غير مسجل بعض المزوح اللى تجي وتروح

[الشـ خالد ـاعر]

اللي, الأسود, تجد, بعض, وتروح

اخواني اخواتي ابنائي بناتي جداني جداتي وابواني وامهاتي عيال عيالي وبنات بناتي >> اثار الشيخوخه


انا ودي اكتب لكم موضوع صغير

عن المازح والممزوح عليه

وانا هناء ابى اجيب امثله لذلك اخترت اربع اعضاء واتمنى مايزعلون على

1-المطيري>>>>>>>>حبيب وفي حاله بس احسه اقشر لاعصب الله يفكنا شره
2-ابوعبدالله>>>>>>>حبيب معي مره ولايبي يزعلني ((لايكثر))
3-انا >>>>>>>>>>>>ياشين المصاله
4مافيه احد بس استهبل >>>>>>>>>>انواع الضرب

بسم الله بدات المعركه

((المهم))

لوفتحنا كراسة حياتنا على الصفحه رقم 625 لوجدنا انا البيت بدون حمام ماله سنع يعني اذا احتجت حاجه ولا حاجه لازم تطلع برا البيت تدور لك مزبن

عفوا المقصود صفحة 265 الخاصه بالمزح واشكاله وابعاده (( اقول صار رياضيات ماهوب مزح ))
ومادام انا كبينا العشاء وجبنا صفحة 625 في الموضوع فلازم ندخلها في الموضوع بالطيب بالغصب
ابدخلها ابدخلها >> هها عاد دخلها ولا تقعد تبلشنا

يعني الحياة بدون مزح مثل البيت بدون حمام .>>> قايل لكم مدخلها مدخلها

لكن المشكله ان الناس ما تفرق بين المزح الإيجابي والمزح السلبي

المزح الإيجابي مثل البيت الي فيه عشرة انفار وفيه ثلاث حمامات
والمزح السلبي مثل البيت الي فيه اثنين وحاطين 12 حمام او مثل البيت الي فيه عشرين وحاطين حمام واحد

وعشان ما نشتت افكار الاخوه الزملاء نبي نشرح كل نوع على حده >>> بس بدون حمامات الله يرحم والديك طيب

المزح الايجابي / الذي ينتج عن تقارب اكثر بين المازح والممزوح عليه

طبعا ماصار ايجابي الا انه جاء في الوقت المناسب والمكان المناسب والاسلوب المناسب والشخص المناسب




المزح السلبي / الذي ينتج عنه تباعد اكثر بين الممزوح عليه والمازح واحياننا يصل الدم الى الركب

وينتج عادة بسبب المازح واحياننا بسبب الممزوح عليه

مره يجيك واحد ما في راس امه مزح يذب ذبات زي خشتي واحياننا يصير
الممزوح عليه نفسه خضراء ولايتحمل المزح

ودايم المسئول في وجهة نظري القطوطيه (( ماخوذه من القطواه لانهم مايخذون الشي الا بالهواش ))

هو المازح >> طيب ليش انا احمل المازح كامل المسئوليه للأسباب الآتيه :-

1- المازح هو البادي والافضل دايم انك تمسك الخيط من اوله ( مثال 1)
2- المفروض انه يختار الوقت والمكان المناسب للمزح ومتى يبداء ومتى يوقف ( مثال 2)
3- المفروض انه يختار الشخص المناسب اللي يمزح عليه قبل يبداء المزح ( مثال 3 )
4- المفروض انه اذا قدر الله عليه واخطاء وطاح في واحد بلشه انه يعتذر قبل تتفاقم الامور ( مثال 6 )

مثال 1

اخذ ابوعبدالله ابوجلمبو ولخه في راس المطيري >> ابوعبدالله هو المازح وراس المطيري هو الممزوح عليه
((اقول ما يبي لها مثال هاذي يعني قد شفت راس المطيري يلخ ابو جلمبو ابوعبدالله))>> انواع المصاله

مثال 2


مره من المرات وبينما المطيري يبكي حرقتن على وفاة واحد من الاعضاء غرقا ( عمره 20 سنه وانا اصغر منه بشهرين
وكنت متهم في اغتياله يقولون اني دافه في خزان المسجد ) المهم ماعلينا من سبب موته الحين انا عمري 19 ونص والرجال خلاص مات الله يرحمه >> تراني طلعت عن الموضوع معليش ابرجعكم
كان المطيري يبكي حرقتن على خوينا العضو وابوعبدالله يجي لمه((يعني اليه)) وهي حاط يديه على وجهه ويسحب يدين المطيري ويضحك
وانا اقول انقلع خله يصيح يالمخنز وابوعبدالله مصر يحسبه يستهبل عليه مثل العاده

الوقت غير مناسب / الرجال ميت
المكان غير مناسب / الصاله >> يعني لو ابوعبدالله في المقلط عادي


مثال 3



((هذا ينطبق على انا))
مره مدري وش الي قردني ومزحت مع واحد مزحه ثقيله عاد انا وش حليلي مزحي اذب من بعيد لبعيد
كلمه منا وكلمه من هناك المهم الرجال ابو مزح ثقيل طلع سكين جرح يدي وخمس غرز يالله سكرت
الجرح والى يومكم واثاره في يدي الطاهره >>>>>>>>>>يانصبك ياجونقر

الحين لو ان المقرود الشاعرخالد((انا طبعا )) اختار الشخص المناسب كان ما صار له هل الي صار .

