قرم وفقير (حامد زيد)

[القيصر تينوو]

خالد, سيد, قرأ

هذي قصيده للمبدع الشاعر حامد زيد وهي من إصداره الأخير أتمنى أن تحوز على إستحسانكم



وهي بعنوان.


قرم وفقير
.
.
.
منـك العـذر وعـلـي المـعـذرة
لاتحسب حساب هجـر ولا هجيـر
كـل ذنــب بتذنـبـه بستغـفـره
واحـد مايعـذرك مافـيـه خـيـر
دور بصـدري وطـن واستعمـره
عندك مـن الضلـع الأول للأخيـر
عيش فينـي ودمـر اللـي تدمـره
واعتذر لي واعتبـر سـرك فبيـر
لاتبشـرنـي بـجـرح وتـذخـره
لاتعشمنـي بـحـزن وتستخـيـر
ولاتنومـنـي بلـيـل وتـسـهـره
ولاتنـام الا ونـا جفنـي سهـيـر
خلنـي مثـل النـجـوم مبعـثـره
عيـش فينـي لاشهيـق ولا زفيـر
لاتقـول العفـو عـنـد المـقـدرة
خل قلبك صلـب وحسابـك عسيـر
المسـامـح والـزعـل للمـبـزره
والا أنا لانـي زعـول ولا صغيـر
ودي أدري كيـف للحـزن أثمـره
ودي أقطف مـن قساوتـك العبيـر
ودي أجفـل مـن فراقـك وأحـذره
ودي أعرف لو فقدتـك وش يصيـر
لو تقدر خاطـري صـدق أكسـره
لـو صحيـح تحبنـي لاتستشـيـر
أزرع بقلبـي سـبـب يستنـفـره
أثبت أنك غيـر وأن النـاس غيـر
شاعـرك ماكـل بنـت تجرجـره
حارت بـه عقـول نـاس ماتحيـر
النسـاء ماحركـن فيـه اشـعـره
ثـار عشـق ومالقـى شـي يثيـر
أن سكـت كـن الوقـار بمنـبـره
وأن تكلـم زمهـريـر بزمهـريـر
مايحضـر الا القلـوب مجمـهـره
ومايغيـب الا وعشـاقـه كثـيـر
أن هجرتـه تستـقـر بمحـجـره
وأن تبعت رضـاه ماعينـت خيـر
اسكنـه لكـن بـعـد ماتهـجـره
ابتسـم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر
لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر
ماتميـل الا الغـصـون المثـمـره
ومايسيل من الجـروح الا الغزيـر
من قبـل لاتنقهـر منهـى أقهـره
قبـل لايستحقـرك خلـك حقـيـر
استفزه،شتـتـه، فــج انـحـره
اعشق،أكره،عاتب،أشره،حن،غيـر
أنثـره ،لملمـه ، لملمـه ، أنثـره
صد ،كابر، طير لـو تقـدر تطيـر
مـن متـى ونـا تحرالـي مــره
تثبت أنـي لاوقعـت أوقـع كبيـر
أبك أنا مقطوع من غصن اشجـره
لاصديـق ولارفيـق ولا عشـيـر
ابـدوي شيـب الصبـر اشـعـره
ماعرف ريش النعـام ولا الحريـر
أن غفـا كـن السحـاب يـدثـره
وان صحا يفرش من الرمضا حصير
ماخـذ مـن قسـوة البيـد أكثـره
ومن شموخ البـدو شـر مستطيـر
جنتـه صحـراه والشـوك أزهـره
والسـراب بنظرتـه مثـل الغديـر
أن فـزع يامشجـعـه يامظـفـره
من خلـق الله وهـو قـرم وفقيـر
كـان ماتقـدره قــول ماتـقـدره
صير غالـي صـدق ولاا لاتصيـر
الغـلا اللـي ماتزعزعـه اهجـره
كـان قلبـك لايجـار ولا يجـيـر
شوف لـك واحـد بليـد استحقـره
واجد اللـي يعشقـون بـلا ضميـر
بس أنا لو جبـت لـي ميـة مـره
ماتحـرك فـي شعـره لـو تطيـر
.
.

حامد زيد العازمي

---

rvl ,trdv (phl] .d])

[نجوله]

ابـدوي شيـب الصبـر اشـعـره
ماعرف ريش النعـام ولا الحريـر

ونعم ونعم ونعم فيه القرم

وصح لسانه واعتلى شانه شاعر قوي

تسلم على النقل الروعه يالقرم

[القيصر تينوو]

مشكوووره نجوله على مرورك

وفعلاً


ابـدوي شيـب الصبـر اشـعـره
ماعرف ريش النعـام ولا الحريـر


والله قرم

[عبدالمحسن العصيمي]

شوف لـك واحـد بليـد استحقـره
واجد اللـي يعشقـون بـلا ضميـر
بس أنا لو جبـت لـي ميـة مـره
ماتحـرك فـي شعـره لـو تطيـر



عزالله أنه شاعر وبس

سلمت يالغلا على النقل


دمت بخير

[مزون]

اخوي القيصر تينوو

سلمت يمناك على هذا النقل الرائع,,

وصح لسان الشاعرأـحبه وأحب شعره ,,

خاصه البيت اللي يقول:

على قول المثل ماني حلو لكن ماني بشين الى أخر القصيدة,,,,,,,

دمت بوود

[بحر القوااافي]

صح لسانك ولسان شاعرها
ولاهنت اخوووي

[القيصر تينوو]

أخواني عبدالمحسن القصيمي وتوووم كروز

سعدت بتواجدكم وبردكم الجميل وصح بدنكم


أختي مزون صح بدنك

ومين مايحب ابو زيد

تشكراتي لكم ع المرور الكريم

[نــــوف]

صح لســـــــان شاعــرها.ولا هان ناقلها
قصيده رووووعه
لاهنت
اختكـ
نـــــــوف

[بَرَِآءَةْ دَمَعَتِي]

لاصديـق ولارفيـق ولا عشـيـر
ابـدوي شيـب الصبـر اشـعـره
ماعرف ريش النعـام ولا الحريـر
أن غفـا كـن السحـاب يـدثـره



صح لسان الشاعر
يعطيك الف عافيه اخوي القيصر تينوو على نقلة رائعه
وقصيدة الاروع
تسلم يدك

[القيصر تينوو]

صح بدنك أختي نوف

مشكوره ع المرور الكريم