متى البنت تقول يا ليتني ولد ؟!

[جبر الخواطر (2)]

البنت, ولد

واليوم جبت معي موضوع فرفوش


بس ياليت تفهمو شعورنا قبل ما تقرو



بصراحة في موضوع يشغل بال اغلب البنات
والأكيد ان هذا الموضوع نتيجة لأمور كثيرة تواجه المجتمع النسائي .ولو نخصصة نقول المجتمع البناتي
والموضوع يتلخص بعبارة تلقاها مثل التنفيس اللي يلجأ له
(ياليتني ولد)
لما يكون في عزيمة .والكل مستعد وتجهزويطلعون برا وينادون السايقوأخيرا يلقون السايق مو موجود
وبعد جوله على جوالات الاخوان وتسيرة على جوال الابو
ويأس من ظهور السايق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
(ياليتني ولد )



والا بجمعة عائليه .وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت والمنيبولي
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها .بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمل
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
(ياليتني ولد )



وأحيانا تعزم صديقاتها
وتقولهم بكل الفخر
العشا على .لا ومن وين من الريف الايطالي طلبيه عشان خاطر عيونكم
هم ماعندهم سايق
لأن الاب يقول عندكم 5 اخوان
(حنا مانحتاج سايق البيت كله شباب)
وإذا كانوا هالشباب
واحد قافل جواله
والثاني بالبر مايوصله الارسال
والثالث نايم بالملحق ولا في امل يصحى
والرابع بالغرفة .وقافل على نفسه الباب .ويقول لااحد يزعجني
والخامس مع عيال أخواله عندهم دورية


والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش
(ياليتني ولد)



كل شيء يهون بس اللي مايهون ايام العطل
قبل العطلة يمكن بشهر
البنات حول الابو وتسمعه يترجون من قلب<<<<<<<<مساكين يكسرون الخاطر
يبه تكفى الله يسلمك .الله يعافيك .الله يخليك الله لا يحرمنا منك الله الله. الله. الله
نبي نسافر هالسنة

لا وانا ابوكم هالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ عايله بيتكم يبزاكم
وأخوكم متخرج


تدرون
تبون جدة والا الشرقيه .يالله اختاروا . ((( رطوووووووووووووبه))
والا وش رايكم نروح البر نتغداء ((((( شمس عز الظهريه)))))))))
بنفس هالوقت يدخل الاخ سعوود
يبه عن إذنك ترا اليوم رحلتي مع الشباب
بنروح نتمشاء كم يوم ونجي

هاه خواتي ياحلوين تامرون على شيء قبل ماأروح
إيه
سموا
تبادل
ايش
(ياليتنا أولاد)



ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار .اليكر .الاخ الثااني حبيب البيت وبرا البيت

ايي اخوج يقولج قفلي النت
ليش؟
ابي التلفون وثاني مرة لا تشبكين فاهمة !!!!اوكي
وليش ما أشبك
بنت وحق شنو تشبكين .وشنو الفايدة.ماله داعي
!!!!
لاأحد يرفع السماعة اوكي
(ياليتني ولد)



طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست.شرت .انخطبت .تزوجتحملتسافرت
وتلاقي درجة الغلينا عند البنات من هالسواليف توصل 100درجة مئويه
الطلعات برا و مع الصديقاتأغلب العوائل محدودة
والبقيه مابين حريه مطلقةالى منع مطلق .فالبيت هو المنتزه الموجود المشترك
وش في هالمنتزه


مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت

منهي ذي هذي احساس هماك توك شايفتها بالجامعة

قفلي التلفون .ليش؟بس موب الزم كل ذي الهذرة-

من بتكلمين عهد .مو لازم بكرة بتشوفينها بالعزيمة ألحين انتظر تلفون من أختك _

من اللي شاغل التلفون .والله اني قايلته شوفي ان رفعتيه ثاني مرة لا تلومين الا نفسك


************

طيب موب لازم انترنت ولا تلفون لانه امر مفروغ منه .بس أخوي مسموح له .ابوي دايم يقول ان اخوي ولد وعادي لو يشبك النت .

