعصبيه:في انتي صادقه؟
في :والله العظيم هو قالي كذا
ساره:عيدي من البدايه وش صار
في قالت لساره عن اللي قاله فواز بالحرف
ساره بصدمه:في هاذي بشاره انقلعي برا بسرعه
في:مالي دخل ابي 100
ساره :في اطلعي
طلعت في وسكرت ساره على نفسها الباب وكانت مره مصدومه من الكلام اللي قاله فواز
دقت على صديقتها نوره
ساره:نوير لحقيني
نوره:خير وش فيك؟
ساره:فوازفواز يانوره
نوره:اهدي وقولي وش صاير؟
ساره قالت لنوره عن السالفه كلها
نوره وهي تضحك:يالمهبوله هو بس قال كذا يبي يختبر مشاعرك
ساره:لا احس انه صادق
نوره:لو كان صادق ماكان قال لفيء شغلي مخك شوي
هو عرف ان فيء بتقولك وماراح تخبي عنك
ساره:تهقين؟
نوره:وشو اهقى الا اكيد فواز يحصله سارونه ويطالع غيرها
ساره:واو نوير ريحتيني كنت بستخف
نوره:الله يشفيكم يالبنات انا اقول بلا حب بلاوجع قلب
ساره:انتي ماحسيتي بالحب ولاماكان قلتي كذا
نوره:لا مابي احب ولاانحب ابي اعيش حياتي على كيفي
ساره:اوكيه نتقابل بكره ترى انا بلبس الجكت الجنز البسي تبعك
نوره:اوكيه تشاو
ساره:تشاو
ساره في خاطرها والله صادقه نوره ليه عصبت بس ماتوقعت انه يحاول يحرني
بس ماحد راح ياخذك مني صدقني
انتهى البارت

[♣ ♣المتفائله♣ ♣]

البارت الرابع

في بيت ابو خالد
رؤى:عمي الله يخليك كلم خالي يرجع فجر وخالد
ابو خالد:رؤى روحي من وجهي تراي موب فاضي بعدين خليهم احسن صار البيت رايق
بدون صراخهم وخناقهم
رؤى ودموعها في عينها:انت ابو فيه ابو يكره عياله ومايبي قربهم غيرك
ابو خالد وهو نص واعي مسك رؤى مع شعرها وعطها كف:ماباقي الا انتي تعطيني درس بالابوه
يابنت الشارع انا اللي ربيتك وهذا الجزا اعمل الخير وقطه بحر
رؤى ودموعها على خدها:شوراع الله يسامحك ياعمي واخذت عبايتها وطرحتها وطلعت راحت لاخت ام خالد حصه
كانت طالعه من البيت تبكي وزعلانه على فرقا اخوانها وزعلانه اكثر على كلام ابو خالد اللي جرحها
(بيت معاذ بنفس حارة بيت ابو خالد)
شاف معاذ رؤى وهي طالعه من البيت قرب السياره لمن وقفت جنبها :رؤى وين رايحه؟
رؤى :بيت خالتي حصه
معاذ:وين كنتي امس؟
رؤى:كنت بالبيت تعبانه أي اساله ثانيه
معاذ وهو ينزل من السياره : تعالي بوصلك؟
رؤى وهي تمشي عنه :لا شكرا مايحتاج انا اوصل روحي والبيت موبعيد
معاذ مسك يد رؤى بقوه وتكلم من بين اسنانه :انا لمن اقول اوصلك تقولين حاضر مفهوم
رؤى كانت تتالم خلقه من ضرب ابو خالد ومسكته لها زادت ألمها وماقدرت الا ونزلت دموعها:حــ ــاضــ ــر
معاذ وهو يسحبها للسياره :ايه خليك كذا
ركبت رؤى بالمرتبه الثانيه من السياره
معاذ:ليه ركبتي ورى؟
رؤى:وين تبيني اركب يعني؟
معاذ بنظره ساخره:معي قدام
رؤى:وبأي صفه تبي أركب معاك قدام
معاذ:خطيبتي وزوجتي مستقبلاً و انا قد كلمت ابوك ووافق لاتخافين
رؤى بصدمه(مصدق عمره هذا):وشو تقول (وباستهزاء) خطيبي؟
معاذ بعصبيه مكتومه:ليكون موعاجبك ست رؤى يحصلك معاذ كنق زمانه؟
رؤى حاولت تفتح الباب وتنزل من السياره
معاذ ضحك ضحكه خرعت رؤى وقال بروقان :الباب مقفول وماينفتح الا اذا أنا فتحته يعني لمن ابي أنا
رؤى بصوت مبحوح:معاذ تكفى الله يخليك اللي فيني كافيني خلني أنزل؟
معاذ:وشو اللي فيك كل شي بيصير احسن لمن نتزوج
رؤى بعصبيه :نتزوج من قال انا مو موافقه عليك
معاذ عصب ووقف السياره على جنب ونزل وفتح باب رؤى وسحبها من السياره
معاذ:انتي وقحه ويبغالك تربيه
رؤى وهي تبكي:بتضرب اضرب وزواج ماراح اتزوجك لو اموت احسن
معاذ جن جنونه من كلامها وضربها لمن برد حرته فيها
رؤى وهي ماهي حاسه أي مكان يعورها لان كل جسمها فيه ضربات وكدمات بس ضلت ساكته بدون أي همس
معاذ:هاذي المره كذا المره الجايه بذبحك وانا زوجك غصبا عنك وأانا مسافر وبس أرجع بنتزوج فاهمه
ولاتفرحين لان كلها اسبوع وراجع
وداها بيت خالتها حصه
(حصه عمرها 33سنه عندها محمد11سنه وَهند 8سنوات وَسعد سنه ونص زوجها مسافر صاره له سنه في شغل ويجيهم في الاجازات بس بس هالاسبوع راجع)
مشت رؤى للباب وهي ماهي قادره تسند نفسها من الضرب اللي ضربها معاذ وابوها
دقت الباب وفتحت حصه رؤى بس شافت حصه طاحت
حصه بخوف وهي تمسكها :رؤى رؤى
سندتها ووصلتهاا للصاله وغسلت وجهها رؤى صحت واول ماشافت حصه قامت تبكي
حصه ضمتها وحاولت تهديها وبعد وقت هدت
حصه وهي ودها تبكي على منظر رؤى بس ماتبي تزيد عليها :رؤى من سوى فيك كذا؟
رؤى بملامح جامده وبروود:معاذ وابوي
حصه: من معاذ ليكون ولد ام سامي بس ليه وش له علاقه فيك يمد يده ؟
رؤى:معاذ هو رئيس الاولاد بحينا واهلهم معطينه الصلاحيه يسوي أي شي يبيه
لان يوفر لهم فلوس
حصه بحزن :لاحول ولاقوة الا بالله وابو خالد مامنعه
رؤى بحسره:ابوي ابوي من بدء بالضرب(وبغصه) وقال اني بنت شوراع
حصه:حسبي الله عليه الظالم يمه رؤى لايهمك بس وين اخوانك؟
رؤى:اخواني اخذهم خالي سعد
حصه:سعد
رؤى:ايه لانه خايف عليهم من ابوي لانه بس يسكر ويضربهم ويخليهم يشربون معه
حصه والعبره خانقتها:لاحول ولاقوة الابالله العلي العظيم وانتي يمه ساكته على كل هذا
رؤى:وازيد من الشعر بيت وهو يجيب اصحابه ويسكرون بالبيت وكم مره صديقه حاول يهجم علي وعلى اخواني بس كنت اسكر عليهم الباب واهرب
حصه:تهربين ليه؟
رؤى:لاني لو جلست بيقعد يضرب الباب ويخرعهم وهو يبيني انا كنت اخاف عليهم
حصه:استغفر الله وضمت رؤى وقالت:ياقلب خالتك انتي وشايله وساكته الله يرحمك يام خالد ماكنتي ترضين عليها من الهواء الطاير والحين بعد عينك يصير لها كل هذا انتي يمه نامي عندي هالاسبوع وبعدين تنحل
رؤى بس سمعت كلامها صاحت من قلب في حضن حصه بس حاولت تقوي نفسها وسالتها :زوجك متى جاي؟(كانت عارفه ان زوجها عصبي وماراح يرضى انها تعيش معهم)
حصه بارتباك:بعد اسبوع ان شاء الله
رؤى(هههه حظي المقرود متى قد تعدل)بس ابتسمت لحصه حتى تخفي اللي بداخلها واللي تفكر فيه
نامت رؤى ذاك اليوم عند حصه وصحت وهي مره تعبانه ورجلها ورمانه وخدها وعظامها تحسهم مكسرين
لمن طلعت من غرفتها لقت خالتها للحين نايمه غسلت وجهها وحضرت الفطور
بعد نص ساعه
حصه:صباح الخير ياوجه الخير
طالعت حصه السفره لقت رؤى محضره كل شي
رؤى:صباح النور والسرور والورد والفل اكمل ولاخلاص؟
حصه: ههههههه لاقلبو ماني قد الكلام الحلو بس يمه رؤى ليه تعبين نفسك ؟
رؤى:ولو تعبك راحه واحبك مهما تتعبني. شف الغلا كيف سوى من التعب راحه
حصه ضحكت وقالت:يوه يوه انا مقدر عالكلام الحلو
رؤى بابتسامه :الحلو للحلوين
حصه:رؤى خدك ورمان مره تبين اوديك الطبيب
رؤى:لا مايحتاج الحين اصير احسن
رؤى كانت قايمه تجيب كوب بس صرخت من الالم في جنبها
حصه :رؤى وش فيك رفعت بلوزتها وانصدمت من اللي بجنبها
كانت ضربه كبيره وصاير لونها عالبنفسجي
حصه:رؤى وشو هذا
رؤى:مافيني شي
حصه بعصبيه :رؤى امشي بوديك الطبيب
رؤى:خالتي بروح احط كماده وبصيراحسن
حصه:وش هالوحشيه ليه هذا كله رؤى من سوا كذا ليكون معاذ
رؤى ودمعتها في عينها حركت راسها بالايجاب
حصه:اللي مايخاف ربه وش شايف نفسه ذا لازم نشتكي عليه شاف ماعندك احد قام
يطلع مراجله عليك
رؤى:خالتي
حصه :نعم
رؤى:انا خايفه يقول انه خطبني من عمي وانه لمن يرجع من السفر بيتزوجني وانا لمن قلت لا ضربني
حصه:لا هذا ماينسكت عنه الحين البسي عبايتك وامشي معي
رؤى بضغط من حصه لبست عبايتها وراحت المستشفى
انصدم الدكتور من اللي يشوفه بجسم رؤى وكان نفس الدكتور اللي عالج فواز
الدكتور:يابنتي مين اللي سوا فيك كذا ؟
رؤى ماردت على الدكتور بس حصه قالت له السالفه
الدكتور :حسبي الله ونعم الوكيل كان مبين عليه ولد ناس ويحبك
رؤى :لا يادكتور مو فواز
الدكتور:طيب فواز وينه عنك؟
رؤى:انا قريبته من بعيد
الدكتور:لازم نسوي محضر هذا شي ماينسكت عليه
سوا الدكتور محضر واعطى رؤى مغذي وخلاها تحت الملاحظه لمن الساعه 5العصر
حصه:رؤى من فواز؟
رؤى:سالفه طويله بعدين اقولها لك
في بيت فواز
رجع فواز للبيت بعد دوام الشركه وكانت الساعه3 ونص
تذكر انه اليوم لازم يراجع الدكتور وراح للمستشفى دخل عند الدكتور و بعد ماتطمن عليه الدكتور
كانت الساعه 5 قال:فواز انت لازم تنتبه على قريبتك شكلها يتيمه ومسكينه
فواز باستغراب:قريبتي؟!
