المواجيب وتعاليم السلوم

[البنت التي كويس]

السموم

تقدم الدنـيـــــــــــــا لنا درس جديد بكل يوم



والناس تسلم من غثا الدنيا بحفظ دروسها





وعلى حسب حفظ المواجيب وتعاليم السلوم

نعرف مقاســـــات البشر بالمرجله ونقوسها





صيت الرجــــال الوافيه بأفعالها ولاّ الرخوم

ينبيك عنها قل نفعتهــــــــا وشين نفـــوسها





تطرد ورا الدنيا وتكشخ بالمواتر والهدوم

مثل الحريم أغلب دراهمها على ملبوسها





والإمعة والشايب الكذاب وضعيف العزوم

ناس مع العالم بلا هيبه تدربي روسها





والبخل خلانه بهايم لاتسام ولاتسوم

لا شفتها ترفع يدك حمد وشكر وتبوسها





على الصحن هم أول الجلاس وآخر من يقوم

يعيّفك حلو الأكل والشرب طول جلوسها





ماهيب للازم سند ولاذخر عند اللزوم

تموت ما سرك مهايطها وكثر فلوسها





وسوالف الخبلان رفعة ضغط وصداع وهموم

فلاوة تخطف علوم العرب وتحوسها





واجب عليك إليا حكت عن جملة حكاها تشوم

الهند ما يرأس حكومتها سوى هندوسها





وربع المصالح والمجامل خوة ماهيب دوم

أقولها والتجربة قطع وريدي موسها





وقت الرخا مثل الصقور اللي على المرقب تحوم

في يذري ساقك الرمضا وحر شموسها





واليا احتمت صكات بقعا وامست علومك علوم

اتلوي خششها وتجحد خوتك وتدوسها





من عقب ماانت الطيب وقدرك معزز ومحشوم

تصير أردى ما خلق ربي ودم ضروسها





ابعد عن الاشكال ذي بعد الثرى عن النجوم

وش حاجتك في قرب رديان العرب ونجوسها





ماهوب عيب ليا عزموك تقول يالربع معزوم

العيب لا رحت لعزايمها وجيت عروسها





وخلك فطين تعلمك دنياك درس بكل يوم

والرجل يسلم من غثا الدنيا بحفظ دروسها




من روائع سعد علوش

---

hgl,h[df ,juhgdl hgsg,l

[شاطئ الأحلام]

الله يعطيكٍ العافيه

واشكرك علي ذوقكـ العذب

حبي وتقديري

[رحــــــــــال]

صح الله لسانك ياسعد

ويعطيك العافيه يابنوته

لكن موضوع القصيده المفروض انه مايكون من اهتماماتك

ولاتفهمين كلامي غلط لانه(للرجال فقط)

[البنت التي كويس]

شاطئ الأحلام . الف شكر ع المرور
رحـــــــــــــالصحيح الكلام للرجال بس مو غلط اني انقل الكلام العذب وهذا مما راق لي
اسعدني تواجدك وأنار صفحتي مرورك كون بخير

[أوهــــــامَ]

كــلِمــات رائـــعه بروعة حضورك " اختى الغاليه "

ولاهنت عالقصيد الراقي ,,والذوق الرفيع

الله يسلم اناملك على ماخطت لنا من أبــداع

لاعدمنا تواجدك ,, بأنتظار جديدك العـــذب بكل شوق


تقبل مروري مع تحياتي

أختك

[البنت التي كويس]

جروحه فديت مرورك
العذب أختي