اشتقت لك

[هزني رحيله]

اشتقت

كان ياما كان والقلب العليل اللي بصدري
لالمح زولك خفق خفقه عن الباقي غريبه

تنتشي عيني فرح بك وانت عن حال ماتدري
حتى انا مدري ولكن اشعر لطلتك هيبه

وتتعلق بك عيوني لين اشوف الزول يسري
واتبعك في ناظري واقول ياربي تجيبه

فزتي لك طيش مدري حب مدري حس فطري
الوكادانك نهبت القلب من صدري نهيبه

يعني وش اكثر من اني لالمحتك فز عمري
وصار يوم اللي اشوفك عيد عندي واحتفي به

يوم اشوفك احفظ التاريخ ميلادي وهجري
وارسم لعين المحبه قلب به سهم يصيبه

واتهجى ا ح ب ك واغنيها بشعري
واكتبك بين القوافي واتسمى لك حبيبه

من كثر ما اسعى لوصلك اذكر انه كان نذري
لو يجي والله لاجي له لين اصير اقرب قريبه

ومن عقب ذاك التمني عاضني ربي بصبري
وجيت تشكي لي جروح الود والشوق ولهيبه

نذري اوفيته وفي قلبك علا شاني وقدري
نلت وصلك ياحبيبي طيب ولا با الغصيبه

ما امدني اشربك واروي ضمى روحي وعمري
ما دريت الا انت مقفي تلعن الحب وتعيبه

كيف يقوى قلبك القاسي على صدي وهجري
وانت تدري في ليالي عمري بدونك كئيبه

من بعد عينك ترا صار البكا لا ليلي يغري
والليالي ترتدي ثوب الالم وتشق جيبه

كل دمعه تنحدر تكتب على الخدين بدري
ايه بدري لاتروح القلب دونك ويش ابي به

با اسالك وشلون تسفه قلب وانت فيه تجري
وانت تدري من بعادك دقته صارت صعيبه

ان تماديت بجفاك بتنقل عظامي لقبري
صدتك عني تبرهن لي على ان اللحظ خيبه

اسالك بالله ان صدقت او كذبت عذري
لاتزيد الهم في قلب به الجروح عطيبه

اه لو تدري وش اللي دايم بالبال يطري
لاطرالي قلبك وحب تذكرته بطيبه

يختنق دمعي بعيني وقلبي اللي وسط صدري
يرتجي وصلك وصارت دقته دقه غريبه






اهداااااااااااء N خااااااااااااص

---

hajrj g;

[انوار المدينة]

كلمـــــــــــــــات غي غاية الرقه والعذوبه تترجم عنفوان الأحاسيس

صح لســــــــــــــــــــــــــانك وسلمت يمناك لا عدمناك

تقبلي مروري
اختك
انوار المدينة

[هزني رحيله]

اسعدني مرورك

[ـآحسآس وفآء]

يسلمو جذآبة

نقل رائع

تقبلي مروري

[m.r]

اختي جذابه بس كذابه مشكوره على هذه المشاركه الرائعه

[ميـ ،،،ـعاد]

جميل والله يا رب تمتعينا دائما
تقبلي مروري
ومشكوره يا اختي