ثروة من حسرات

[بَرَِآءَةْ دَمَعَتِي]

ثروة, حسرات

ثروة من حسرات


تعالي قربي ودي أبلل أحمر الفستان
على شمس الظهيره اجمعي من ماطري زخات
قبل ما ترحلي لمي الهديا وخاتم المرجان
واغانينا ، سوالفنا، وقلاده، ودفتر الابيات
تراني بدمعتي أبكي على كلمة ( أعز انسان)
حشى لو قالوا ماتت نو ما تظهر علي دمعات
جرحتني وصدمتيني ومشى من جانبي الشمتان
عزاي اني ملكت بصدمتني ثروه من الحسرات
أنا لاجلك فرشت البيت أفراح وهنا واحسان
على فرش الوفا نمتي وغطيتك من الآهات
حياتي لك إجازة صيف وصوتي أعذب الألحان
تمنيتي ولقيتيني أجي لك وأسبق اللحظات
عطيتك خافقي مثل الطفل وده حنان انسان
تركتني هالطفل يبكي وتعالت منه الأصوات
كسرتيني غريبه كيف(( أنا الوافي أنا الخسران))
مع زود الوفا معقول خانتني أنا النظرات
أنا كسر الزجاج ولا حشى يرجع مثل ما كان
ولو عاد الوفا يضوي مسانا ويشعل الشمعات
أنا بعدك باعوف المنزل العايش بلا عنوان
واغطى بالكفن الابيض أثاث المنزل اللي مات
تعيش بوسطه الأشباح. وتنبت وسطها الأحزان
على جدرانها (دمعه) من الماضي على اللي فات


الشاعر طارق عبدالله الظبياني

---

ev,m lk psvhj

[في خاطري]

تعيش بوسطه الأشباح. وتنبت وسطها الأحزان
على جدرانها (دمعه) من الماضي على اللي فات


صح لسان من قالها
وسلم يد من نقلها

يعطيك العافيه يالغاليه
متميزه دائما

تحيتي لك

[بَرَِآءَةْ دَمَعَتِي]

صح بدنك
الله يسلمك
الله يعافيك
عاش من شافك
ومشكور اخوي في خاطري على المرور

[تحدوووها*]

قبل ما ترحلي لمي الهديا وخاتم المرجان
واغانينا ، سوالفنا، وقلاده، ودفتر الابيات
تراني بدمعتي أبكي على كلمة ( أعز انسان)
حشى لو قالوا ماتت نو ما تظهر علي دمعات


***************

يسلموووووووواختي لولو

ويعطيك العافيه

اختكــ /// تحدوووها*

[اسـ الشوق ـير]

لؤلؤة الصغيرة
تمنيتي ولقيتيني أجي لك وأسبق اللحظات
عطيتك خافقي مثل الطفل وده حنان انسان
تركتني هالطفل يبكي وتعالت منه الأصوات
يسلموووووووواختي لولو

ويعطيك العافيه وتسلم يدج
اخوك اسير الشوق

[بَرَِآءَةْ دَمَعَتِي]

الله يسلمج
الله يعافيج
ومشكورة اختي تحدووها على المرور

[بَرَِآءَةْ دَمَعَتِي]

الله يسلمك
الله يعافيك
ومشكور اخوي اسير الشوق على المرور