ووصف حااائل

[هديل الشوق]

حااائل, ونصف

ياما حلا القيلات باكناف حايل
بظلال طلح والمكيف طبيعي

باكناف حايل والجبال الهوايل
اللي كما الجوهرحصى كل ريعي

لاصرت بين اللغف وأم المسايل
. جليسك السبهان والا القويعي

بديار شمر كاسبين النفايل
. اللي لهم عصم الشوارب تطيعي

بجاء وسلمى مكرمين السبايل
. امجادهم من قبل المنيعي

اللي حموها بالسيوف الصقايل
. غلبا هل الطولات واهل الصنيعي

أهل الجبل وافين ياكال كايل
. ولولا الثنى كان القديم تضيعي

مافيه شك ولاتبي قول قايل
. وحشى معشي الذيب فعله يضيعي

وراعى جفيفا من خيار الدلايل
وغضبان والمجفي وولد القفيعي

وياما وياما لو نعد الفضايل
ما يحصى الكاتب لها والمذيعي

وادخل على الله مانسب القبايل
مار إن شمر لي ربوع وذريعي

مناثر البن الحمر كالنثايل
. عند البيوت اللي قراهم سريعي

اهل المناخ بالسنين السحايل
. ترفع لهم بيضا بصوت رفيعي

وصلات ربي عد ما قال قايل
على النبي الهاشمي الشفيعي

الشاعر / عبد المحسن بن حمود الهذيلي

---

,,wt phhhzg

[في خاطري]

الله عليك ياهديل الشوق شوقتيني اني ازور حايل ولا ازور مدينه خارج السعوديه


يعطيك الف عافيه

تقبلي تحيات اخوك وليد

[هديل الشوق]

الله يعطيك العافيه اخوي وليد علي مرورك الكريم