لقيل وين مطير

**ماجد العبيوي** · 17-Feb-2007,04:32 PM

أقدم

بعد السلام والتحيه

ادعكم مع هاذا البووووووووووووووح

إلى قيل وين مطير أخفـن الأرمـاس

بالصلـب بيـن محقبـه وإلهـابـه

كزوا لهم من عقب الأمطار عسـاس

وتباشروا بالصلـب كثـرة شرابـه

وتقودوا فرسانهم قحـص الأفـراس

وحطـوا جنيـح شـدة مـن حرابـه

يتلون ابن سلطان قطّـاع الأرمـاس

دينـن علـى ولـد الدويـش وفابـه

يقدا جمـوع كنهـا نـاب الأطعـاس

وصم الحوافـر مـا عرفنـا حسابـه

اسم على جسـم وجـد علـى سـاس

وفعل قديم مـن عصـور الصحابـه

يا شيخنا مالـك حليّـن مـن النـاس

كونك صباح وكـون غيـرك نهابـه

كونك كبير ومنـه الأجنـاب تقتـاس

اليا واجه الطرقي الأخـر حكـا بـه

مثـل نهـار يـوم الأريـاق يبّـاس

من ذاق ضرب ايمانهم ما سعـا بـه

خلي على صيانهـم حمـر الأكيـاس

بنن يحرق مـا اهتنـوا فـي شرابـه

ما هو ردى في مقحمة كل عرمـاس

لا شـك جوهـم خارقيـن المهابـه

ولا يزاعم الدوشان كود انقر الـراس

الله يمّن خـوف مـن لا سعـى بـه

امهارهم في غبـة الكـون غطّـاس

وايمانهـم ترمـي العشـى للذيـابـه

لبّاسـة الماهـود والـدرع والطـاس

ومصقّلـن تدنـي المنـايـا ذبـابـه

يجلي عن الكبد الصـدا سلـة المـاس

يـوم تقطّـع بالرضيمـه ضبـابـه

من ضرب علوى خيلهم تمرس امراس

امـراس صيـد مقتفيـتـه ذيـابـه

ما عفّتوهن عنـد زينـات الأجنـاس

وعند البكـار اللـي لهـن انحطابـه

عدونا يصبر علـى كسـرة البـاس

وصديقنـا يفـتـق زرار الحـرابـه

والذود جعله فدوتن لك عـن البـاس

يا شوق من كن الزهـر فـي لبابـه

لشاعر\\ حنيف بن سعيدان المطيري

ونعم والله ابكل القبايل وبشيوخهم

ماحبيت اسوي حساسيات

قصيده اعجبتني وحبيت انزلها لكم

تقبلو خالص الشكر

grdg ,dk l'dv