شوفوا الدنيا عيوونه

[بَرَِآءَةْ دَمَعَتِي]

شوفوا, عيوونه

شوفوا الدنيا عيوونه



ضاقت الدنيا بعيني واظلمت فيني مدينه
من بعد ما ودع اللي ما اعيش انا بدونه
يا ضياع الحال فيني لفـني ثوب السكينه
السما تبكي قهرها والفضا ضاقت ركونه
يلعن اوقات الموادع تذبح العمر وسنينه
كيف اعيش اللي بقالي دونما طلة عيونه
فرحتي من يحتريها وداخلي الله يعينه
والشعور اللي سكني كان رب الكون عونه
يكفي سلمته شعوري واعتبرته والدينه
قلت له سمه بكيفك واعتني بكامل شؤونه
كيف افرط في حبيبي وارضى يتركني حزينه
كيف ودع قلبي اللي ما رضى انه يخونه
البلا اني رضيت وكلمة المسلــم تدينه
ولو يعوّد بي زماني ما رضى قلبي جنونه !
هالشقا والدمع فيني ونبضة الخافق ونينه
اذبحوني في مكاني واعجزوا لا يوصلونه
من رحل عني وقلبي كنهم الا ذابحينه
يطعنونه يطعنونه يطعنونه يطعنونه
رجعوه لشوف عيني رجعوا ايدي فـ إيدينه
آه وينك يا عيوبه غيرته !! كثرة ظنونه
قسوته لحظة زعلنا همسته لحظة حنينه
رهبته حزة حضوره هيبته ضجة سكونه
ما حسبت اني رهينه لين خلاني رهينه
يوم ودعني عرفت إني انا ملك ٍ لكونه
لو نكرت الحزن فيني ودي اظهر مستهينه
احرج احساسي عيوني وقال والله يعرفونه
الحزن بحري ودمعي مبحر فبحري سفينه
والشراع هموم صدري والشواطي يحترونه
طفلة ٍ تسكن شعوري ذاقت احساس الغبينه
التهت فيه بمواجع وانتهت بأقصى سجونه
حدها جاحد زمنها بالسكاكين السنينه
فالقهر كانت تعاني والقهر مابه ليونه
شابت بعز الطفوله ومالها احد ٍ تدينه
الامل مات بحشاها والمواجع يدفنونه
ما نطق الاحساس فيها الا مع طلة جبينه
يوم اقبل من غيابه وعانق عيون ٍ يبونه
الله حيها يا عيونه حي هالمشيه الرزينه
حي صوته حي زوله حي احساسه ولونه
من بعد ما ضاقت بعيني شوارع هالمدينه
شوفوا الدنيا وسيعه شوفوا الدنيا عيونه



الشاعرة العنود بنت ناصر

---

a,t,h hg]kdh ud,,ki

[في خاطري]

صح لسان من قالتها
وسلمت يد ناقلتها

يعطيك العافيه يالغاليه على التميز المستمر

ننتظر جديدك

تحيتي لك

[اسـ الشوق ـير]

لؤلؤة وليش اختي ضاقت الدنيا بعيني واظلمت فيني مدينه
من بعد ما ودع اللي ما اعيش انا بدونه
يا ضياع الحال فيني لفـني ثوب السكينه

مشكورة على الكلمات الجميل اختي لؤلؤة من
اخوك اسير الشوق

[بَرَِآءَةْ دَمَعَتِي]

صح بدنك
الله يسلمك
الله يعافيك
ومشكور اخوي في خاطري على المرور

[بَرَِآءَةْ دَمَعَتِي]

العفو
ومشكور اخوي اسير الشوق على المرور

[سَحْآبّ آلَمِلّحْ]

ابيات رائعه جزله . تختزل مكامن الجمال الشعري بداخلهـآ

صح لسان الشاعره.
ابدآع لا متنآهي

احب اشآرك هالآبداع ببتين .


رآح وتـركني على مشـآرف ذيك المدينه وحيـده
وآشغـل الفكـر هـوجآس كل مـاحل طـــــــاريـه
ارجيـك يـارب اللـي له المخـاليق شفـاعــه
تحفـظ حبيــب الـروح من كـل شـر وجريمـه

[بَرَِآءَةْ دَمَعَتِي]

صح بدنج
صح لسانج اختي ريم الغلا على ابيات رائعه
تسلم يدج
ومشكورة اختي على المرور

[المعنى]

صح لسان من قالتها


وسلمت يديـــــــــن ناقلتهـــا


دمــــــــــت بــــــــــــــــود

[عبدالمحسن العصيمي]

صح لسان الشاعره

وسلمت يدك على النقل

يعطيك العافيه

ودمتي بكل خير

[بَرَِآءَةْ دَمَعَتِي]

صح بدنك
الله يسلمك
ومشكور اخوي المعنى على المرور