قصة للمتهاونون في الصلاة.يقشعر لها البدن ,,,واقعية‏

**D.O.D.I** · 01-Apr-2008,03:19 AM

لها, البدو, الصلاةيقشعر, قصة

السلام عليكم ورحمة الله وبركاته

> هذي القصة قراتها في احدى المنتديات واحببت انقلها لاحبتي في الله لما فيه من العبر
> اتمنى ان تنال على اعجابكم ولاتنسوني من الدعاء
> > > دارت أحداث هذه القصة في عطلة الحج قبل سنتين في منطقة الشعيبة وهي منطقةساحلية برية على شواطيء البحر الأحمر تقع جنوب جده عن طريق الليث ,, وتعتبرمنطقة تخييم ( طلعات) للشباب والعوائل في إجازة الشتاءالمهم كنا 5 من الشباب وصلنا الصباح ونصبنا خيمتنا على شاطيء البحر وكالعادة ذبحنا الذبيحةوووووالخ .
> > انا بصراحة وأعوذ بالله كنت الوحيد بينهم ما أصلي نهائياً يعني وقتها كان عمري 21 ولا أركعها مع أن أبوي إمام مسجد وكنت اطيعه في كل شيء يقوله ويأمر به إلا الصلاةوفي حياتي ما سمعته يدعي علي ماكان يقول غير الله يهديكويصلحك بس
> كان يقومني للصلاة اروح آخذ فرة بالسيارة وأرجع بعد مايخلصون الصلاةلانه هو أول واحد يدخل المسجد وآخر واحد يطلع منه
> وعلشان كذا ماراح يفقدني يعني كنت عاصي لدرجة مو طبيعية ,,,
> المهم بعد ماتغدينا جهزوا الشباب عدتهم يبون ينزلون البحر يروحون رحلة غوص وطبعاً كان لازم واحد يجلس في الخيمةجلست أنا لاني مو قد كذا في الغوص جلست لوحدي في الخيمة وكان جنبنا شباب أذن واحد منهم وطلعت انا بره الخيمةشفتهم يتجهزون للصلاة قلت تجنباً للإحراج خلني أنزل البحرآخذ لي شوط سباحة ,,,
> المهم لبست ونزلت للبحرمشيت مشيت الين جيت في منطقة حلوة للسباحة مو عميقة مرة ولا بعيدةسبحت وسبحت وسبحت ومنطقة الشعيبةمعروفه بالأجراف تعرفون الأجراف أكيد ,,
> المهم تعبت شوي وقلت خلني منسدح علىظهري وأهمل جسمي على أساس أريح شوي وأرجع سويت الحركة وجلست أطفو شوي وووفجأةحسيت ان واحد سحبني لتحت ونزلت تحت المويةحاولت اوقف على أرض البحر وأدف نفسي فوق على بالي ان المسافة مترين تقريباًأتاريني وأنا أسبح بعدت ونزلت في جرف وأنا ما ادري وطبيت في منطقة عمقها خمسة أمتار تقريباً حاولت اطلع وحاولت حاولت مااقدرت حسيت كأن فيه شخص فوقي وماسكني مع راسي ويدفني لتحت أحاول بكل الطرق الليت علمتها في النادي ماقدرت أطلعكنت في حاله ياشباب لا أحسد عليهاكنت متلخبط واخبص في الموية حسيت أني ولا شي ,
> حسيت وقتها أني أضعف من الذبابمن منكم في يوم حس انه عاجز عن نفسه ؟بدأ النفس يضيع النفس مني بديت أحس بالدم يحتقن في راسي بالعربي بدات أحس بالمووووووت ,,, !!!!
> بديت أتذكر أبوي وأمي وأخواني وأقاربي وأصحابي وعيال الحارة والعامل في البقالةوكللللللللل شخص مر علي بحياتي تذكرت كل شي سويته وكلها في ثواني معدودة ,,,> وبعدها تذكرت نفسي ,,, !!!
> بديت أسأل نفسي : صليت ؟ لا , صمت ؟ لا , حجيت ؟ لا , تصدقت ؟ لا لا لا لالا لا لاأنت في طريقك لربك خلاص مفارق دنياك مفارق لأصحابك كيف تبي تقابل ربك؟وفجأة سمعت صوت أبوي وهو يناديني باسمي ويقول قوم صليتكرر الصوت بأذنيثلاث مرات وبعدها سمعت صوته وهو يأذن حسيت انه قريب وبيجي يطلعني صرت أنادي عليه وأصيح باسمه والموية تدخل في فمي أصيح وأصيح ما من مجيب .