الدكتور:اللي جت معك الفجر للمستشفى
فواز:ليه؟
الدكتور:جت اليوم وكانت حالتها صعبه كانت مضروبه ضرب ماحد يتحمله وخاصه ان جسمها ضعيف ومايتحمل كل هذا
فواز وبصوت حاد وهو يوقف : ايشششش ضرب هي وينها الحين؟
الدكتور:تعال معي اهي تحت الملاحظه بس ان شاء الله نلحق عليها لان الحين وقت خروجها
فواز طلع مستعجل من غرفة الدكتور راحوا الطورائ لقى الدكتور ان رؤى طلعت
الدكتور:للاسف طلعت من 10دقايق مالحقنا عليها
فواز:دكتور عندك عنوانها اواي شي يدلني على مكانها
الدكتور:لحظه براجع ملفها (لقى عنوان خالتها حصه) بس فواز هاذي مسؤليه ترى
فواز:شكرا دكتور بس مين اللي ضربها ابوها
الدكتور:لا خطيبها واسمه معاذ
فواز بصدمه :خطيبها شكرا دكتور
راح فواز عالعنوان اللي اخذه من المستشفى وكله امل ان رؤى توافق تروح معه للبيت
ركب سيارته وتوجه للمكان اللي بالورقه معه ولمن وصل
فواز وهو يتامل الحاره ببيوتها البسيطه :اخيرا لقيت العنوان معقوله رؤى تعيش هنا
نزل من السيار ودق الجرس
حصه من الانترفون:مين؟
فواز:انا فواز من المستشفى بغيت رؤى لو سمحتي(كان يضحك على نفسه لانه ماعرف يكذب شلون مستشفى يجي للبيت خخخخخخ)
.(لانه أكيد مو معقول شاب يطلب بنت بهالسهوله وماله فيها علاقه فاضطر يكذب)
حصه عرفت انه فواز اللي قالت لها رؤى عنه وعرفت ليه كذب بعد :رؤى طيب لحظه.رؤى .رؤى
رؤى:نعم ياخاله بغيتي شي
حصه:فواز عند الباب
رؤى بدهشه:فواز . شلون عرف مكاني
حصه :مادري بس كلميه من الجرس تعب ينتظر مسكين
رؤى رفعت سماعة الجرس:فواز
فواز:اهلين رؤى
رؤى :ادخل المجلس حياك
اسلت رؤى خالد يفتح الباب
حصه:دخلتيه
رؤى وهي تمشي صوب المقلط :ليت كل الناس مثله
حصه:رؤى انا بجيب العصير اعطيه خالد يوديه واجي بقعد معك بالمقلط
رؤى وهي تلف شيلتها للاحتياط :اوكيه
رؤى طلعت صوت وقالت:اهلين فواز شخبارك ان شاء الله الحين احسن
فواز:انا الحمد لله انتي شخبارك؟
رؤى :بخير الحمد لله
فواز:رؤى انتي اكيد طيبه؟
رؤى :ايه
فواز: طيب ليه كنتي بالمستشفى ؟
رؤى بدهشه :شلون دريت؟
فواز:رؤى مو مهم شلون المهم اوعدك اخذ حقك من هالخسيس اللي يسترجل على حريم
رؤى بانكسار عذب فواز:فواز ماحد يقدر عليه
فواز:رؤى مابغاك تياسين ومافيه احد قوي بالهدنيا القوي رب العباد
رؤى:ونعم بالله
فواز:رؤى
رؤى:نعم
فواز:بطلبك طلب وخايفه ترديني
رؤى:افا وربي لسوي اللي تبي عمي
فواز ضحك:رؤى انا قلت عمي هاذي مابيها احس نفسي شايب
رؤى بضحكه:اسفه بس انت وش بغيت واذا قدرت والله مابقصر
فواز:اكيد انتي محروجه من زوج خالتك واكيد بعد اللي صار ماراح ترجعين بيتكم
رؤى:
فواز كمل لمن لاحظ سكوتها :وحبيت تجين معي بيتنا مع اهلي كوضع مؤقت والله لحطك بعيوني واوعدك محد يضايقك واذا بتقولين كرامتي ماتسمح لي
انتي بتشتغلين معي وبرسل لك شغلك بالبيت وبتسكنين بجناح خاص فيك يعني كل شي متيسر بس انتي فكري
رؤى انصدمت من كلام فواز:فواز انت مستوعب اللي تقول انا بأي صفه أجي معك البيت واسكن عندكم ماهي حلوه بحقي غريبه يافواز مافكرت بهالناحيه
فواز بسرعه :الا فكرت بقول انك اخت صديقي وانه صار له حادث وسافر للعلاج ومالك احد هنا وماتقدرين تسافرين معه وش رايك؟
رؤى:فواز انت صدمتني ماني عارفه اتكلم احسها صعبه وبقوووه
فواز:رؤى تكفين اوعدك اذا علي معد ادخل البيت واوعدك ادور لاهلك بتحاليل d.n.a
رؤى بنبره غير:اهلي معقوله في امل القاهم
فواز:رؤى ليه تقولين كذا اكيد فيه امل ان شاء الله بس انتي وافقي وان شاء الله لاأوصلك لأهلك وتكونين في هذا اليوم من السنه الجايه معهم وش قلتي
رؤى طالعت بحصه اللي كانت قاعده معها بالمقلط وكانت تسمع حديثهم كله
حصه:اللي تشوفينه مناسب سويه واذا بغيتي نصيحتي روحي شكله ولد حلال وبيساعدك واذا مارتحتي ارجعي عندي ووقتها نفكر بحل
رؤى:فواز
فواز :نعم
رؤى:خلاص انا بجي معك بس مو اليوم بعد يومين لمن تقول لاهلك تهيئهم مايصير كذا
فواز:خلاص انا بقول لاهلي ويوم الاربعاء الساعه 4العصر بجي مع الخدامه وبنت عمتي فيونه ناخذك
رؤى:فواز ماني عارفه شلون اشكرك انك بتساعدني الاقي اهلي
فواز:رؤى عيب هالكلام انا ظهرك بالهدنيا ومن اليوم ورايح مافيه خوف اتفقنا
رؤى بفرح:اتفقنا
فواز وهو يوقف :انا اترخص مع السلامه
رؤى:تعش معنا
فواز:مشكوره بس وراي شغل
رؤى:الله يحفظك
راح فواز ورؤى مستغربه شلون وافقت قبل لاتفكر ماهو طبعها تقول كلمه الا فكرت فيها من كل النواحي
حصه قطعت عليها تفكيره وبابتسامه اغمزت لرؤى:رؤى ليكون يحبك
رؤى وردت:أي يحبني مالقى الا انا وش شاف فيني هذا كله رحمة منه لانه طيب وحنون ولا هالشي مستحيل
حصه:يمكن ايه ويمكن لا بس الايام بتثبت
رؤى في بالهاكانت تضحك على كلام حصه انه يحبها وهي مافيها شي ينحب لااهل ولامال ولاكشخه
كانت تفكر بان قلبه كبير ويحن عالكل واكثر شي خلاها توافق انها بتشتغل يعني راح يكون لوجودها فايده شوي
دلال:والله يحليه مخلي كرته مع العصير
رؤى كانت سرحانه ماردت عليها
رجع فواز البيت دخل الصاله لقى عمته وفي وضي جالسين عالتلفزيون
فواز:مساء الخير عميمه
دلال باستغراب:مساء النور اشوفك احسن الحمد لله
فواز:لا الحمد لله رحت للدكتور ويقول اني تمام ولله الفضل والمنه
دلال:الحمد لله
فوا بتردد:اقول عمتي فضي الجناح اللي انا قاعد فيه وحطيني بجناح الضيوف حق الرجال اللي تحت
دلال:ليه؟
فواز:جاينا ضيفه بعد يومين وبيكون احراج لي ولكم
دلال بإستغراب:وشو ضيفه ؟
فواز:ايه ضيفه هذا صديق لي غالي علي صار له حادث امس ولازم يسافر برا للعلاج وماعنده احد الا اخته
وحرام مسكينه قلت له خلها تجي عندنا وعند عمتي لمن يرجع بالسلامه لانه صعب تسافر معه لانه على حساب الدوله طبعا الرجال ماعنده خيار ثاني مايصير يخلي اخته بالحالها بيتهم ووافق
عاد اللي يرضى عليك خلي الخدامه تجهزه بكره اذا رحت للشغل
دلال بنبرة حزن:يامسكين الله يشفيه ويعافيه وهي بعد والله مسكينه هالبنت بس وين امها وابوها
فواز:الله يرحمهم ماتوا بحادث من زمان
دلال :لاحول ولاقوة الابالله مسكينه شكلها شايفه كثير بحياتها
فواز:لاوصيك ياعمه ابغى ارجعها لاخوها وهي مبسوطه من قعدتها عندنا
دلال:ان شاء الله بس امك وابوك اذا جاو تتوقع عادي عندهم؟
فواز:ايه اكيد عادي والصديق ماهو الا وقت الضيق
دلال :أي والله وانا عمتك
فواز:انا طالع اتفرج عالتلفزيون ونام وري بكره شغل يومين
دلال :لا سلامتك
طلع مع الدرج وهو وده يضحك بصوت عالي على نفسه(والله وطلعت اعرف اكذب وحريف بعد خخخخخخخخ)
في لندن بالمستشفى
عبدالله وامه كانوا جالسين وينتظرون ابو عبدالله يصحى من البنج لانه صاره يومين يبنجونه حتى مايحس بالالم
ابوعبدالله فتح عيونه:عبدالله نجلاء
عبدالله نط من الكرسي :يبه الحمد لله على سلامتك
ام عبدالله(نجلاء):طالع من الشر يابو عبدالله
ابو عبدالله بصوت تعبان:الله يسلمكم عبدالله
عبدالله:سم يالغالي
ابو عبدالله:ماي وانا ابوك ماي
عبدالله نادى النيرس
النيرس:yes
عبدالله:my father went drink watter can you asked doctoers
>>ابي يريد ان يشرب الماء هل لا تسالين الطبيب؟
النيرس:ok jaest menet plesse >>>اوكيه دقيه ارجوك
وبعد شوي جت النيرس:it is not problem can you drink >> لاتوجد مشاكل يستطيع الشرب
عبدالله:thank you >>شكرا
عبدالله شرب ابوه الماي
عبدالله:ابشرك يبه الاسبوع الجاي راجعين عالسعوديه ان شاء الله
ابو عبدالله:ان شاء الله وانا ابوك ربي يبلغني ريحة ديرتي
ام عبدالله:انت لازم ترتاح يابو عبدالله وتنام
عبدالله:يالله يبه انت نام وانا وامي بنروح نرتاح ونبدل ملابسنا وبنرجع
ابو عبدالله:روحوا ارتاحوا واذا جاء الليل تعالوا
ام عبدالله:تبي شي نجيبه لك معنا
ابو عبدالله :سلامتكم
في بيت حصه
حصه:رؤى تعالي تعشي
رؤى:لحظه خالتي هند تكتب واجبها نخلصه ونجي
دق جرس الباب ورفعت حصه السماعه :مين؟
رد:انا معاذ وين رؤى؟
حصه :معاذ ولك عين جاي رؤى مو موجوده وهي خلاص مالها رجعه ولاعد تحلم تشوفها
معاذ:راحت اقول بلا غلبت حكي خليها تطلع انا بنتظرها بالسياره
حصه:طاقها وتبيها تروح معك انت ماتخاف ربك تجي هالحزه تطلب رؤى تروح معك بالسياره
معاذ:اذا ماخليتيها تطلع بطلعها بالغصب فاهمه
رؤىجت:خير ياخاله
حصه :معاذ اقصر الشر وروح
رؤى اخذت السماعه من يد حصه:ولك عين جاي وتبيني اروح معك بهالليل ؟
معاذ:رؤى والله اذا ماطلعتي ان تنسين شوفة اخوانك
رؤى بس اسمعت طاري اخوانها انقلب صوتها:اخواني وانت وش لك علاقه فيهم؟
معاذ بخبث لانه عارف انها نقطه ضعف رؤى اخوانها:خالك سعد رجعهم لابوك وانا اخذتهم بيتنا
واحلمي تشوفينهم لو ماجيتي معي الحين.
