حســـــــــافه

[الغـ عنوان ـلا]

حســـــــــافه

[align=center]

مساكم بالخير حبايبي


توقعتك على باب الرجاوي تنتظر لقياي
حسبتك نار م الأشواق تنطر غيم يطفيها

تعبت الملم مزوني واقطر من ظروفي ماي
تعبت انسج من همومي قصايد بك اسميها

كتبتك شعر في ديوان قلبي زان به معناي
جعلتك نوته ألحانٍ مع أنفاسي أغنيها

رسمتك صورة العودة إلى الأوطان من منفاي
وأظنك نفس هالصورة بجوفك لي مسويها

وضعت أصابعي بأذني عن النمّام والوشاي
رفضت أسمع كلامٍ عن بريئة جل باريها

وقلبٍ منحرق منكم يسير لداركم مشاي
مشى لك فوق رمضا البعد مافكر بتاليها

جريح شاف في شوفك دوا جرح الهوا ودواي
يظنك دام في كفك دوا روحي بتشفيها

يظن الهم لو يظهر بداري تقتله لرضاي
ولو دمعه تبي تهرب تجي أنته تداريها

يظنك قبل لا ألمّح بتعرف بالهوى مغزاي
وتفهم قبل لا أنطق حروفٍ كنت ناويها

لقيتك ناسي الموعد وناسي اني لك جاي
لقيتك ساكن بوادي سوى اللي خابرك فيها

لقيتك منتقل عني وعن داري وعن مأواي
لقيتك شايلٍ بصمة هوانا عن مواطيها

لقيتك تمسح أحلامك من كتاب الأمل ويّاي
تقص أوراق قصة حب أنا وايّاك نرويها

ومن شفتك على هذا مُصرّ ومعتمد هالراي
بديت اسحب جنودي عن ميادينك وأخفيها

حسافه ياسبب همي وأنا اظنك عزا بلواي
حسافه ياسبب ويلي ونفس بك أمنيها

حسافه ياحكم ظلمني واظنك عادلٍ بقظاي
حسافه يا سهر ليلي وعين كنت غاليها



وسلامتكــمـ والسموحه على أي قصور ،،،
أخوكم/ الغلاعنوان[/align]

---

psJJJJJJJJJhti

[اسـ الشوق ـير]

حسافه ياسبب همي وأنا اظنك عزا بلواي
حسافه ياسبب ويلي ونفس بك أمنيها

حسافه ياحكم ظلمني واظنك عادلٍ بقظاي
حسافه يا سهر ليلي وعين كنت غاليها
مشكور على الكلام الحلوه وتسلم يدج اخوي الغـ عنوان ــلا
اخوك اسير الشوق

[مشاااعر ألم]

الغلا عنوان .

كلمات صامته
بمساءتك واطياف سحبنا في عالم الجمال .
في بحور القلم ومحيطاته .
إبداع هنا ارتسم بخط حرفك وبين سطورك .
وازدان جمالا بكلماتك وعباراتك .
اشكرك من القلب لنثرك المميز
ننتظر جديدك .
لا عدمناك

مشاااااااعر

[بَرَِآءَةْ دَمَعَتِي]

حسافه ياحكم ظلمني واظنك عادلٍ بقظاي
حسافه يا سهر ليلي وعين كنت غاليها

صح لسانك اخوي الغلا عنوانه على قصيدة منتهى روعه
تسلم يدك