> حسيت بملوحةالموية في أعماق جسمي وبدأ النفس يتقطع ,,,
> أيقنت بالهلاك ,, حاولت أنطق بالشهادة نطقت أشهـ أشهـ
> ولا أقدر أكملها كأن فيه يد قابضة على حلقي تمنعني من نطقها حسيت إن روحي خلاص بتطلع ,,,
> وتوقفت عن الحركة ,,
> وهذاآخر شي كنت أذكره ,,
> صحيت في الخيمة وكان عندي عسكري من خفر السواحل والشباب اللي جنبنا ,,,
> أول ما صحيت قالي العسكري حمد الله على السلامة ومشي سألت اللي عندي قلت منهو ذا ومتى جاء وكيف قالوا ما ندري جانا فجأه وطلعك وزي ما تشوف مشي فجأه !!!!
> سألتهم قلت شفتوني وأنا في الموية ؟ قالوا مع إننا كنا على الشاطي لاكن قسم بالله ما شفناك مادرينا عنك إلا يوم جاء العسكري وطلعك من البحر ,,
> مع العلم ان مركز خفر السواحل يبعد عن خيمتنا تقريباً حوالي 20 كيلو متر طريق بري يعني يبيله ثلث ساعة تقريباً عشان يوصل لنا إذا جاه بلاغ !!
> وحادثة الغرق صارت في دقائق معدودةواللي جمبنا وهم أقرب ناس مني وقتها يحلفون إنهم ماشافوني كيف شافني العسكري وجاني ؟وربي اللي خلقني ليومكم ذا ما أعرف كيف وصللي !!
> ودق جوالي مسكته إلا هو أبوي بدت الأمور تتلخبط عندي بدأ التشويش قبل شوي سمعت صوته والحين يتصل رديت عليه كيفك وش أخبارك سألني انت بخير وكررها كذا مرةطبعاً ما أبي أعلمه عشان ما يقلق سايست الأمور وقفلت
> قفلت من عنده وقمت صليت ركعتين في حياتي ما صليت مثلهاركعتين جلست أصليهم في نص ساعةركعتين صليتها من قلب صادق وبكيت فيهم إلين امبح صوتي في نفس اليوم يوم رجعوا الشباب قلتلهم أنا ماشي ورجعت البيت أول ما رجعت كان أبوي موجودأول ما فتحت الباب إلا وهو في وجهي قال تعال أبيك جيت معاه قال أمنتك بالله وش صار معاك اليوم العصر تفاجأت واندهشت وتبلعمت ما قدرت اتكلم
> حسيت كأن عنده خبر !!
> كرر السؤال مرتين
> المهم حكيت له بالتفصيل لما
> قالي والله اني سامعك تناديني وأنا ساجد في السجود الثاني في آخر ركعةوكأنك في
> مصيبة ما بعدها مصيبةانت تناديني بصياح وأحس قلبي يبي يتقطع وأنااسمع صوتك وما دريت عن نفسي وإلا وأنا ادعيلك بأعلى صوتي والناس تسمع ,,
> وفجأه حسيت كأن واحد كب علي مويه باااااااااااردة ,,,
> طلعت من المسجد بعدالصلاة واتصلت عليك على طول والحمد لله رديت علي وحسيت إني ارتحت أكثر,,,
> لاكنياولدي الصلاة انت مفرط فيها وعلى بالك الدنيا بتدوم لك
> ماتدري أن ربك> يقدر يقلب حالك في ثواني
> وهذا شي بسيط من اللي يقدر ربك يسويه فيك ,,,
> لاكن ربي كاتب لك عمر جديد .
> عرفت ان اللي انقذني من الموقف كان برحمة الله أول شيء ومن ثم دعوة أبوي لي,,
> وهذه لمسة بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه يصبح أضعف مخلوق أمام بطش الله وجبروته عز وجل
> ومن يومها ما غابت عن بالي الصلاة ولله الحمدويا شباب عليكم بطاعة الخالق وطاعة الوالدين صدقوني من بر والديه ما راح يخيب أبداً ,,
> برهم أساس سعادتك في الدنيا وتوفيقك وحمايتك من الشرور بعد طاعة الله عز وجل.

منقوووول

تحياتي ,,, ^_^

rwm ggljih,k,k td hgwghm>drauv gih hgf]k <<<,hrudm‏