رؤى:خالد وفجر انت كذاب وش يثبت لي انك ماتكذب؟
معاذ:بدق على بيتنا واحطه مايك وبطلب خالد يكلمني
دق معاذ على بيتهم وردت امه:هلا معاذ وينك ؟
معاذ:يمه وين خالد ابي اكلمه
ام معاذ:لحظه
بعد ثواني
خالد:نعم
معاذ:خالد حبيبي انت تحب رؤى؟
خالد:انا اموت فيها
معاذ:تبي تشوفها؟
خالد:ايه بس هي ماتبي اشوفها للحين ماجت تشوفني
رؤى من سمعت صوت خالد قامت تبكي اشتاقت لحسه هو وفجر كانوا عندها احلى شي بحياتها
معاذ:خلاص سكر الحينهاه ست رؤى اقتنعتي
رؤى وهي تبكي :الله يخليك لاتسوي فيهم شي
معاذ:اذا ماجيتي اوعدك ينامون اليوم بالمستشفى او تسمعين خبرهم بالجرايد
رؤى وهي منهاره من البكي:الله يخليك لاتسوي فيهم شي انا الحين بجي
معاذ بخاطره (والله جبت راسك يارؤى واخيرابنتزوجك ههههههه)
رؤى طلعت حاولت حصه تمنعها بس ماقدرت خوفها على اخوانها أعمى عيونها عن أي شي ثاني وعن معاذ وعن كل شي
انتهى البارت

[♣ ♣المتفائله♣ ♣]

ــــــــــــــــــــــــــــــــــــــــــــــــــ ـــــــــــــــــــــــــ(5)
طلعت رؤى لمعاذ
معاذ:ياهلا برؤى
فتح الباب اللي قدام رؤى طالعت فيه بانكسار
معاذ:رؤى اخلصي عطيتك وجه وإلا والله لاخليك تركبين غصب
رؤى اخضعت للامر الواقع وركبت كانت حصه تطالع في رؤى من الشباك وقلبها يتقطع عليها
معاذ:ياهلا برؤى اللي ترفع علي دعوى بالمستشفى لاانتي ولاغيرك كفو تدخلوني السجن
ولو اذبحك واشهر فيك ماحد يتجرا ويفكر يدخلني السجن فاهمه
وقام يضحك ورؤى تبكي بمراره والم وتفكر في حظها اللي رماها على معاذ
اللي مافي قلبه رحمه واذا بغي الشي يجيبه يعني يجيبه لو كان باخر الدنيا
معاذ:شعنده القمر زعلان؟ ارفعي راسك انتي مع معاذ زوجك ههههههههههههه
رؤى بحده :انا ماني زوجة احد
معاذ مسك يد رؤى بقوه حاولت تفلتها بس ماقدرت
معاذ:افا ليه معصبه احنا خلاص صرنا زوجين سعيدين خخخخخ
رؤى بعصبيه:لاتقول زوجين لان هذا شي مستحيل
معاذ ضحك وطلع ورقه من جيبه
معاذ:هاذي ورقه من المحكمه ماينقصها الا توقيعك شفتي اني اخاف عليك تتعبين جبت لك المحكمه لمن عندك
توقيعي وتوقيع ابوك وشاهدين يعني توقيعك بينهي المساله كنت بوقع عنك تعرفين حتى من القلم ابي اريحك بس لازم أخلي لك شوي قدر وتوقعين بنفسك
رؤى وهي تبكي:معاذ الله يخليك انا ماعمري فكرت اني بصير زوجتك ولاتكون بيوم بحياتي
معاذ والشرار يطلع من عيونه:من هذا اللي بحياتك غيري وتفكرين فيه وعلشانه رافضتني (وبصرخه)تكلمـــي؟
رؤى على بالها بكلامها بتطفي النار ماتدري إنها زادتها :واحد احبه ويحبني الله يخليك خلني اعيش حياتي سعيده اذا كنت جد تحبني
معاذ قام يضحك ضحكه تخرع ويطالع برؤى ومد يده على شيلتها وهي على طول وخرت يده
معاذ:اوله ليه نار انتي عادي حبيبتي
رؤى وهي لاصقه بالباب :انتبه تقرب مني مره ثانيه
معاذ:اموت انا على البراءه طيب على راحتك بس بكره بنروح الصباح للمحكمه ونوثق الورق مفهوم ؟
رؤى عرفت لو ردت عليه وهزئت ماراح يوصلها البيت ويمكن يحبسها بأي مكان واكتفت بالسكوت
معاذ:السكوت علامة الرضى مبروك عليك معاذ ولا انا وش مبروك علي ياحسره اصلا قلبي
مادري وش خلاه يتعلق بوحده مثلك (ولف على دربه وبخاطره الا أنا اللي محظوظ في هالملاك خخخخخخ)
وصلوا لبيت معاذ رؤى على طول نزلت لانها معد تحتمل ينقال لها أي كلمه زياده تحس بتنهار بأي لحظه
وفكرت معقوله ابوها موافق ومعقوله وقع لمعاذ بس فكرت انه صدق حست أطرافها بردت
نزل معاذ من السياره ونبهها من سرحانها وهو يقول :ليه مستعجله اخر مره تنزلين قبلي فاهمه
رؤى كانت ساكته ماحبت تبين له أي شي مشى قبلها ودق الباب فتح اخو معاذ
ودخلت رؤى تدور على خالد وفجر وطنشتهم
خالد:رؤى
رؤى اركضت لعنده وقامت ضمته وجلست تبكي وجت فجر
فجر:رؤى لعد تروحين وتخلينا احنا نزعل اذا انتي مو معنا
رؤى حظنتها وزادت بكى على كلامها
معاذ:انا مااحب الافلام الهنديه هاذي
رؤىماهمتمت لكلامه اخذت فجر وخالد وراحت للصاله
ام معاذ:هلا برؤى
رؤى:هلا خالتي
ام معاذ :والله يامعاذ انت شيخ الشباب مادري وش حدك عليها
معاذ وهو يطالع في رؤى ويبتسم :القلب ومايهوى يمه
ام معاذ:انا بخليها تبات مع الشغاله هي واخوانها
معاذ:افا يمه زرجتي تنام مع الشغاله
ام معاذ:ولايهمك يمه اخليها تنام بغرفة الضيوف
معاذ:يمه مابغى رؤى تروح من قدام عينك ولاتكلم تليفون ولاتبعد وتروح لمكان بروحها
ام معاذ:انت تامر يمه
(بيت معاذ بحي قديم وفقير وبنفس حارة رؤى بس كان بيته افخم بيوت الحاره وكان دور واحد بس واسع وكبير)
بعد وقت دق التليفون
ام معاذ:الو
حصه:الو مساك خير ام معاذ
ام معاذ:هلا مين؟
حصه:انا خالة رؤى اخت ام خالد
ام معاذ:اهلين بحصه من زمان عنك يالقاطعه
حصه:هلا فيك شخبارك وشخبار العيال؟
ام معاذ:بخير ربي يسلمك انتي كيفك وشخبار عيالك؟
حصه:بخير يامال الخير بس بغيت اكلم رؤى نسيت الدواء حقي أي واحد اخذ وبغيت اسالها
ام معاذ:ماتشوفين شر ان شاء الله بس رؤى فوق
حصه:اذا ماعليك كلفه ابغاها تعرفين لازم اخذ دواي
ام معاذ :طيب لحظه
(وبصراخ)رؤى رؤى وصمخ
رؤى:نعم ياخاله
ام معاذ:تعالي كلمي تليفون خالتك حصه
رؤى:خالتي
واخذت السماعه: هلا والله بخالتي
حصه:اهلين يمه شخبارك؟
رؤى:طيبه انتي كيفك؟
طبعا ام معاذ كانت حاطته مايك علشان تسمع وش بيقولون
حصه كانت تعرف انهم بيراقبون مكالمة رؤى
حصه:يمه رؤى الدواء اللي امس بالعصر عطيتني اياه
لازم اخذه مره ثانيه؟كني اتذكر الدكتور يقول لازم استمر عليه يومين واجيه الساعه 4
رؤى فهمت ان هاذي اشاره من خالتها :خلاص ياخاله عرفته خذيه الساعه 10 ولاتتاخرين عنه
حصه ابتسمت وعرفت ان رؤى فهمت رسالتها:مشكوره يمه ولاتنسين انتبهي على نفسك وعلى اخوانك
رؤى:لاتخافين علي
سكرت رؤى وفهمت قصد خالتها بانها تقصد فواز لمن جاهم ولمن قال انه بيرجع بعد يومين الساعه 4
وفهمت انه بيجي ياخذها الساعه 10
لمن صارت 10 الا ربع
معاذ:رؤى لاتنامين الا لمن ارجع فاهمه>>.عايش الدور مالت عليه
رؤى:ان شاء الله
معاذ:ايه هاذي البنت السنعه اللي ماتعصى زوجها
رؤى:خاله ممكن منشفه اسبح اخواني
ام معاذ:قولي للخدامه تعطيك
رؤى اخذت منشفه وراحت للحمام مع فجر وخالد كان الحمام بالجهه الخلفيه من البيت
طلعت خالد وفجر من الشباك وطلعت وراهم وخلت الدش مفتوح
كان فواز بإنتظارهم برى
رؤى شافت سيارة فواز ركضت وركبت هي وخالد وفجر
فواز مشى بسرعه وبعد ماطلعوا من الحاره
فواز:اهلين برؤى يالله حياها هاه أحد انتبه لك؟
رؤى:لا الحمد لله وشكرا فواز كل يوم تزيد جمايلك علي وماني قادره ارد ولو شي بسيط
فواز:رؤى ان قلتي هالكلام مره ثانيه زعلت اتفقنا
رؤى:بس شلون عرفت خالتي رقمك
فواز:افا وأنا حاط الكرت ليه ؟علشان لو احتجتي لي المهم هي دقت علي و دريت بالسالفه ودبرناها
رؤى وهي تفكر( دايم يافواز انت تساعدني باللحظات الحرجه)
فواز:خالد نط اقعد جنبي
خالد وهو خجلان:عادي
فواز:ايه حبيبي عادي
خالد وهو مبسوط على دعوة فواز له :شكرا لو معاذ كان انا الحين مت
ونط وصار بالمقعد الأمامي جنب فواز
فواز ضحك وداخله الم على كلام خالد شلون ان معاذ متسلط على هالاطفال المساكين ومطيح الخوف بقلوبهم
فواز:رؤى سوى لكم شي معاذ
رؤى: يبيني اتزوجه غصب ويبي يوديني بكره الصباح للمحكمه نوثق الاوراق
لان الاوراق معه وعليها توقيعه وتوقيع ابوي وشهود بعد
فواز:مسكين مايصير يتوقع أي شي بدون حضور العروس هذا زواج مو لعب
كان يبي يجبرك تروحين معه ويخليك تخضعين للامر الواقع
رؤى:فواز لازم نروح بيت خالي سعد واقوله عن اللي صار لانه ماراح يرضى بفجر وخالد يعيشون معي
في بيتنا مع ابوي
