ما فيه غيرك لاتضايقت جيته .!!

**زخة مطر** · 04-Jan-2009,08:52 PM

يحبه, غيرك, فيه

لاتلومني لاجيت كلي من اقصاي
.ما فيه غيرك لاتضايقت جيته

جيتك ولاغيرك ذكرته بمسراي
جيتك وكل انسان غيرك نسيته

جيتك وانا مانيب أنا تايه الراي
جيتك وانا مدري وش اللي بغيته

جيتك وقلبي دقته تسبق خطاي
جيتك اقول مفارقك ماقويته

ان مر يومٍ بالعمر منت وياي
اشتاق لك شوق المسافر لبيته

مثل الهوا تحتاجه الناس والماي
يحتاج لك قلبٍ هواك وهويته

انت الوحيداللي يرد بسمة اشفاي
وانت الوحيداللي بروحي فديته

دامك معي ماقصرت يوم دنياي
دامي خذيتك وش بقا ماخذيته

وان كان تنشدني بعد ليه انا جاي
.ابشر بردٍ يقنعك لاقريته

جيت اعترف بالفرق يا اخر مناي
بينك وبين اللي عشانك جفيته

اني ليامن جيتلك ( همك رضاي )
.واني ليامن جيت له ( مالقيته )

لاتلومني لاجيت كلي من اقصاي
.مافيه غيرك لاتضايقت جيته

الشاعر :
ثامرشبيب الدقباسي

lh tdi ydv; ghjqhdrj [dji >!!

**أوهــــــامَ** · 06-Jan-2009,12:10 AM

صح لسانك . ولسان شاعرها

أبيات في قمه الروعه ؛؛

سلمت أناملك على أختيارك الرائع ؛؛

دمتي بخير ؛؛

أأعذب التحايا ؛؛؛

**دكتور عسول** · 06-Jan-2009,12:00 PM

يعطيك الف عافيه

تقبلي مروري
تحيتي

***الدرهـ المصونــــه*** · 06-Jan-2009,01:12 PM

مشكوووره أبيات باحساس مرهف

دمتي أخيه

**زخة مطر** · 11-Jan-2009,02:14 PM

**ذيب الشمال** · 14-Jan-2009,04:48 PM

أنا اشهد ,,,

لاتلومني لاجيت كلي من اقصاي
.مافيه غيرك لاتضايقت جيته

صح لسان شاعرها وصح ذوقك واختيارك لاهنتي يالغاليه

ننتظر منك عذب القصيد.

اخوك /ذيب الشمال