((( عطتني قوانين )))

[اصغر بدوي]

عطتني

السلام عليكم


أعــــزائي رواد همــــــس القوافي


أقدم لكم هذه المتوااااضعه , أرجوا أن تحوز على رضاكم


واتمنى ان تحسن على ذوقكم الرفيع،،



مرّيت دار ٍ خاليـه عقـب عاميـن
.ما عـا باقـي مـن بقايـا أثرهـا


وعديت في ضلع ٍ مضالي به سنين
.وراحت دموع العين تغرق نظرهـا


يوم أذكر اللي صوّب القلب بالعيـن
.غصب ٍ على روحي تزايـد قهرهـا


حل الفراق وصار ما بيـن غاليـن
.وأصبحت اردد في ضميري صورها


وصدفه لمحته قلت يامرحبا أهليـن
.قالت سلام وبهت لأقصـى خطرهـا


وأصبحت أردد وين كل الحلا ويـن
.وين العيون اللي دمرنـي بحرهـا


وين الجمال اللي من سنين تكفيـن
.وين الكلام اللـي حياتـي أسرهـا


قالت طلبتـك لا تزيـد الطواعيـن
.هذا جـواب المسألـه وأختصرهـا


تراي صرت أمّ ٍ وعنـدي بزاريـن
.أرجـوك تبعـد والحيـاه أعتبرهـا


وراجن على قلبي همـوم ٍ ملاييـن
.وقامت تقـادح بالضمايـر شررهـا


قلت المهم وش عند اليـوم يازيـن
.وش رجّعك في دار الرياض قشرهـا


قالت أزور الدار حين ٍ بعـد حيـن
.وأذكر ليال العمـر وأذكـر دررهـا


لاتحسبني ذقـت بالحـب طعميـن
.لكن ّ روحي سلّمهـا اللـي جبرهـا


والله يلو لا سلـم ربـع ٍ عريبيـن
.لأطلب طلاق النفس وأدفع مهرهـا


وأصيح بأعلى الصوت مثل المجانين
.ردّو حياتـي وأقطفولـي ثمـرهـا


قلت أبعدي يابنـت حنـا عزيزيـن
.والبايته فالنّفـس ينقـص قدرهـا


وأقفت تصيح أرحم حيات المساجين
.وهذي حياتي يـوم ربـي قصرهـا


وأقفيت من دار ٍ عطتنـي قوانيـن
.بإن الحياه أشـواك يتبـع زهرهـا


وإن الحياه أنـواع لـب عناويـن
.والطيب اللـي بالعبـاده حصرهـا


ولكم فائق تحياتي وتقديري

---

((( u'jkd r,hkdk )))

[أحمد العسكر]

صح لسانك


والقصيده في قمه الجزاله



تقبل مروري

[نجوله]

روعه روعه روعه تسلم الف عالقصيدة وصح لسان من قالها

[عــزيــز نـفـس]

[align=center] صـــــــــــح لســــانــكـــ.

وما قصرت يا الذيب

بالفعل رائعة وجميلة هي الديار التي مررت عليها

مررت على الديار ديار ليلى وما حب الديار ملكن قلبي :)





تحيـــــــــــاتـــــــــي.!!!![/align]

[الـمـسـافـر]

صح لسانكـ وعتلى شانكـ

[سديم ـآلهتآنـ]

[align=center]أخــــــوي أصــ غ ــر بدوي

كلـــــمات حييل حـــــلوهـ

والاسلـــوب روعـــــه

صح لسانكـ

دمت بــ خ ــير إن شاءاالله

الهتانـ[/align]

[سليم الحارثي]

صح لسااانك ولاهنت يالقرم

ابيااات جزلة من شاعر جزل

لاتحرمنا قصيدك

هلاابك ,,

[نوارة العين]

[ناضح الأسحار]

[align=center] صح لسانك أصغر بدوي قوانين فائقة النكهه [/align]