--(( سحبت العهود وكل شي معه ننهيه ))--

[صرخات قلم]

معه, العهود, سحبت, ننهيه

--(( سحبت العهود وكل شي معه ننهيه ))--

وقفت اتذكــر كل مافاتنـي وابكيه
. ذكر اليــالي وذيك الايـــــــــام نذكرها
حبيبي نساني يحسـب اني انا ناسيه
. وانا مانســيته كل الايــــــــام ذاكرها
حبيبي يعاتبني وانــا دايم مصافيه
. حبيبــــــي تغير كل الابــواب سكرها
ترا خاطري طايب ولا عاد نطمع فيه
. سنين الجفى والهم كـــثرت محاورها
نويت الرحيل وما مضى جايز مابيه
. وكفاني من الدنيـــا علوم انت خابرها
سحبت العهود وكل شي معه ننهيه
. غريبه مـــــــــن الايــام بانت ذخايرها
نويت الرحيل المر ماكنت انا ناويه
. من ايامي اللــي حققت بـي معابرها
وانا همي بقلبي وفي داخلي مخفيه
. اداري هموم القلب والنـــــاس اقدرها
وانا داري ان القلب مايرخص بغاليه
. وهـذي حيــاتي عنــــــــد ربي يدبرها
حبيبي نساني بعد ماكنت انا شاريه
. عسى نفسي من الكسر ربي يجبرها
وانا اقول يكفي جعل ماقد مضى يكفيه
. كفايه كفايـــــه ليــش نفسـي تدمرها
صغار الامور اللي تجي عنده وتاتيه
. يجمع صغايـــرهـــــا علــــي ويكبرها
تعبنا معه من كل يوم زعل وارضيه
. وانا حالتـي حالــــه واجامل واسايرها
يحيرني بطبعه تغـير علي وش فيه
. واذا قلت له وشفيك قال انت فسرها
اخاف الشكوك تزيد في قلبه وتعميه
. تزيد الشـــــــكوك وكل ماطـاب كررها
الا ياهـل المعروف مـاودي اخليه
. ولا ودي بيــــــوم تشـــوفــه ويقهرها
بليس اتحد به عن طريق الهدى مغويه
. وهذي حقيقه لازم اقــــول واشهرها
نصحته وكني في طريق الخطاء اوديه
. يزيد الجنــــــون وكل الاسرار يجهرها
تحدانــي بطيشه وكنــي انا باليه
. وانا مابليته ليـــــش الاحـزان يظهرها
تجاهل كلامي وانصرف كن مايعنيه
. تجــاهل ليالـــــي الحب ليته يبررها
انا انباح صوتـــي واترجاه واناديه
. وهو مايهمه شـــــــي والنـار يدهرها
ولــو كان بيدي والله بروحي بنفديه
. اراعــــــي مشاعـرها وقدر خواطرها
رماني بسهم الحــب وانا بعد راميه
. رمتني سهوم الموت وذقنا مخاطرها
انا خايف لايــكون بــــه عالم تغريه
. ويالــيت نعــــــرف ويش سبة تغيرها

وسلامتكم


تحياتي : صرخآت قلم

---

--(( spfj hgui,] ,;g ad lui kkidi ))--

[إحْسَـ انسانَه ـآسْ]

أبيآتـ رائعهـ

وقصيده في قمة الروعهـ

سلمت كفوفك

عزيزي صرخآتـ ولآهنت على جمالـ

طرحكـ دمت بود

~

[صرخات قلم]

*·~-.¸¸,.-~*أحـسـ أنسـآنه ـآس*·~-.¸¸,.-~*

يسلمووووو اختي احساس على مرورك

تحياتي : صرخآت قلم

[صرخات قلم]

[grade="00008B FF6347 008000 4B0082"] *·~-.¸¸,.-~*ـألـــــسلآم عليكـــــم ورحمة ـألله وبركـــآتوه*·~-.¸¸,.-~*[/grade]
بين رعشات الحقايق وإبتسمات الخيال وبين دمعات الليالي واختفاءات الدموع
وبين همسات الحكاوي وإنجرافات السؤال وبين أحلام وأماني وانتظارات الرجوع
وبين تفرق المشايخ بالحرام وبالحلال وبين تهميش المعنى امنياته بالطلوع
كل مافاتك وشفته إحتمال فإحتمال وكل لحظة في بعادك قد تؤدي للخضوع
شف قصدي يا حبيبي مايقول إلا تعال وشوف خافقي بجوفي ياحبيبي إمخلوع
كنت نجم لا لنحته زان لي جو الليال وكنت يوم لاذكرته ماذكرت إلا الربوع
وكنت وكنت وكنت وكنت ولا يهنون الرجال بقدر الفين رجال مالهم أصل وفروع
بعد هذاوكل هذا تبقى إنت وماتزال وسط عيني ووسط قلبي ومسكنك بين الظلوع
سيديماذا دهاكاياهذا الصد يال وأنت عارف إنك أنته بير وصلي والنبوع
لا رسالهلاجوابلاهلابك لاأتصال ماني والله ياوجودي خابرك شخص قطوع
لاتقاطع وترحل وتقطع حبل الوصال ولا تخليني وحيدن منهمل كلي دموع
تكفى يانبع القصايد إنت عندي رآس مال وإن خسرتك ياحبيبي إنطفت كل الشموع
مدري عقبك وش بلاني صابني طيش وهبال كني طفل لو عطيته أي شي يضحك قنوع
من بعادك من فراقك صرت أفكر فــــ أرتحال يم شيخن لانخيته سمابإسم الله فزوع
وإنطلق معه النشاما فازع لي مايبال مادرى إني لفيته منصفع كبدي تلوع
كاره الدنيا بسبايب سيد نجد والشمال سيد روحي سيد قلبي سيدي من كل نوع
جادل لامن تحكي ذوب أطرف التلال لو همس فإذني كلامه قبت الدنيا زروع
الحبيب اللي إلا أقبل ماتقول إلاغزال أسعد أيامه ياربي صاحبي زين الطبوع
لو طلب مني سؤال جيتله بأصعب سؤال.؟ هل تبي تلعن رجوعك وإلا مافيها رجوع
تكفى يانبع القصايد إنت عندي رآس مال وإن خسرتك ياحبيبي إنطفت كل الشموع
وسلامتكم

تحياتي : صرخآت قلم

[في خاطري]

لله ليك يا صرخات قلم
ابداع
روعه
شي لا يوصف
ولا يرسم في الخيال

لا تحرمنا من جديدك


تقبل مروري

[هديل الشوق]

صح لساااااانك علي القصيده الرائعه

الله يعطيك العافيه
تحيااتي

[صرخات قلم]

حيا الله أخي في خاطري

أشكرك على مرورك الكريم وردك العاطر

وتقبل خالص التقدير


تحياتي : صرخآت قلم

[صرخات قلم]

حيا الله أختي هديل الشوق
هلا وغلا بك يا بعد حيي

صح بدنك يالغاليه

وابشر بكل جديد إن شاء الله

وأشكرك على مرورك الكريم وردك العاطر الطيب

تقبل خالص التقدير


تحياتي : صرخآت قلم