سود الليالي

**بَرَِآءَةْ دَمَعَتِي** · 11-Sep-2006,11:05 PM

الليالي, سوى

سود الليالي

الله يكثر خير سود الليالي
خلتني اعرف كم للاصحاب ملّه

لامن طغت ماوقف إلا لحالي
وان درهمت لي جات شلة وشلّه

مشكور ياوقتي على اللي جرالي
مانيب ضايق من عطاياك للّه

وإذا على الصدمات ياهملالي
حظي مقفي والزمن فيه خلّه

البارحه يوم اكثر الناس سالي
وانا ارقب نجوم السماء والاهلّه

من همي اللي ماله اول وتالي
فوحه على حدب الحنايا يزلّه

لوهي على شيل الحمول الثقالي
ماهتز متنِ كايد الحمل شلّه

لكنها طعنه ومن كف غالي
رجت صفا صلب الجبال المطلّه

ليل السهر والحزن والهم طالي
همٍ من اللوعه خفوقي يتلّه

لاوهني نسل الردي مايبالي
لاضاق من دنياه دمعه يهلّه

وياحظ من حظه فرش له زوالي
وكفّي دقايق هم وقته وجلّه

عالي واعرف الطيب راعيه عالي
وان الوفا غطى المناعير ظلّه

ساطي وربعي يحتمون التوالي
لاجا نهارٍ فيه للسيف سلّه

لكن اشوف الوقت ينكر سؤالي
وقتٍ سؤاله ما تلهمت حلّه

اليا متى ياقلب تبقا شمالي
واليا متى تدمح وتجزى بزلّه

جعل الردي يفدى زحول الرجالي
اللي دروب الطيب دايم تدلّه

وختامها لله در الليالي
خلتني اعرف كم للاصحاب ملّه

الشاعر محمد بن دحيلان

s,] hggdhgd

محماس كلاسك · 12-Sep-2006,02:47 AM

مشكور ياوقتي على اللي جرالي
مانيب ضايق من عطاياك للّه

صــــح لســــــانـــــك لــولوة

ولاهنتــــي علــى الابيــــات الجـــزله

دمــــتي بـــود

مـــحــمــــاس كــــــلاســــكــ

**إعدام ميت** · 12-Sep-2006,05:14 AM

غاليتي لولة الف شكر
وصح السانك

ابدعت بهذة الابيات
ننتظر جديدك

**بَرَِآءَةْ دَمَعَتِي** · 12-Sep-2006,10:30 AM

صح بدنك
ومشكور اخوي محماس كلاسيك على المرور

**بَرَِآءَةْ دَمَعَتِي** · 12-Sep-2006,10:31 AM

العفو
صح بدنج
ومشكورة اختي امل المستقبل على المرور

**في خاطري** · 15-Sep-2006,03:58 PM

جعل الردي يفدى زحول الرجالي
اللي دروب الطيب دايم تدلّه

وختامها لله در الليالي
خلتني اعرف كم للاصحاب ملّه

هههه وربي قريتها ساعه اعيد فيها \

يعطيك العافيه وسلمت يدك يالغاليه

ابدعتي كالعاده

تحيتي لك