اخذيني

[بَرَِآءَةْ دَمَعَتِي]

اخذيني

[grade="FF4500 4B0082 0000FF 000000 D2691E"]اخذيني



أخذيني إليا عجبتك بس ردينيي
و إن ماعجبتك خلاص أخذيني مابيني

ما دامني شفت فيك الطهر و العفة
باعيف نفسي ليا منك كرهتيني

أخذيني لو أعتبر من ضمن أشيائك
و أنا بحبك و لا لازم تحبيني

لا بي علاقة و لا نظرة و بسمة
أحساسي أني بقربك بس يكفيني

و لو أني انضفت لشيائك غصب عنك
طلي علي يا غناتي لا تخليني

تراي لا جا المصامد ماني بهين
تقول كن العرب لعبة بيديني

شخصيتي من غرابتها و طيبتها
كن الزمن في تحدي بينه و بيني

أخذيني الشاعر اللي ما صدق حظه
لا قلت يا حظ وينك ؟ قال : يا ويني

أخذيني المبدع المتفلسف التحفه
مؤمن و تضحك على العالم شياطيني

شهرة شكسبير و أفلاطون و نيوتن
لا قلتلي بيت شعر تطيح من عيني

أخذيني العنصر الي صدق متعنصر
من دون ربعي لو أقطع شراييني

أخذيني اللي ليا منه طلب يعطا
و تكفين لا من طلبتك لا ترديني

تكفين يا غايتي يا بهجة الدنيا
أبحرق قلوب ناس ما تدانيني

أخذيني بكل شوق و قولي أحبه
و أن شككوا فيك و إلا في ضميني

قولي سعد و الله أنه غاليٍ جدا
و يا جعل فدوة شبابي و اخر سنيني

و أنا بصدق كلامك و أعتنز بالله
و باقول للناس ما يعنيك يعنيني

و أنا علي نذر ما أرخص جيتك
و أنتي نذر على أرقبتك أنك ماتخليني






الشاعر سعد بن علوش

[/grade]

---

ho`dkd

[في خاطري]

و أنا بصدق كلامك و أعتنز بالله
و باقول للناس ما يعنيك يعنيني

و أنا علي نذر ما أرخص جيتك
و أنتي نذر على أرقبتك أنك ماتخليني

صح لسانك ولاهنتي يالغاليه

دائما مبدعه

ننتظر جديدك

تحيتي لك

[المطيري]

صح لسانك ولسان شاعرها


من جد احب شعر سعد علوش للنخاع على قولته

يعطيك العافيه لولوه

دمتي بود

تحيتي لك

[نجــم سهيـل]

مشكوره

الف شكر على النقل الرائع

يعطيكي العافيه

خالص ودي

وعظيم تقديري

دمتي بخير

[بَرَِآءَةْ دَمَعَتِي]

صح بدنك
ومشكور اخوي في خاطري على المرور

[بَرَِآءَةْ دَمَعَتِي]

صح بدنك
الله يعافيك
ومشكور اخوي المطيري على المرور

[بَرَِآءَةْ دَمَعَتِي]

العفو
الله يعافيك
ومشكور اخوي نجم الليل على المرور

[الحـ ورده ــب]

صح لسانك ولسان شاعرها


من جد احب شعر سعد علوش وحامد زيد

سلمت يمناك او يسارك على هالنقلة

دمتي بكل الحب

تحياتي
الحـ ورده ـب

[بَرَِآءَةْ دَمَعَتِي]

صح بدنج
الله يسلمج
ومشكورة اختي وردة الحب على المرور