نسيت أقول لك !!

**رعشة غلا** · 05-Jul-2007,08:39 AM

أقول, نسخة

السـلام عليكـم

.،،. نسيت اقول لك .،،.

لا تلاعب عزتي لعبة مذله
و انسحب منها قبل لا تبتديها

نفسي اللي شفت فيها الطيب (كله)
ما ابيك تشوف (بعض) الشر فيها

اعقل و خل الدلع و اللعب خله
لا تضحي بعشرتي دامك تبيها

الدلع لا زاد عن حده أمله
و عشرة ٍ فيها ملل ما اشتريها

و انت خابر قلبي يوم يفش غله
به شرور ٍ مالك الا تتقيها

الشياطين الحمر في الراس شله
وامهم قد رضّعتني من ثديها !

خل عفريت الغضب نايم محله
لا تصحيه و دروبه لا تجيها

و خل مسباح الرضا حاسب تفله
و طيبتي حاسب تفقّدها وعيها

لا تطالبني بعذر من دون زله
و تستغل اني عيونك مهتويها

قلبي لو يغضب تراه يعاف ظله
و حتى نبضاته ترى ما يشتهيها !

ان بغيت الحب هاك الحب كله
المشاعر ملكك و تامر عليها

و ان بغيت تذلني دربك تدله
ما ابي اقتل عيون ٍ مت فيها !

،،

رعشـة غـلا

ksdj Hr,g g; !!

**ترووك** · 05-Jul-2007,08:48 AM

ان بغيت الحب هاك الحب كله
المشاعر ملكك وتامر عليها

الله الله ابداع وصح لسانك

**تاج الرجال** · 05-Jul-2007,09:37 AM

ابدعت وكفـيت وفـيت

صح درك وصحت اناملك

اخوك

تاج الرجال ،،،

**:: شُـوـقِ اَلْـ عِ يـُوـنْ ::** · 05-Jul-2007,03:00 PM

ان بغيت الحب هاك الحب كله
المشاعر ملكك و تامر عليها
الله الله
و ان بغيت تذلني دربك تدله
ما ابي اقتل عيون ٍ مت فيها
الله الله
لله درك قصيده روووووعه

صح لسانك .اخوي

ننتظر جديدك الاروع

**فؤاد بن بطاح** · 06-Jul-2007,10:52 AM

تسلم اخوي على القصيده لكن عندي ملاحظتين بسيطتين
الشياطين الحمر في الراس شله
وامهم قد رضّعتني من ثديها !

حبيت اقول ان الشياطين الحمر هم لقب للنادي الانجليزي مانشتسر يونايتد

ان بغيت الحب هاك الحب كله
المشاعر ملكك و تامر عليها

هل ترى ان بامكانك ان تعطي الحب كله !! لانه لا مقيــاس للحب وكما يقول الشاعر

ليه لما اشوف في السماء نجوم كثير منها باغير

يمكن عشان قد السماء وقد النجوم بحبك

فشبه الشاعر مقدار حبه لمحبوبه بمقدار النجوم ومساحه السماء في الفضاء

لانها لا تحصى ولا تعد .
فكيف تقول انت اخي الكريم انك اعطيت الحب كله !!!

وكنظره عامه شعر جيد منك ووبانتظار الجديد

اجمل تحيه

**اميرالظلام** · 08-Jul-2007,10:29 AM

صح لساتك
الله يعطيك الف عافيه

**امونه قمر** · 08-Jul-2007,04:18 PM

ان بغيت الحب هاك الحب كله
المشاعر ملكك و تامر عليها

و ان بغيت تذلني دربك تدله
ما ابي اقتل عيون ٍ مت فيها !

صح لسانك اخوووي . ابدااااااااااااع

الله يعطيك العافيه جد روووعه الكلمات