حسافه

[بَرَِآءَةْ دَمَعَتِي]

حسافه


حسافـــه ! وصرت ياجاهـل تـدوّر أتفه الأسباب
غريبه! ماانت عارف هالسوالف ماهي بأسلوبي

رسمتك فرحةالدنيا وكتبتك أصـدق الأحباب
عطيتك فوق حقك والعطا كان أكبر عيوبي

تقول انك جهلت أحساس قلبي الّلي بغرامك ذاب
وحالي من هيامي في غرامك أثقله ثوبي

وقبل ذاك التفاهـم والغلا والحب والإعجاب
وقبل ما كنت أنا مبدأ قرارك وأنت مكتوبي

وقبل ماكنت تحسب لي قبل ماجيك ألف حساب
أشوفك قمت تحسب لي وتعد خطاي وذنوبي

وقدرت ألحين ياشاطر على الفرقابدون أسباب
قدرت تقول بان الشك والنسيان عذروبي

وأشوفك قمت تلبسني من خيوط الخطايااثياب
وبأيادي شكّك تفتّش عن الغلطات في جيوبي

ترى واضـح تناقضنا حبيبي ايش جاب لجاب
أناانطر لحظة إشراقك وأشوفك تنطر غروبي

تأكّّد دام قلبك من جنونك بالغدر ماتاب
محال أقنع أنا فيك المشاعر برجعي توبي

ومصير الوقت يكشف لك حقايق قلبك الكذاب
مصير أقدامك بتمشي خطاوي تتجه صوبي

وحشـاوالّله لوتندم وترجع تبدي الأسباب
وربّ البيت ماافكّّرأحقّق فيك مطلوبي

يكفّي مابدى منّك خيانات وألم وعتاب
يكفّي غلطتي أني رضيتك يوم محبوبي

حبيبي شمسنا غـابت وآسـف لوقمرنا غاب
عسـى الّله يسمّح دروبـكوعسى الّله يسمّح دروبي!!





الشاعر شافي السبيعي

---

pshti

[المطيري]

حبيبي شمسنا غـابت وآسـف لوقمرنا غاب
عسـى الّله يسمّح دروبـكوعسى الّله يسمّح دروبي!!



صح لسانك ولسان قائلها


وربي انها روعه


يعطيك العافيه لولوه

دمتي بود

تحيتي لك

[مشاااعر ألم]

ما أجمل هذه الكلمات التي تدخل الى القلب بسرعة خاطفة

كالصقر الجارح الذي ينقض على فريسته

لا تعبر الكلمات عن شدة روعة هذه المخطورة

ولكن بكل معاني الكلمات اقول لك ابدعت يامبدعه

ونتمنى ان نرى المزيد من حروفك الرائعة

كوني بخير



مشاااااااااااااعر

[في خاطري]

حبيبي شمسنا غـابت وآسـف لوقمرنا غاب
عسـى الّله يسمّح دروبـكوعسى الّله يسمّح دروبي!!







صح لسان من قالها وسلمت اختي لولوه روعه اختيارك واناملك

والله روعه روعه روعه

يعطيك الف عافيه

وننتظر جديدك

[عمووووور]

عزيزتي

يكفّي مابدى منّك خيانات وألم وعتاب
يكفّي غلطتي أني رضيتك يوم محبوبي

حبيبي شمسنا غـابت وآسـف لوقمرنا غاب
عسـى الّله يسمّح دروبـكوعسى الّله يسمّح دروبي!!

كلمات جميله ويبدو اننا مشتركون سويا في الاحزان عزيزتي

فانا لي قصائد كثيره تحمل هذه المعاني

[بَرَِآءَةْ دَمَعَتِي]

صح بدنك
الله يعافيك
ومشكور اخوي المطيري على المرور

[بَرَِآءَةْ دَمَعَتِي]

مشكورة اختي مشاعر الالم على المرور

[بَرَِآءَةْ دَمَعَتِي]

صح بدنك
الله يسلمك
الله يعافيك
ومشكور اخوي في خاطري على المرور

[بَرَِآءَةْ دَمَعَتِي]

مشكور اخوي عموووو على المرور

[نــــــادره]

تسلم يمينك على هذا النقل