(((( مــا تت امه في حادث سياره وسلم هـو فكتــب ))))

**مــmrــر** · 18-May-2006,09:17 PM

مــا, امه, حاجة, زياره

قصيدة كتبها شاب صار له حادث سيارة ووالدته كانت معه وكان مسرعا

نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

منقول

(((( lJJh jj hli td ph]e sdhvi ,sgl iJ, t;jJJf ))))

**في خاطري** · 18-May-2006,10:37 PM

انا لله وانا اليه راجون

الله رحمها ويصبر قلب قايل هالقصيد

يعطيك الف عافيه اخوي masmas
على الابيات الموئثره في النفس

تقبل تحيات اخوك وليد

**هديل الشوق** · 18-May-2006,11:52 PM

انا لله وانا اليه راجون

الله يعطيك العافيه علي النقل

تحيااتي

**إعدام ميت** · 19-May-2006,12:10 AM

الف شكر والله يرحم اموات المسلمين

ااااااااااااااااااااااااااااااااااامين

**مــmrــر** · 19-May-2006,03:44 AM

في خاطري

الله يعافيك

اشكر مرورك

**مــmrــر** · 20-May-2006,04:35 AM

هديل الشوق

اشكر مرورك وخطواتك الطيبه

**بَرَِآءَةْ دَمَعَتِي** · 21-May-2006,02:41 PM

الله يرحمها
ويصبر اهلها
يعطيك الف عافيه اخوي مس مس على قصيدة
تسلم يدك

**فتى النور** · 22-May-2006,01:44 PM

اه من حرقة القلب .

ذباحه . والله ذباحه .

الله يرحمها .

ويصبر اهلها وولدها . واهم شيء الله يغفرله .

يعطيك العافية يا ماس ماس .

تحيتي
فتى النور

**lindaal7ob** · 22-May-2006,02:00 PM

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

اكتفي بمروري الصامت

جل شكري وامتناني لشخصك الكريمـ دوما توقذنا بلحن كلماتك