كآن قلبي لك مدينه ولاحظ إني قلت كان

[العنود العنزي]

ولاحظ, كأن, كان

كآن قلبي لك مدينه ولاحظ إني قلت كان

--------------------------------------------------------------------------------





ما تغيَّر شي لكن صار فاضي هالمكـان
يعني إنتَ شفت قلبي طحت مِنْ عيني وعينـه

كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ؟

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه

( عزِّتـي ) ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه

الفشل كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم يملـي سنينـه

جاي تسأل عن مكانك !! هو بقى فيني مكان
الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه


منقوله

---

;Nk rgfd g; l]dki ,ghp/ Ykd rgj ;hk

[ذيب الشمال]

السلام عليكم ورحمة الله وبركاته
يعطيك الف عافيه وصح لسااانك ويسلم راسك لاهنتي, لكن عندي سؤال وجاوبيني بامانه القصيده هذي لك ولا منقوله؟
ويالبت تقبلين ردي المتواضع:-
يالعنود هاك ردي حشمه وتقدير وعــز شــان
ياللي في بحور الحب ضاعت عينـــك بعــينه

قريت ظاهرك وخليتي الخافـــي عندي يبــان
الله يعـــين اللـــي بـالـعشــق زايـد حــنينــه

الحب ذبح طويلين الشــوارب ذربين الايــمـان
رجال(ن) قلوبهم قاسيه روحه في راحة يدينه

وعذب ملوك الهــــوى وصابهـــم منـــه جنـان
الله على اللي ينكر حب(ن) تربي وربى قرينه

لي بـالهــــوى قلـــبن صويــبن مــن زمـــــاان
تـســــع سنين وحــالــــي مــنهــا غبيـــنـــه

انتي العنود وخلي كلامي كمــا حلــق بالاذان
لعنبو احبيب وحب وقلـب(ن) ضاعــت سنينـه

[شتآت}~]

صح الله لسان شاعرها

وتسلم يمينك أختي العنود


ألف ألف شكر لك على نقلها

لا خلا والله ولا عدم


لاهنتي يالغلااااااا

[أمير الشعراء]

العنود اختيار مميز لقصيدتك ولعدمناك يالغاليه

وفيه مكان مخصص للقصايد المنقوله

ودمتي بود

[ضي الأمل]

يسلم المنقول وراعيته

[هدااوي]

[زخة مطر]

[العنود العنزي]

مشكورين علي مروكم

الرائع الله يعطيكم العااافيه