فواز:رؤى انتي نسيتي الكلام اللي قلته لك
رؤى :لا مانسيت بس حسيت اني بكون عاله وثقل عليك وعلى أهلك
فواز:عاله انتي بتشتغلين وانا قلت هالنقطه بالذات انك تشتغلين علشان ماتفكرين هالتفكير
لا وازيدك من الشعر بيت: ابوي وامي واخوي جايين الاسبوع الجاي يعني لازم نجد بشغل المزرعه
رؤى:ان شاء الله الله يبلغك شوفتهم
وصلوا لبيت خالهم سعد نزلت رؤى واخوانها وفواز بقى بعيد من البيت حتى مايسبب مشاكل لرؤى
سعد فتح الباب:خالد فجر انتو وش تسون وانتي ليه جايه
دخلهم للبيت وفهم من رؤى السالفه واستغرب انه كان ظالمها لهدرجه دمعت عينه لمن شاف حالتهم وقال
:رؤى اعتبري هذا بيتك واخوانك حالهم من حال عيالي من اليوم ورايح
رؤى:فجر وخالد على مسؤليتك وأمانه بذمتك لمن أخذهم من عندك انا بروح ادور أهلي وبجي أخذهم و بمر على فجوري وخالد كل ماقدرت واتمنى تسمح لي بعد أزورهم ؟
سعد بكل ندم:لا يابنتي لمن طردتك المره الاولى ماكان قصدي بس الشيطان وسوس لي لاحول ولاقوة الا بالله
رؤى:خالي سعد المرحومه كانت تحبك كثير اتمنى تحافظ على عيالها واول مالقى اهلي راح اجي واخذهم
ضمت فجر وخالد وطلعت بسرعه لانه اكيد معاذ عرف انه هربت وبيجي يدور عليها ببيت خالها
ركبت السياره واهي تبكي وفواز كان ساكت ماقدر يتكلم وكان حاب يخليها تطلع اللي بخاطرها
وهم بالطريق فواز:رؤى خلاص اخوانك بتشوفينهم اوعدك الحين مسحي دموعك الحين بنوصل مابغاهم يشوفونك كذا قالت :طيب امم.
فواز:ادري وش بتقولين ليه نجيهم هالحزه بنقول جينا من المطار كانت رحلة اخوك الحين
رؤى:فواز مادري شلون اشكرك .
فواز يقاطعها :رؤى ان قلتي كذا مره ثانيه ياويلك
رؤى:حاضر عمي اقصد فواز
ضحك فواز:ايه خلك كذا ولاعد تصيحين
رؤى:بشتاق لهم
فواز:رؤى خلاص قربنا وانتي تيكا ياويلك أحد يدري باللي صار اوكيه قولي لو أحد إسالك جينا من مطار
تيكا:حاضر بابا
رؤى كانت خايفه مووت اهي رايحه مكان جديد وناس جدد ماتدري يتقبلونها او لا كانت افكار كثيره تدور بذهنها بس انتبهت لمن وقفت السياره
وصلوا البيت اللي كان صدمه لرؤى لانها كانها داخله قصر توقعت فواز غني بس مو لهدرجه بوابه كبيره
انفتحت لهم وحديقه كبيره مره غير المكان اللي عاشت فيه كانت تحس انها تحلم وتحس اللي تمر فيه حلم
فواز وهو يفتح لرؤى الباب:تفضلي ولاتخافين خلي الامر ايزي وطبيعي اوكيه؟
رؤى بتوتر:اوك
دخلوا البيت من البوابه الفخمه الرئيسيه للقصر ومشوا لمن وصلوا الصاله الداخليه
فواز:عمتي عميمه
دلال:هلا فواز جيت؟
فواز: ايه عمتي توي واصل وهاذي بعد رؤى وصلت
دلال: اهلين يمه رؤى تفضلي البيت بيتك
فواز:طلع لجناحه حتى مايكون احراج لرؤى وحتى تأخذ راحتها
(طبعا عمته رفضت يطلع من جناحه لان امه وابوه اكيد بيزعلون حتى لو قالت لهم انها رغبته فعطت
رؤى غرفة فواز اللي تركها من وصلت عمته بطلب منه لمن رفضت عمته يطلع من جناحه)
دلال:اهلين يمه رؤى شخبارك ؟
رؤى بكل قلق وخوف:الحمد لله خالتي
دلال:الله يرجعه لك سالم غانم يارب
رؤى:امين ياخاله
دلال سولفت مع رؤى شوي دخلت ساره كانت توها راجعه من عند صديقتها
دلال:ساره ليه متاخره
ساره:يوه يمه والله خذتني السوالف
طالعت في رؤى:يوه عندنا ضيوف
دلال:هاذي رؤى اللي قالنا عنها فواز
تغيرت نظرة ساره قالت:ايه اهلين
رؤى:اهلين فيك
دلال: يمه رؤى اكيد تعبانه من طريق المطار وفرقا اخوك تعالي اوديك غرفتك ترتاحين
رؤى:تسلمين خالتي
طلعت رؤى مع المستخدمه ودلتها غرفتها(غرفة فواز سابقا)
فواز لمن صعدت رؤى جاء عند عمته :تكفين اخوها وصاني عليها
دلال:يوه فواز الله يصلحك وش بنسوي فيها بناكلها ولا نضربها
فواز:لا بس مابغاها تحس انها برى بيتها
دلال:ان شاء الله الا اقول وين شناطها
فواز ارتبك:هاه بكره بجيبها ان شاء الله
دلال:كان جبتها اليوم علشان تبدل ملابسها وترتاح الله يصلحك بس لاتنسى تجيبها بكره من الصبح
فواز:ان شاء الله تصبحين على خير
طلع جناحه وكله امل ان رؤى تقدر تنام براحه
رؤى دخلت غرفتها اندهشت بروعه الاثاث واناقته
المستخدمه:ماما هذا غرفه يبغى حاجه
رؤى:لا تسلمين روحي ارتاحي
المستخدمه:شكرا ماما تصبحين على خير
رؤى:وانتي من اهله قعدت رؤى على الكرسي بالغرفه تأملتها شوي وبعدين مسكت ورقه وقلم وهالشيئن مايفارقونها ابدا وكتبت كل اللي بخاطرها
ودمعت عيونها عالورق تذكرت اخوانها وانه يمكن ياذيهم معاذ تذكرت معاذ أكيد بيعصب وماراح يسكت عقب اللي سوته تذكرت كل شي مرت فيه وكنه فلم ينعرض قدامها من يصير لها شي ينعاد هالفلم
بعد وقت حست ان البكى ماراح يفيد بشي وهي لازم تفكر تأمن نفسها موب قاعده عاله عالناس طول عمرها لمن تلاقي أهلها مسكت المصحف تبي ترتاح من الضيقه قرت شوي وقفلته تمددت بتعب عالكنبه
جاء صباح يوم الاربعاء رؤى مانامت الا على وجه الفجر بس صحت بدري
لمن صحت رتبت سريرها وهندمت شكلها وعبايتها واخذت حجابها معها
نزلت مالقت احد الكل نايم احتارت وين تقعد وش تسوي
قعدت بالصاله اللي قعدت فيها أمس وقامت تفكر كعادتها لمن تقعد وحيده
دلال وهي مستغربه قعده رؤى مبكر :رؤى صباح الخير
رؤى:اهلين خالتي صباح النور
دلال:غريبه يمه صاحيه بدري ليكون مارتحتي بالنومه
رؤى :لا والله بالعكس بس أنا متعوده اصحى بدري
دلال :ماتدرسين ؟
رؤى:الا بس هالسنه اجلت لأني ماقدرت اكمل والجامعه لازم اشد حيلي فيها علشان انجح والحادث اثر علي ففضلت اأجله (بخاطرها:الله يسامحني ماتعودت اكذب ولاابي يارب ساعدني واغفر لي)
دلال:أي والله ماتنلامين يمه امشي افطري معي انا والبنات بيروحون المدرسه الحين
راحوا يفطرون قعدت رؤى عالطاوله:صباح الخير
ساره+في:صباح النور
فيء طالعت في رؤى:ماما من هاذي
دلال:هاذي اسمها رؤى اخوها سافر يتعالج وبتقعد عندنا لمن يرجع
فيء: اللللله ونااااسه كيفك رؤى؟
رؤى بابتسامه :بخير انتي كيفك وكيف الدراسه؟
فيء:انا بخير بس الدراسه لك عليها
رؤى:افا ليه؟
فيء:والله صعبه المدرسه مادري وش مقعدني فيها للحين؟
دلال :لا والله اجل اقعدي معي بالبيت
فيء:اه ياليت كان نمت للمغرب وسهرت طول الليل
رؤى:بالعكس الدراسه حلوه
ساره بنظرات غريبه:طيب ليه ماتدرسين باقي صغيره ماتوقع حتى للحين دخلتي جامعه؟
رؤى ارتبكت من سوال ساره:انا المفروض سنه ثاني جامعه بس اجلت
ساره:اها يعني اكبر مني بسنتين تقريبا
فيء:طيب علمي ولا ادبي انتي
رؤى:لا دراستي علمي
ساره:علمي مو مبين ابد
دلال عارفه بنتها لسانها متبري منها فحبت تقطع الحوار :ساره تاخرتي عالمدرسه السواق ينتظركم
ساره وهي توقف وتاخذ شنطتها :يالله ماما مع السلامه باي رؤى
رؤى :الله معك
فيء:باي ماما.باي رؤى
رؤى:باي في واذا جيتي بساعدك وانتي تدرسين اوكيه
فيء ضحكت:انا لو تحطين الكتاب بماي وتشربيني ياه ماعرفت
رؤى:خلاص اذا جيتي نشوف
فيء:اوكيه
دلال:يمه رؤى روحي ارتاحي شكلك تعبانه ولا تتقهوين معي بعدين نروح نرتاح
رؤى:اوكيه ماعندي مشكله
دلال:ياحظي جاني ونيس على قهوتي
رؤى ضحكت رجعوا للصاله ومسكت رؤى دلة القهوه بتصب
دلال:ليه يمه تصبين المستخدمه تجي وبتصب ارتاحي؟
رؤى:عادي كله واحد
عدت الفنجان على دلال ونزل فواز
(كانوا قاعدين بصالة التلفزيون كانت صاده عن الدرج وفيها بوابه منها عالصاله الكبيره اللي فيها الدرج)
دلال شافت فواز:فواز
فواز:هلا عمتي
دلال:تعال يمه
رؤى عدلت حجابها ونزلت راسها
فواز:صباح الخير
دلال:اهلين ياصباح النور
رؤى :صباح النور
دلال:لاتنسى الشنطه وكلمت صاحبة الحفلات علشان حفل استقبال اهلك
فواز:الحفل بيكون بالظهر وبالمزرعه
دلال:المزرعه أي مزرعه
فواز ضحك:يوه كشفت المفاجاءه سويت مزرعه قريبه وعدلتها للوالد يوسع خاطره فيها تعرفين قعدة البيت تضيق الخاطر