مثال 4

تم حذفه من إدارة المنتدى >> مخالف للإنظمه والقاونين >> يتكلم عن مزح الرجال
مع الحرمه

مثال 5




انا حذفته احتجاجا على حذف المثال رقم 4>>>>>>>>>>>ياشين الملاغه((المصاله))


مثال 6




مره ابوعبدالله وبينما نحن في غابة جنقرلاند ( مدينه ملاهي بجده يزعم انها لهم ) كان فيها عامل باكستاني ((هذا موب احد من الاعضاء )) ما يعرف وش
الفرق بين المزح والجد (( ساقط في الجغرفيا 3 مرات وفي التاريخ اربع ))
المهم جاء ابوعبدالله وقعد يذب عليه ويستخف دمه واثر الرجال شالها في خاطره ويوم جينا نسبح في المسبح (( حق لعبه الماء مدري وش اسمها )) طب الباكستاني معنا وقام يتحرش في ابوعبدالله في المسبح وابوعبدالله يسبه
ومادريت الا وصوت ابوعبدالله ينقطع والتفت يمين شمال الرجال معد له حس واناظر عيون البكوس اثرها
حمراء مثل اللمبه السهاري واغطس في الماء واشوف ابوعبدالله جوه ووجه ازرق وانطلق مثل البرق والخ
الباكستاني((اللى ماهو من الاعضاء)) بوقس يوم طلع ابوعبدالله قبل تطلع روحه بثانيه ونصف بس .
>>>>>>>>>>>وش رايكم فيني صرت انقذ تماسيح

الحين لو ان المقرود ابوعبدالله اعتذر يوم عرف ان الشخص غيرمناسب كان ما صار له هل الي صار>>>صح

طبعا هذى نصايح بالامثله نضربها للاعضاء
عشان يتعضون >>>>>>>>>>ويخافون منى ههههههههههههههههه


ولاحد يقراء الموضوعي ويطنش
وارجع اقول تراه ببلاش موب بدراهم

يعني رد الله لايهينك لاخربها معكم >>>>>>>>>>>>>وش عنده جونقر

تحياتي لكم

---

FyouD fuq hgl.,p hggn j[d ,jv,p

[الزعيم الهلالي]

مشكـــــــــــــــور

[البوادي]

مشكور يا الشاعر مع انة مافهمت شي يعني شنو قصدك بالموضوع

[الشـ خالد ـاعر]

الزعيم

الشكر لله وحده


تحياتي

[الشـ خالد ـاعر]

البوادي


شدعوه مافهمت >>>>>>>>>>>> اتكلم عربي وربي صح


انا اتكلم عن اللقافه وعن المزح


هذى نصيحه بالامثله طرحتها بنوع من الفكاهه يعني الغشمره يعني المزح


اتمنى انك فهمت

[ميـ آهااات ـاسه]

الشاعر خالد

مثلك خابر الاطاله ممكن تكون بصالح الشاعر وممكن تكون ضده

هالمره الا طاله كانت ضدك

لاتقلي وش جاب سيرة الشعر انا اكلمك بلغة الشعراء كونك شاااااعر من شعراء ميااسه

صدقني لو اختصرت وبعدت عن الاطاله في هذا الموضوع كان وصل بصوره افضل

انا مو من المعارضين للاطاله لكني اتكلم عن هذا الموضوع على وجه الخصوووص

تقبل مرور خالد

تحياااااتي

[حمزه22]

السلام عليكم / مشكور يا الشاعر وهذا المثصود منه المزح والف شكر لك




أخوك حمزه 22

[جبر الخواطر (2)]

حلووووووووووووووووووو

المدخل او المقدمه وصدق من قال المعنى في بطن الشاعررر

وترانا نفهم بدوووب امثله ((( يعني وش قالولك حنا لا سمح الله تنك اودرج ))

وهذا مثال على المزح الخفيف الايجابي !!!!!!!!!!!!!!!!

هههههههههههه

مشكووور وبنتظار جديدك

[الشـ خالد ـاعر]

آهااااات مياسه

يمكن اكون زودتها شوي

بس كان الهدق منها الفكاهه لا اكثر


شاكر لك نقدك الهادف


تحياتي

[الشـ خالد ـاعر]

حمزه نورتني

ونورت المنتدى من قبلي

تحياتي