دقـه قـديـمـه

[اصغر بدوي]

دقـه

اسعـد الله مسآئكم بكل خير

هذيه القصيده متواضعه وانشاء تنال ذوقكم الرفيع






اذا لك شف في شوفي ترانـي
على شوفتك صحيـت الأمانـي


زرعت الشـوق كلـه بأنتظـارك
و أخذت الأنتظار و جيت عانـي


نسيت الناس لكن مـا نسيتـك
عجزت أنساك حتـى لـو ثوانـي


مليت الكون و أشغلت الجوارح
نظر عيني سماع أذني لساني


عطيتك شيء ما هو عند غيـرك
و لا قصـرت لكنـك أنـانـي


انـا أحبـك و اذا ودك تـأكـد
شف الله كيف بيدينـك هدانـي ؟


غيابك صعب و الأصعب وجـودك
و انا فالحالتين أتعـب و أعانـي


حبيبـي لا تواخذنـي و لكـن
أبيك تحـط نفسـك فـي مكانـي


اذا جيتـك و انـا مشتـاق تقفـي
تجاهلنـي و كنّـك مـا تـرانـي


و اذا صديت عنك و قلـت أبرحـل
وقف قلبك على البـاب و دعانـي


و لو سويت نفسـي مـا اشوفـك
يميل القلـب صوبـك و يحدانـي


أنا يا ابن الحلال أصعـب حكايـه
كتبني الوقت لكن مـا قرانـي


مضى عمـري و تقـدر تعتبرنـي
غريب و في زمن ماهو زماني


زماني راح مع نصفي و نصفي
نسى نفسه مع الوقـت و نسانـي


أسافر حزن و الصحبـه ثلاثـه
أنا و الصبر و سهيل اليماني


و اذا مريـت فـبـلاد الطفـولـه
فتحت الصدر للحـزن و طوانـي


هنا دمعه جرت من عين جاهل
هنا لاقيـت همـي و التقانـي


هنا باعتنـي الديـره و أهلهـا
هنا ضحيت لفـلان و جفانـي


هنا حاولت أصيح و ما سمعني
سوى بعض الشوارع و المبانـي


انا يـا سيـدي دقـه قديمـه
بغيت أخذ من الوقت و خذانـي


على الأنقاض واقـف دون حيلـه
أشوفك وجهتـي بيـن الموانـي


تعاال و طـفّ بيدينـك حنينـي
تملكني و أنا أشعل لك حنانـي


تعال و ضمني يـا تـاج قلبـي
دخيلـك لا تخلينـي عشـانـي


انا شاعـر عيونـك يـا حبيبـي
مع التحريف في بعـض المعانـي


( و ما نيـل المطالـب بالتمنـي
و لكن شوفتـك كـل الأمانـي )


محبة صـادق النيـه قصايـد
و محبة ساقـط النيـه أغانـي


قسـم بالله لـو موتـي بـيـدك
و أموت الفين مره مـا كفانـي


و أذا باقي من الطلقات طلقـه
دخيلك حطهـا بيـن المحانـي

---

]rJi rJ]dJlJi

[صمت& المشاعر]

انـا أحبـك و اذا ودك تـأكـد
شف الله كيف بيدينـك هدانـي ؟

صح لسااانك


تسلم ياللغلا

تحياتي لك

[اصغر بدوي]

صــح بــدنك طال عــمررك

ولا هــنـت يـاشوق البـنت