دلال:ماشاء الله تبارك الله من وراي وانا اقول الولد وين يغط
فواز:تبين تشوفينها ولاترسلينهم لها
دلال:لا أطوف على عمري شوفتها لامعليك بنروح انا وهم مع بعض بكره ولازم تفضى تجي معنا حتى تدلنا
فواز:اوكيه الساعه عشره الصباح انا فاضي
دلال:خلاص بكره ان شاءالله
فواز:توصون شي انا رايح
دلال :سلامتك يمه
تقهوا بعدين طلعت رؤى غرفتها وراحت دلال غرفتها
رؤى نامت لانها مانامت امس زين اندق الباب الساعه 10 ونص
رؤى بما إن نومها مره خفيف والبركه بابوها واصحابه صحت من النوم:مين؟
المسخدمه:انا تيكا ماما
فتحت رؤى الباب:نعم تيكا
تيكا:الحين قهوه ضحى تحت
رؤى:خلاص الحين نازله
نزلت رؤى وقعدت مع دلال وسولفوا شوي جت تيكا:ماما بابا فواز جيب شنطه ماما رؤى
دلال:دخلوها غرفتها
(رؤى استغربت أي شنطه يتكلمون عنها بس سكتت)
دلال:اكيد يمه تبين ترتبين اغراضك
رؤى:هاه ايه صح؟
دلال:خلاص اطلعي رتبيهم وخذي تيكا معك تساعدك
صعدت رؤى غرفتها وكلها استغراب
تيكا:هذا شنطه ماما(وهي تأشر على شنطه كبيره مره على السرير)
رؤى:خلاص تيكا تقدرين تروحين برتبهم بروحي
تيكا:شكرا ماما
فتحت رؤى الشنطه لقت شنطتها الورديه اللي نستها بالمزرعه على طول طلعت الصوره وضمتها
وشافت باقي الاغراض كان فواز مرسل لها ملابس فخمه وعطور وساعه استغربت كيف عرف مقاسها
كل الاغراض روعه ومقاسها مضبوط كانت تقول في بالها
(كثير اللي تسويه لي يافواز اولها سكنتني ببيتك والحين مرسل لي ملابس قلبك كبيير يافواز بس انا ماحب احد يشفق علي) بدت تنزل دموعها بس مسحتهم على طول لانها وعدت نفسها تكون افوى علشان اخوانها
انتبهت رؤى ان فيه علبه متوسطه كانت مغلفه تغليف انيق مررره
فتحتها لقت جوال وكرت كان جوال روعه وناعم وفيه ميداليه عليها حرف R ولو تقلبها تلقى fبس طبعا مو أي احد ينتبه الا اذا دققت فيها
كان مكتوب في الكرت(اتمنى انك مبسوطه من قعدتك عندنا وهذا الجوال هديه بسيطه قدام عمتي وبناتها
والملابس اتمنى اعجبتك وتكون على سايزك بتستغربين شلون عرفت مقاسك بقولك تجرات وفتحت الشنطه وشفت البلوزه اللي راسمه عليها داخل وعلى فكره الرسمه مرره حلوه ايه صح من يوم السبت يبدء الشغل ماعندي دلع انا (^_*) فواز)
رؤى ابتسمت واحتارت شلون ترد له اللي يسويه لها
دق الجوال بمسج فتحت رؤى المسج
المرسل فواز(نسيت اقولك ان فيه بوك بالكيس هذا راتبك وتعبك معي الايام الماضيه
وفتحت لك حساب بالبنك والبطاقه بعد بالبوك بنزل رواتبك فيها باذن الله فواز)
رؤى احتارت زود ليه فواز طيب لهدرجه وهي ماتستاهل كل هالطيبه معقوله شفقه مستحيل ارضى
انه ينظر لي بمنظار الشفقه لاني شلت كل شي شلت همي وهم اهلي واخواني وكنت قويه طول حياتي مابي احد يشفق علي قررت ترد
وردت عالمسج(شكرا الله يعطيك العافيه ماكان لازم تعب نفسك والفلوس بعطيها الخدامه
لانها فوق راتبي راتبي راح في الملابس واتمنى ترسل لي الملفات بسرعه رؤى)
في مكتب فواز
كان فواز باجتماع وبعد ماخلص الاجتماع اخذ يقلب باوراق الصفقه المعروضه عليه
صفقه ماتتطوف لانها ان انجحت ارفعت مستوى المؤسسه وخلتها على مستوى المملكه
بس فيها مخاطره جلس عالمكتب وكان يبي يدق على محامي الشركه يتاكد من امر هالصفقه
لقى مسجين
الاول كان من عبدالله (رحلتنا بعد يومين لاتنسى المفاطيح)
ضحك فواز حتى وانت بلندن ماتتوب عن شطانتك
الثاني من رؤى قرا المسج واستغرب من ردت فعلها توقع تنبسط بالفلوس عرف في هذيك
اللحظه انها عزيزه نفس بقوه و تظن انه شفقان عليها
فواز بخاطره(غلطت يارؤى بحقك يارب تسامحيني ماكان لازم ارسل الفلوس (
قطع عليه الباب
فواز:تفضل
السكرتير:استاذ فواز واحد يبيك برا يقول انه باحث
فواز:باحث ايه خله يتفضل
دخل جابر (جابر باحث بشوون الاطفال المفقودين وله محاولات ناجحه في اعاده
الاطفال الى اهلهم و فواز طالبه علشان يساعدهم ويلقى اهل رؤى زي ماوعدها )
فواز:اهلين استاذ جابر تفضل
جابر:اهلين فيك استاذ فواز
فواز:سوري استاذ كان ودي اجيك بس ظروف شغلي ماتسمح لي بزيارتك اتمنى ماتعبتك معي
جابر:ولو استاذ فواز هذا واجبنا والاهم عندنا الطفل
فواز:استاذ جابر انا ناديتك بخصوص رؤى رؤى هاذي بنت عمرها18 الى 19 سنه
كانت عايشه عند ناس وماتت اللي ربتها وتعرفت انا عليها وهي عندي بالبيت لمن سالتها عن
قصتها قالت لي ان الشرطه لقتها على رصيف في شارع بالبر وعمرها تقريبا 4سنين وكانت مضروبه ضرب مبرح
ودخلت المستشفى وجلست سنه ونص في غيبوبه وصحت وهي فاقده ذاكرتها شبه كلي كانت تتذكر اسمها وبس
اهتمت فيها ممرضه من المستشفى واخذتها بيتها وماتت قبل مده
حاولوا يلقون اهلها بس البنت ماساعدتهم والظاهر انها انرمت في مكان بعيد عن مكان سكن اهلها
فياليت تساعدني نلقى اهل رؤى الحقيقين
جابر بعد فتره صمت :القصه قديمه يعني المشكله شوي معقده لانها من زمن طويل
فواز:انا مستعد ادفع أي مبلغ اهم شي تلقى اهل رؤى
جابر:السالفه مو سالفة فلوس السالفه سالفة وقت
يبي لنا مده بس انا ابغى اقابلها ولازم نعرف فصيلة الدم ويجرى لها فحص d.n.aحتى يساعدنا في ان حنا
نلقى اهلها
بس هل تذكرت شي خلال الفتره اللي راحت
فواز:لا وحتمال ماترجع لها الذاكره الا بعد سن الاربعين
جابر:لاحول ولاقوة الا بالله خلاص اخوي فواز
نتقابل بعد يومين وياليت تجيب معك رؤى ونتائج الفحوصات حتى ابدا بعمليه البحث
فواز:ان شاء الله بجيك للمكتب بس بعد يومين اهلي جاين من لندن ياليت بكره
جابر:اوكيه مافيه مشكله بس تجي الظهر وياليت تلحق على المستشفى حتى تكون النتايج بكره جاهزه
فواز:شكرا استاذ جابر تعبتك معي
جابر:لا هذا الواجب استناكم بكره الساعه 1الظهر
فواز:ان شاء الله شكرا مره ثانيه
طلع جابر وفواز اخذ الجوال دق على رؤى
رؤى طالعت بالشاشه: غريبه ليه متصل
رؤى:الو
فواز سمع صوتها سكت كان متغير بالتليفون ومره يريح :رؤى
رؤى:سم
فواز:اجهزي بسرعه عندنا مشوار لاتطولين
رؤى:وين؟
فواز:اقولك بالطريق مايمدي الحين
رؤى:اوكيه
رؤى لبست عبايتها ونزلت لدلال:خالتي فواز يقول فيه مشوار ضروري لازم اروحه الحين عادي اخذ الشغاله
دلال:عادي بس لاتطولون
رؤى:ان شاء الله وباست راس دلال
دلال بتفكير الله يحفظك يارب عمر وحده من بناتي ماباست راسي قبل لاتطلع وانتي يالغريبه بستيه الله
يحفظك ويستر عليك
رؤى:تيكا تعالي معي
تيكا:حاضر ماما
طلعت رؤى لقت فواز ينتظرها ركبت هي وتيكا:السلام عليكم
فواز:اهلين وعليكم السلام
مشى فواز ورؤى كانت ساكته من ركبت عرف انها تنتظره يقولها لوين رايحين؟
فواز:رؤى
رؤى:لبـااا
ارتبكت رؤى وكملت و قالت:هلا
فواز بابتسامه يالحياء اللي في هالبنت:احنا رايحين للمستشفى بنسوي لك فحوصات
رؤى:فحوصات بس انا مافيني شي
فواز:مو انا وعدتك تلاقين اهلك هذا انا وفيت بوعدي
رؤى سكتت
فواز كان يبي هي تسال بس لمن فقد الامل تسال:لازم تسوين تحليل دم وd.n.a علشان يتعرفون على اهلك منها اذا تطابقت
رؤى:يعني احتمال اشوفهم
فواز تقطع قلبه عليها حس انها تايه بعالم واسع ومايرحم تحس بالتيه والضايع وقال بحنيه:ان شاء الله
ويالله صلنا وان شاء الله مانكون تاخرنا
نزلت رؤى ومعها تيكا اخذت رؤى الفحوصات الازمه وسحبوا منها دم
ولمن طلعت كانت دايخه حيل كان فواز يستناها في اخر الممر
الممرضه:لو سمحتي انتظر هنا شوي
رؤى:لامايحتاج امشي تيكا تاخرنا على خالتي دلال
طلعت رؤى وكان فواز جاي عندهم بس رؤى داخت وطاحت

[♣ ♣المتفائله♣ ♣]

ــــــــــــــــــــــــــــ(6)فواز عجل بخطواته ورفع رؤى من الأرض:رؤى رؤى شفيك؟ ماشاف منها رد
شالها ودها عالسرير والممرضه طلبت منه ينتظر برا
