][`~*¤( وقـت السـفـر )!¤*~`][

[ابو سلطاان]

السـفـر

عيني بوقت السفرهلـت مدامعهـا
والنفس مما بهـا زادت مواجعهـا

أبكي لوإن البكـا ماهوطبيعـه لـي
لكن بعض العرب صعب موادعهـا

من يوم قالواالسفرماغمضت عينـي
ذكرى حبيبي على بالـي أراجعهـا

طبعي الكرامه ولامخلوق طاوعتـه
هي الوحيده من العربان اطاوعهـا

هي الذي داخل أفكـاري أسامرهـا
لوقاطعتنـي انـا مايـوم أقاطعهـا

هي نورعيني عسى الله مايكدرهـا
في نون عيني تضوّي لي مشامعهـا

هي الأميره يسـرك زيـن طلتهـا
هي الورود الذي طابـت مطالعهـا

وهي نسيـم الفجرلاهـب ينعشنـي
غزالـة البـر ممطـوره مرابعهـا

وهي رذاذ المطربالصيف ينعشنـي
طبعت صـوره لهابالقلـب طابعهـا

تكون شمس الضحى في يومه البارد
تدفّـي الـروح بالاعيـان اطالعهـا

وهي سواة النـدى فـي زهربلّلهـا
مع نسمة البر في أبهـى مزارعهـا

رغم الحلا والغلا ماهي بمغـروره
يسلب عقول البشرقمّـة تواضعهـا

خاب الذي بالطمع حـاول يقرّبهـا
لوحاول أهل الهوى خابت مطامعها

لويدفعوا لي كنـوزالأرض والدنيـا
في ليـن وإلاقسـا مانـي ببايعهـا

وهي بخافي الحشا والروح مسكنها
يازينهـا لاتحنّـت روس أصابعهـا

أعلنت حبي لها من عقب صابتنـي
لولا الملامـه بخطواتـي أتابعهـا

ولوتغيّب عـن الأنظارلـو لحظـه
نارالهوى والجوى تضرب مدافعهـا

مسكت دربك ولاني راجـع عنهـا
أنت الذي من جميع الناس رافعهـا

---

DF`Z*¤( ,rJj hgsJtJv )!¤*Z`DF

[سَحْآبّ آلَمِلّحْ]

[grade="00008B FF6347 008000 4B0082"]صح لسـآنك آخوي


ولآهنت



تحيتـي لك[/grade]

[gaberyal]

صح لسانك يعطيك الف عافيه

[عشق بدوي]

السلام عليكم ورحمة الله وبركاته


صبحك الله بالخير اخووي ابو سلطان


صح لسانك والله يعطيك العافيه على قصيدك الرائع

وصح لسانك وبيض الله وجهك

لا تحرمنا جديدك الذيب

تسلم يمناك


لاهنت

[~عشق~]

طبعي الكرامه ولامخلوق طاوعتـه
هي الوحيده من العربان اطاوعهـا

لاااااا تعليق

السكوت قدام هالقصيده افضل من الكلام وتشويه روووووعتها

بكلامي

ما اقول غير

صــــــــح لسااااااااانك يا شااااااااعرنا

مبدددددع ماشالله عليييييك

انتظر جديدك على احر من الجمر

[حبايبنااا]

صــــــــــــــح لـــــــــــــــسانك ابــــــــــــو ســـــــــــلطان