طيب اروح عند التلفزيون لا لا لا
مستحيل التليفزون انقلب الى أداة لترويج المنكر .كله استعرض للبنات وهو خراب لعقولنا يالبنات
أداة استحقر نفسي إذا شفتها .حتى الافلام اللي شفتها معادة بالقناة نفسها 4 مرات
غير البرامج والسخافات و و و و و و و.
وين أجل وين ؟
مافي قدامي غير غرفتي .تدرون وش ابسوي فيها
-
-
-
-
-
-
-
-
-
-
-
-
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد .استوعبتوا السر <<<<<<<<والشباب طايحين قز بالمجمعات

طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
(اففففففففففففففففففففففففففففففففففففففففففففف(يا ليتني ولد

ولا يوم مباااااااااراه وتلقى البيت فاضي كلهم في الملعب
ومشتركين في اي ارتي سبورت ما ادر ليه
واحناا طفشانين
اقوول ياليتني ولد


لو أني ولد .
أول شيءما اخلي شارع من شوارع الرياض ما افحط فيهاا
و ما ارجع ابدا للبيت
اروح أخذ امي واخوتي وامشيهم بشوراع الرياض
ونروح نشرب لنا قهوة من كافيه
ولا نمر على ملك المانجو وناخذلنا كوكتيل
والا نروحمطعم واعشيهم على حسابي
والا أفاجئهم بتذاكر لمكة عشان ناخذ لنا عمرة
واسافر انا والشله للمكان الي ابيه
(او اخدالعيله ونروح لاي مكان مكتوب فيه (للعائلات فقط وادخـــــــــــــــــــــــــــــــــــــــــــله
معقوله هذا اللي الشباب يتذمرون منهاثاري دخوله سهل خخخخخخ





بس تذكرو في الاخير انها قدره ربنا .


نحمده ونشكرها


ودمـــ بود ـتم

---

ljn hgfkj jr,g dh gdjkd ,g] ?!

[ـآحسآس وفآء]

موضوع مهم ومن زمان لازم ينزل في المنتدى صحيح
ياليتني ولد >>> حلوة
يسلموووو جبر الخواطر
يعطيك الف عافية
تحياتي:المــاسة

[النجلاء]

لو أني ولد .
أول شيءما اخلي شارع من شوارع الرياض ما افحط فيهاا
و ما ارجع ابدا للبيت
اروح أخذ امي واخوتي وامشيهم بشوراع الرياض
ونروح نشرب لنا قهوة من كافيه
ولا نمر على ملك المانجو وناخذلنا كوكتيل
والا نروحمطعم واعشيهم على حسابي
والا أفاجئهم بتذاكر لمكة عشان ناخذ لنا عمرة

ايه هين لو انك ولد كان صرتي مثلهم

بعدين واضح لنك مقهوره من قلب

ولا يهمك خيتو العوض بزوج المستقبل انشالله.

[جبر الخواطر (2)]

((((( موضوع مهم ومن زمان لازم ينزل في المنتدى صحيح
ياليتني ولد >>> حلوة
يسلموووو جبر الخواطر
يعطيك الف عافية
تحياتي:المــاسة)))))))))9


الله يسلمك اهـ اهـ ياليتني ولد مشكووره على المرور

والله يوفقك الماسه وتاخذين النتيجه الي تتمنينها

تحياتي

[جبر الخواطر (2)]

النجلا ليش التحطيم خليني
اصيرررررر ولد وتشوفين

اي زوج هذووولي الشباب كلهم واحد

الله يعين مشكوووره على المرور ياحبي

[مدمن مرقوق]

الله يعطيك العافيه خليك بنت احسن لك وياليتني القا وظيفه

[جبر الخواطر (2)]

ههههههههههههههههه

مدمن مرقوق (( نكك اعجووبه))

ان شاء الله تلقاء وظيفه مديرررررررر قل امين

مشكووور اخوي على المرور

[شقاوهـ بهداوهـ]

[align=center]ههههههههههههههههههههههههههههه

لو كنت ولد كان كفخت كل تمساح بالمنتدى << حاقده عليهم

بس تدرين ماعليك أحلى شي اني بنت

يسلموووووووووووو جبوره والله الموضووع حلووووووو[/align]

[جبر الخواطر (2)]

تحيااااتي لك اوعدني

يكفي انك بنت خلاص

لابو التماسيح ههههههههههههههههه

مشكوووووره على المرور

لاعدمناك

[مرجوج مياسه]

جــبر الخواطر(2)
خخخخخخخخخخخخ
تــقهر البنات بكلمة
يـــــــــــــــــــــــــــــــــــــــــــــــــ ــــــــــــــــــــاليتني ولد
خخخخخخخخخخخخخخخخخخخخخخخخخخخخخخخخ
بصراحه من جد الي قلته صحيح