تيكا:يقول نيرس انتظر بس ماما يقول لا إحنا تأخير ماما دلال
فواز:الله يصلحك يارؤى هاذي سواه توك ساحبه دم ولازم ترتاحين
الممرضه طلعت
فواز:شفيها رؤى
الممرضه:لا بس علشان سحب دم هي لازم يرتاح وياخذ مغذي نص ساعه
فواز اعطي تيكا فلوس:روحي جيبي عصير فرش من الكافيتيريا
راحت تيكا وفواز تردد يدخل او لا
دخل فواز ورؤى للحين ماصحت والسرير مرفوع وكانها قاعده
فواز:رؤى تسمعيني
رؤى كانت نايمه
فواز سبحان الله هالبنت فيها اشياء كثيره وغريبه جلس عالكرسي ونزل راسه بالارض
جلس يفكر برؤى وكيف رفضت الفلوس وكيف جابت الخدامه معها وماجت بروحها لاوتفكر في عمتي دلال لاتتاخر عليها كل هذا يدل انها مرباه تربيه صالحه
رؤى :صحت وشافت فواز جالس بالكرسي ومنزل راسه (فواز لو غيرك ماكان نزل راسه كل يوم
اكتشف فيك شي جديد وحلو)لفت الشيله عدل وتغطت حس فواز عليها
فواز:رؤى انتي بخير
رؤى وهي ماسكه يدها اللي فيها المغذيه:ايه بخير بس ناد الممرضه تفكه مابيه
فواز(ياربي عالبراءه وه بس):بس لازم تخلينه لازم لك راحه
رؤى: تكفى فواز مابغى تاخرت على خالتي دلال والبنات على وصول من المدرسه يعني يحتاجون تيكا
فواز ( للحين يارؤى تفكرين فيهم مافكرتي بصحتك):طيب ابشري
وضغط على الزر المخصص واستدعاء الممرضه ودقايق حتى جت الممرضه وفكته وكان على مسوليه فواز
تيكا:ماما انتا كويس
رؤى:ايه انا الحمد لله
تيكا:ماما خذ عصير بابا فواز يقول اشتري حق رؤى
رؤى:شكرا
ساعدتها تيكا بس رؤى رفضت وكانت مصره تبين انها بخير وماتبي تتعبهم معها زياده
ركبت السياره و فواز ماكان حاب يكلمها باي موضوع حتى ترتاح وخاصه موضوع الفلوس
وصلوا البيت وقبل لاتنزل:فواز اتمنى خالتي ماتعرف اني طحت بالمستشفى
فواز:ليه ابغاها تهتم فيك
رؤى: لاتقولها بعدين تنشغل معي او شي
فواز: ان شاء الله بس ارتاحي وريحي نفسك والشغل باجله لك لبكره وتجهزي
بنروح بكره للاستاذ جابر الساعه 12 الظهر
رؤى:اوكيه مع السلامه
فواز:في حفظ الرحمن
نزلت رؤى وفواز مستغرب من كل اللي تسويه وليه تفكر في اللي حولها دايم وماتفكر في نفسها
لهالدرجه طيبتها ماتسمح لها تفكر في نفسها
ورجع فواز للشركه
اما رؤى دخلت وباست راس دلال:السلام عليكم ياخاله
دلال:هلا والله وراكم تاخرتوا
تيكا بغت تتكلم بس رؤى سبقتها:المحكمه زحمه كانت اوقع توكيل لواحد يتولى شركه اخوي
تيكا طالعت في رؤى :ماما انا روح مطبخ
دلال:الله يرجعه لك يارب ويشفيه ويعافيه
رؤى:امين
دلال:ورى فواز مانزل على باله الشغل بيطير يانه متعب نفسه هالولد
رؤى:الله يعينه ان شاء الله
دلال:انتي تدرين ان اهله بيجون بعد يومين
رؤى:الله يرجعهم بالسلامه
دلال:انا بروح المزرعه بالعصر علشان نحضرها لحفل استقبالهم تروحين معي
رؤى:ان شاء الله خالتي تسمحين لي اروح ارتاح احس نفسي دايخه شوي
دلال:بسم الله عليك فيك شي اكيد بتدوخين مافطرتي ولا اكلتي شي وطلعتي بهالشمس
رؤى بابتسامه :بس ارتاح شوي بطيب
دلال:ادق على فواز يوديك المستشفى
رؤى ضحكت :لا خالتي والله بخير انتي تطمني بس
دلال:روحي يمه غرفتك ارتاحي وبقولهم وقت الغداء يصحونك
رؤى:تسلمين خالتي
راحت رؤى ولحقتها تيكا :ماما انت تعبان
رؤى ابتسمت:لا تيكا شوفي عطي هالظرف فواز اذا جاء اوكيه
تيكا:خلاص ماما
دخلت رؤى غرفتها وحطت راسها عالمخده وخايفه من بكره ماكانت تضمن وشو يخبيلها الزمن بعد
نامت وماحست الا على فيء تصحيها:رؤى قومي يالله ننتظرك عالغداء
رؤى صحت طالعت الساعه الساعه 3العصر يوه كل هذا نمته : فيونه حبيبتي روحي وانا لاحقتك
قامت رؤى ولبست بنطلون جنز سكني وفوقه بلوزه طويله وكمها طويل وحطت الحجاب على كتفها
كانت لامه شعرها بشكل معفس ونازله منه خصل بس كان شكله مره حلو لان لونه بني وناعم
نزلت لصالة الاكل وكانت شوي شاحبه بعد ماسحبت دم لانه عندها اصلا فقر دم
دلال:اهلين رؤى عساك بخير الحين
رؤى:الحمد لله تمام بنات شخباركم كيف المدرسه اليوم؟
ساره رفعت راسها وحطت عينها بعين رؤى وناظرت فيها باستخاف :الحمد لله
رؤى حز بخاطرها لانها ماتعودت تشوف هالنظره دلال انتبهت وحاولت تصلح الوضع:
:بنات تروحون معنا للمزرعه
ساره:أي مزرعه
دلال:فواز مسوي مزرعه لخالك اذا رجع من السفر
ساره:الله وناسه ليه ماقال؟
دلال:مسويها مفاجاه بس خربتها عليه
فَيء:رؤى بتروحين
رؤى ناظرت في فَيء وابتسمت:ليه؟
فيء:عندي امتحان بكره وابيك تساعديني اليوم عادي؟
رؤى:بس ان شاء الله اصلا انا بقعد من قال اني بروح
دلال ابتسمت لرؤى:طيب عندي فكره خذوا كتبكم وذاكروا هناك علشان اتطمن عليكم
فَيء:الله وناسه عادي رؤى؟
رؤى:عادي ليه مو عادي
طالعت رؤى في ضي كانت حيل هاديه وماتتكلم ودايم منزلها راسها ولاكنها موجوده
رؤى:ضي ماستانستي؟
ضي:استحت كانت خجوله بالمره
دلال:ضي عندها تاخر بالنطق ماتتكلم عدل
رؤى :عادي هي باقي صغيره وان شاء الله تتحسن مع التعليم لاتخافين عليها بكره تتمنينها تسكت
دلال بامل:امين يارب
رؤى:ضي تروحين معي انا وفيء نجهز نفسنا
ضي بحياء هزت راسها
رؤى خذت فيء وضي وراحوا يتجهزون للمزرعه
ساره:احس يمه هالبنت منافقه
دلال:حرام عليك باين عليها طيبه
ساره:مارتحت لها قاهرتني
دلال:ساره البنت ماسوت لك شي تراها مسكينه واللي فيها مكفيها الله يعينها
ساره سكتت وراحت لغرفتها تحضر نفسها ونزلوا للصاله ينتظرون فواز يجي
دلال:ماكان فواز تأخر؟
ساره:على وصول يوه ماني مصدقه بكره بيجي خالي وزوجته
دلال:الله يجيبهم بالسلامه
تيكا:ماما فواز برا
طلعوا للسياره وركبت دلال مع فواز والبنات ورى
فواز:كلكم موجودين
ساره:ايه كلنا
فواز:وين رؤى ؟
ساره بحقد وهي تلف وجهها للشباك:ماأدري
جت رؤى وركبت :اسفه تاخرت بس فيونه نست كتبها
فيء:يوه صح نسيت اجيبهم
دلال:هاذي اللي طالعه تذاكر
ضحكوا على فيء وشطانتها واتجهوا للمزرعه
بعد لحظات من الصمت
ساره:متحمسه اشوفها
فواز:اكيد راح تعجبك
ساره:اكيد وفيها قول
فواز انحرج وحب يغير السالفه
فواز:عمتي
دلال:هلا
فواز:شرايك تطلعون المزرعه بكره من الصباح
دلال:اكيد باقي يبغى لها تحضيرات ماتوقع اننا بنخلص اليوم
فواز:على خير ياني مشتاق لهم
فيء:رؤى شفيك
(كانت دايخه مررره وماهي قادره تسند راسها)
طبعا فواز انتبه :رؤى فيك شي؟
رؤى:هاه لا مافيني شي(انا غبيه ماكلت شي يعوض الدم اللي انأخذ مني)
ساره كانت تكره اهتمامهم في رؤى
فيء:فواز ابي ايس كريم
فواز:بس من طلب فيونه الحين اروح اشتري ايس كريم كم فيونه عندي وحده
وقفوا عند باسكن روبنز واشترى الايسكريم
واعطى كلن ايس كريم بالنكهه اللي يحب
فواز:رؤى
رؤى:هلا
فواز:انا ماعرف وشي النكهه اللي تحبين ونسيت اسالك رحت شريت لك زيي
رؤى:يعطيك العافيه
فواز:الله يعافيك
وصلوا المزرعه وكانت مفاجاءه للجميع ماتوقعوها بالهكبر وهالحلى
كان مزروع فيها نخل وانواع كثير من الفواكه والخضار
وفيها مسبحين وبيت صغير دورين وصاله بنص المزرعه جدرانها زجاج
دلال:ماشاء الله تبارك الله
ساره:واو فواز روعه
فواز:اعجبتكم صارلي اكثر من شهرين اشتغل عليها
دلال:بصراحه روعه ابوك بينبسط فيها اكيد
فواز:ان شاء الله تعجبه
فيء:الله فيها ارانب وعصافير
فواز:وبجيب خيل بعد
رؤى:واو خيل وناسه
استغرب رؤى من نفسها لمن تكلمت بس كانت تحب الخيل والفروسيه
فواز: ان شاء الله خيل وبحاول اجيب ابل
ساره ضحكت: من جدك
فواز بابتسامه وبانت غمازاته: ليه لا .عمتي متى بيجون حقين الحفلات؟
دلال:قلت لهم يجون بكره من الصباح واليوم احنا نشوف وش الناقص ونقول لهم
فواز:على خير ان شاء الله
دلال بضحكه :بيجون شغل البوفيه والدجيه بكره وبشوف اذا باقي شي يحتاج بقولهم يجون
فواز:ان شاء الله بس لازم دجيه ماتوقع له لزوم
دلال:ليه؟
فواز:الدجيه بيسوي ازعاج وابوي مايتحمل
دلال:والله مافكرت فيها خلاص بكنسله
ساره:يوه قهر نبي الدجيه
دلال:خالك يبي له هدوء نجيب دجيه وبعدين بنحط ديجيه بحفله الحريم يوم الاربعاء
راحت ساره وهي تتحلطم لانهم بيكنسلون الدجيه كانت تحب الرقص والطقاقات كثير
فواز ودلال رحوا يشوفون الشغل اللي سوه في المزرعه وضي راحت تتمشى مع ساره
ورؤى راحت تذاكر لفيء رياضيات بالصاله اللي بنص المزرعه
وفيء كانت مستوعبه للي تقوله رؤى وفهمت كل شي مو فاهمته
جت دلال وفواز للصاله
فيء:ماما وناسه اول مره افهم الرياضيات اوكيه ياليت رؤى مدرستي
دلال:زين يعني علامه زينه هالشهر
فيء:اتحدى ما تلاقيني اكله الكتاب
دلال ضحكت: لا لاتاكلين الكتاب ان شاء الله الدرجه الزينه (ولفت على رؤى) الله يعطيك العافيه تعبتك مع فيء
رؤى:عادي خالتي واذا تبيني ازعل قولي كذا مره ثانيه
فواز:اصلا رؤى ماسكه حسابات شركتهم وتوصلها الملفات بالبيت
دلال:ماشاء الله عليك يارؤى
رؤى استحت :انا بروح اشوف ساره
راحت رؤى تدور بالمزرعه تدور ساره
ساره كانت تكلم وماكانت رؤى قاصده تسمعها بس سمعتها تقول:نوره بوريها اجل
فواز يهتم فيها وقدامي وربي قهرتني وصوت مستهزئ:نسيت كتب فيونه
اه بس ودي اني طاردتها من البيت بس مقدر
رؤى انصدمت باللي تسمع وعرفت من كلامها انها تحب فواز واهتمامه فيه بيخلي ساره تكرهها
رؤى سوت نفسها توها جايه وقامت تنادي :ساره ساره
ساره:خير
رؤى:لابس طولتي وانشغل بالي عليك
ساره:اموت عالحنونه
رؤى:ساره
ساره:خير
رؤى:ساره انا بفهم ليه كارهتني
ساره:سبحان الله يعني تعرفين انك كريهه زين الاعتراف بالحق فضيله
رؤى:ساره انا اوعدك ان اللي بقعده عندكم فتره بسيطه واوعدك انه مايتغير شي عليك ابد من جميع النواحي
تركت ساره وراحت ودمعهتا في عينها وصارت تتذكر كل اللي صار معها وتتحسر على حظها
ساره حست بتانيب ضمير صح انها لسانها طويل بس قلبها ابيض وبعد وقت قررت تشوف رؤى وتعتذر لها
لمن جت لقت ان رؤى تركب لمبات بحوش المزرعه وجاء فواز مسك لها السلم وهو يبتسم
طبعا الموقف نسى ساره ليه جايه علشانه وراحت عندهم :وش تسون فواز انا بمسك السلم
ومسكته بقوه وتهزز السلم وطاحت رؤى
فواز:رؤى فيك شي
ساره:اسفه ماكان قصدي
رؤى كانت تتالم بس بينت انه ماصار لها شي:لا مافيني شي
فواز:اكيد
رؤى:اكيد
ساره:اسفه رؤى ماكان قصدي
رؤى:عادي ماصار الا الخير
قامت وراحت للحمام راحت تبكي من الالم ولحقتها ساره كانت تبغى تشوف ردت فعلها
انصدمت انها قاعده تبكي وتمسك رجلها
ساره (معقوله يارؤى تالمتي وبينتي العكس طيب ليه معقوله علشان مايهزئني فواز وامي يوه شكلي كنت ظالمتها اوووف ) ورجعت مكانها وهي تفكر محتاره في رؤى وقررت تكسبها
علشان تكسب فواز لانه مبين عليه يعزها حيل
دلال وه تنادي بصوت عالي:فـــواز.ســــاره.رؤوووى
جوا كلهم وهم مستغربين ليه دلال تصارخ
فواز:عمتي فيك شي؟
دلال:لابس شوفوا
وطفت الاناره وشغلت الاناره اللي عالنافوره واللي عالاشجار وبالارضيه
رؤى صحيح شافت المزرعه كثير بس اول مره تشوف هالمنظر الرروووووعه كانت عيونها تقيم المكان باعجاب وماهي منتبه للعيون اللي تراقبها (فواز بخاطره:وربي كنها طفله يالله الحياه احرمتك اشياء واجد يارب اقدر اعوضك .انتبه وانا باي صفه اعوضها سرح في النقطه ومانتبه للي حوله ابدا)
ساره:واو مره نايس بس الحفله بتكون في النهار
دلال:مو شرط بكره احنا ماراح نفضى من المعازيم واكيد بنسوي حفله حريم نهايه الاسبوع
ساره:أي والله بس خطيره
فواز انتبه من سرحانه :يالله عمتي نرجع البيت تاخرنا وراي اجتماع بكره مبكر
دلال:أي والله والبنات عندهم بكره مدارس
ساره بضيق :لاتذكريني
فيء:انا متحمسه اروح اختبر
ضحكوا عليها ورجعوا للبيت

[♣ ♣المتفائله♣ ♣]

ــــــــــــــــــــــــــــــــــــ(7)
صباح اليوم الثاني
وقت رجعه البنات من المدرسه
كانت رؤى ودلال قاعدين بالصاله ويتابعون برنامج ويعلقون عليه
دلال كانت مرتاحه بالكلام مع رؤى وتكلمت معها عن مواضيع كثيره
اعرفت من خلالها حكمه وعقل رؤى كانت تتمنى ان رؤى بنتها مثل ماساره بنتها
وكانت زعلانه عليها لانها تحس فيها حزن وخاصه لمن تسرح وتلمتي عيونها بالدموع
بس لمن تنتبه ترجع لها ابتسامتها
دخلت فيء وهي تركض ونطت على رؤى وقعدت تبوس فيها
رؤى ماتت ضحك ودلال تهاوشها تقوم
فيء:بجيب كامل بجيب كامل وربي احبك ياحلى رؤى اليوم اختبرتنا لدرجه المشاركه وبكره تبع الشهر يسسس بكره بعد بجيب كامل مره سهل(كانت تتكلم بحماس ) امري تدللي وش تبين اجيبه لك او اسويه اسويه
دلال ماتت ضحك على شكل فيء وهي تتكلم
قالت رؤى:جد أي شي أي شي؟
فيء :أي شي أي شي
رؤى: ابي تجيبين 50 من 50نهايه الترم صعبه؟
فيء وهي تحوس ملامح وجهها وبعدين غمضت عين ورفعت حاجب:ماكنه صعب شوي الطلب
رؤى ودها تضحك على شكلها قالت بابتسامه:انتي قلتي أي شي وهذا طلبي. دكو؟
فيء:مع اني ماعرف وش معناها بس دكو
ضحكت رؤى وقالت:معناها اتفقنا
فيء:والله انس بنتن كشخه لو عندي ولد زوجتك اياه
هنا ماتوا ضحك دلال ورؤى على اسلوبها وملامح وجهها
دلال:الله يقطع ابليسك روحي بدلي ملابسك وتعالي للغداء
فيء:ابشري انبسطي ياماما اليوم كله بسمع الكلام
وراحت وهي تكلم نفسها بصوت عالي
ابتسمت دلال لرؤى وقالت:شكرا رؤى من زمان ماشفتها مبسوطه كذا
رؤى:افا هذا الهرج لي فديتها البنت ذكيه بس يبي لها شويه فهم وصدقيني بتكون بعدين عندها اسهل ماده
دلال:طيب
بعد ثواني من الصمت دق تليفون البيت
ردت دلال:الو
.:الو السلام عليكم عمتي
دلال:هلا والله فواز
فواز:عمتي رؤى عندك ادق على جوالها ماترد
دلال :ايه ثواني
دلال:رؤى فواز عالخط يبيك
رؤى حمرت وتلعثمت وقامت ومسكت السماعه وردت بهمس:الو
فواز سكت شوي
وردت تكلمت:الو
فواز تنهد بداخله:هلا رؤى كيفك؟
رؤى:تمام
فواز :رؤى اجهزي دقايق واجي بنروح للباحث اللي قلت لك عليه امس دقيت على جوالك بغيت اقولك بس ماتردين
رؤى:حاضر واسفه عالجوال موب عندي
فواز: اوكيه لاتتاخرين الله يرضى عليك مع السلامه
رؤى :مع السلامه
قامت رؤى:خالتي دلال عادي اخذ تيكا فواز يقول فيه مشوار بيوديني له علشان المحكمه(الله يسامحني يارب اغفر لي كذبي على دلال بس وربي غصب عني)
دلال:الله يحفظك ولاتستعجلين زي امس خذي راحتك المستخدمه الثانيه موجوده يعني عادي
رؤى وهي تبوس راسها:تسلمين خالتي مع السلامه
دلال:بحفظ الله
طلعت رؤى لفواز بعد مالبست عبايتها
ركبت بهدوء مع تيكا وقالت بهمس:السلام عليكم
فواز:وعليكم السلام والرحمه
وبعد مرور 5دقايق
تكلم فواز :احنا الحين رايحين للباحث جابر اللي طلب مننا التحاليل ويبغى يتكلم معك ويشوف تقارير المستشفى عن فقد الذاكره
رؤى:بس مو معي التقارير
فواز:معليك وصيت واحد وجاب لي اياها بس اتمنى مهما يقول لك يبقى املك قوي زي ماعرفتك
رؤى:ان شاء الله
والتفت للشباك وفي بالها الف فكره
كانت تفكر باشياء كثير ومن ضمنها هل معقول بتشوف امها واهلها من جديد
بعد وقت حست وهي توقف السياره
فواز:يالله وصلنا انزلوا
نزلت رؤى وكان المبنى اللي دخلوه كبير وحلو ومرتب مررره
دخلوا المصعد وضغط للطابق الثالث
انفتح المصعد واخذوا الممر الايسر ودخلوا المكتب الثالث
دخل فواز عند السكرتير:استاذ جابر موجود؟
قام السكرتير وسال:انت استاذ فواز؟
فواز:ايه
السكرتير وهو يفتح الباب :ثواني ابلغه
وبعد ثواني قالهم يدخلون وانه بإنتظارهم
دخل فواز ورؤى معه كانت ميته خوف ماتدري ليه
فواز:السلام عليكم
قام جابر وصافح فواز ورحب به وقالهم يقعدون اما تيكا قعدت بطرف بعيد من المكتب الكبير
فواز:رؤى هذا استاذ جابر استاذ جابر هاذي رؤى اللي كلمتك عنها
ابتسم جابر لرؤى وقال:اهلين بنتي رؤى كيفك؟
تنحنحت حتى تقدر تسترجع صوتها اللي راح وهذا طبعها لاخافت:الحمد لله
جابر:فواز قالي اشياء كثير بس حاب اسمعها منك(مع العلم ان جابر طبيب نفسي بالاضافه لمهنته للبحث)
ولف على فواز:جبت التقارير؟
فواز وهو يمد الملف:هذا هي كامله
جابر وهي يحطها قدامه بعد مالقى نظره سريعه ولف على رؤى وبدء يسالها عن اشياء كثير وبعد نص ساعه تقريبا من الاسئله الكثيره الموجهه لرؤى سالها:
طيب يارؤى ماجاك أي تهيئات امم صداع لمن تشوفين موقف تحسين بالم براسك أي شي من هذا القبيل
رؤى:انادايم وانا نايمه احلم ويمكن اكثر من مره بنفس اليوم تجيني احلام تخوف بس فيه حلم دايم يتكرر ولمن يجيني اقوم منه مفزوعه وفيه وحده تقولي لاتتاخرين ياماما كنت كل ماقوم احاول كل ماصحى اتذكر شي من هاذي الحرمه وارسمه بس من وقت طويل ماقدرت ارسم الا شي بسيط
مرات اذا احد مرض قدامي يالمني راسي واحاول اتذكر بس ماقدر( وبدت دموعها تنزل) ماقدر اتذكر اهلي او أي شي
جابر بدء يهديهاويكلمها حتى هدت ووعدته ماتفقد املها
اما فواز سرح لبعيد (تتالم رؤى ولاترتاح حتى بنومها الله يصبرها ويفك همها يارب)
وبعد ماخذ جابر كل المعلومات من رؤى وتكلم معها شوي حتى يعرف عن امل عوده ذاكرتها
قاموا بعد ماقالهم باقرب وقت باكلمكم وياليت تجيني مره ثانيه
فواز وهو يقوم:مشكور ياستاذ وجزاك الله خير
راحت رؤى لمن وقفت جنب تيكا اللي زهقت وهي تنتظر
فواز:ابسال سوال فيه امل عوده ذاكرتها
جابر:بتكلم بصراحه الامل بالله موجود وحسب توقعي لازم تتعرض لصدمه قويه حتى تستعيدها وهاذي الصدمه انها تشوف اهلها وان شاء الله بدرس حالتها اكثر وبيكون خير
فواز:ماتقصر ومشكور عن اذنك
جابر: اذنك معك
طلعوا من عند جابر رؤى حست بامل كبير بكلام جابر لها ان فيه اطفال لقوا اهلهم بعد مرور وقت بس لازم يصبرون
فواز من ركبوا كان ساكت وفي الاخير قرر يقطع الصمت:رؤى
انتبهت رؤى من سرحانها :هلا
فواز:شرايك اوديك مكان احبه وبالمره نشتري سندويتشات
رؤى بخجل:انت تعبان ولازم تروح البيت تريح قبل ترجع الشركه
فواز :بالعكس روحتي لهمكان بتريحني اكثر اتمنى يعجبك
مر على مطعم وجبات سريعه واخذ له ولرؤى ولتيكا>>.مانسيتها خخخخخخ
ووقف عند البحر مكان بعيد عن الزحمه الناس اللي بالشاطئ مرتفع شوي عن مستوى البحر
نزلوا وقال فواز وهو يمد يده قدامه :وشرايك هو مكان بسيط بس يريح
رؤى سكتت هي تعشق البحر ومن زمان ماراحت استانست كثير بالمكان
قعد فواز على السياره من قدام وفرش وجبته قدامه اما رؤى وتيكا نزلوا عالبحر بوجباتهم
بعد ماتغدوا وتمشوا شوي رجعوا للبيت
وكان يوم مشرق وكله امل لرؤى
وفواز انبسط من لانها انبسطت بعد كلامها مع جابر ولان بكره يوم وصول اهله اللي ينتظره من زمان
اليوم المنتظر لفواز
فواز كان مره متحمس يشوف اهله اللي اشتاق لهم موت
طبعا نزل بعد صلاه الفجر وراح للمطار من الفرحه عالعلم انهم ماراح ينزلون الا 7الصبح
دلال على سفرة الفطور:فيء ساره بسرعه تاخرتوا الساعه 6ونص
رؤى:صباح الخير
دلال:ياصباح النور والسرور
رؤى:وين البنات ابغى اعطي فيء شي
دلال:جايين الحين ودي يوم ينزلون مبكرين
رؤى:الله يعينهم قومه الصبح مو هينه
دلال:هذا انتي ماعندك مدرسه تنزلين قبلهم لابسه مصليه ورايقه بعد وهم كلها مريول والوحده بوزها متر الله يصلحهم بس
رؤى بضحكه:امين
فيء:صباح الخير
دلال +رؤى:صباح النور
فيء:يارب اجيب كامل صار لي اسبوع اذاكر
رؤى:خذي هالتمارين حليهم وان شاء الله تاخذين كامل يارب>>كانت فيء متعقده من الرياضيات وتحس انها مستحيل تجيب الفولمارك
ساره:صباحو
رؤى+دلال:اهلين ياصباح النور
ساره:متحمسه اليوم خالي بيجي
دلال:فواز ياقلبي عليه رايح من بعد الفجر الله يقر عينه بشوفتهم
كان الكل فرحان ورؤى صح فرحانه بس كانت متخوفه شوي من ردة فعلهم بوجودها
دلال:رؤى بنروح الساعه سبع للمزرعه تبين تجين معي ولاتنتظرين البنات للظهر
رؤى:لاخالتي جايه معك يمكن افيدك بشي بدال القعده
دلال:خلاص روحي بس ترى بيجون خوال فواز من الرياض واهلنا بالدمام والجبيل وبيجي اخوي من الجنوب.
رؤى:كلهم بيجون اليوم ؟
دلال:ايه يالله همه رؤى
رؤى:ان شاء الله
(راحت رؤى افتحت الشنطه اللي جابها لها فواز لقت بدله مره نعومه وروعه
بنطلون مخمل شامواه اسود سكني وعليه فستان ذهبي فاتح صوف ماسك من على الرقبه وماسك من تحت كان مره انيق
وعليه جكيت شامواه اسود ورؤى محتاره تلبس او تجلس بالبيت لانها حست ان وجودها ماله لزوم بين العايله اليوم).
دق فواز على رؤى استغربت رؤى اتصاله رؤى ردت بخوف :الو
فواز سكت لمن سمع صوتها كان مبين فيه الخوف بعدين قال:بسرعه البسي البدله ترى بتجين(طبعا كان داق عالبيت وردت عليه تيكا وقالت له انها مطلعه البدله وقاعده تطالع فيها خخخخخخ)
رؤى استغربت كنه كان معها في تفكيرها:هاه ان شاء الله
فواز:رؤى ممكن خدمه ادق عالبيت وعلى عمتي ماترد(ابوك يالنصب ههههههه)
رؤى:امرني وانتبهت على نفسها ورجعت قالت بربكه هلا وش بغيت؟
فواز وهو كاتم ضحكته من براءة اسلوبها وعفويتها:فيه جكيت بغرفتي عالسرير ياليت تجوبونه معكم
رؤى:ان شاء الله تبي شي ثاني
فواز:سلامتك
رؤى:فواز
فواز:هلا
رؤى:ادري منت فاضي بس ياليت شغلي يبدا يوصلني من بكره
فواز:اول مره اشوف موظف مستعجل على رزقه اخاف مره ثانيه تكلمين تقول لاعد تجيب
رؤى بضحكه:لا ماراح اقول يالله عطلتك
فواز:لاعطلتيني ولا شي الطياره باقي علها ربع ساعه وانا الحين انتظرهم
رؤى:الله يوصلهم بالسلامه يارب
فواز:امين يارب بس عادي اسال سوال؟
رؤى:تفضل
فواز:ليه رجعتي المبلغ اللي حطيته لك هذا تعبك معي الايام اللي طافت
رؤى:اتوقع الملابس قيمتهم تكفي وزياده
فواز:طيب اعصابك ليه تعصبين ؟خلاص الراتب الجاي خصم علشان انكسر خاطري
رؤى ضحكت:خصم مامدى اداوم الا تخصم اوكي شكلي عطلتك
فواز(فديت اللي يستحون):لا عادي بس انتي شكلك مشغوله
رؤى بارتباك :تقريبا
فواز:اتركك تلبسين و بنات خوالي شوي مغرورين لاتزعلين من كلامهم لك لو ضايقوك اوكي
رؤى:اوكي مع السلامه الله حافظكم
فواز:باي
سكر فواز وهو يفكر (رؤى احلى قدر في حياتي من دخلت حياتي وانا احس اني مرتاح
مدري من اسمع صوتها اروح عالم ثاني قلبي يدق احسه بيطلع من صدر شكلي حبيتها وانا ماحسيت على عمري وابتسم )
في بيت ابو عبدالله
رؤى كانت تفكر بكلام فواز عن بنات خواله يارب انك تعطي قلبي القوه والحيل ودخلت تقيس البدله
اللي كانت كنها مفصله لها دخلت تيكا:ماما ماشاء الله كثير حلو انتا ماشاء الله
رؤى حمرت خدودها:نعم تيكا وهي ترفع شعرها من على وجهها>>دايم يطيح على وجهها لانه ناعم وخاصه اذا استحت ونزلت راسها
تيكا:ماما قول بعد شوي روح
رؤى:اوكيه قولي لها نازله
رؤى:لمت شعرها ذيل حصان ولبست باليه مخمل اسود وفيه فيونكه صغيره ذهبيه ولبست عباتها ونزلت
وهي بالدرج تذكرت جكيت فواز وراحت غرفته كانت خايفه كانه جالس فيها دخلت واوجهتها ريحه عطره واخذت الجكيت بسرعه ونزلت
دلال:وش هالزين ماشاء الله تبارك الله سمي على روحك يمه
رؤى بكل خجل:من بيحسدني ياحسره
دلال:من بيحسدك اوعدك تكونين محط انظار الكل
رؤى استحت ونزلت راسها
دلال:ياويلي لاتختفين ماقلت شي يالله السايق ينتظر برا وراحوا ووصلوا المزرعه اللي كانوا منسقين الحفلات قبلهم
وراحوا للمزرعه كانت مزينه عالتوب البالون والمسبح كان مزين والصاله الزجاج كانت احلى شي وخاصه منظر المسبح منها مره روعه
رؤى:خالتي لو نحط شي غير كل هالحوسه بالطاولات
دلال:شي مثل شنو؟
رؤى:ورد