من هو فارس احلامك ومن هي ملكة حياتك ؟

**ذيب الشمال** · 30-Sep-2009,05:12 AM

احلامك, فارس, ومن, ؟؟؟

السلام عليكم ورحمة الله وبركاته ,,,,,

كيفكم صبيان وصبايا صراحه انا احب المواضيع الاجتماعيه والشعر وياليت كلامي يكون فيه فايده للجميع

انا شد انتباهي لموضوع كنت اتناقش فيه مع احد الاخوات بالشات وقلت ابي اكتب عنه لتعم الفايده على الجميع ,

هذي الاخت بنت متعوده على النعمه ولله الحمد قالت لي انا تقدم لي ولد عمتي ورفظته قلت ليش؟
قالت راتبه مو زين قلت كم يعني قالت 4 الاف ريال .
قلت هو رجل يخاف الله فيك وسمعته زينه ولا هو راعي خرابيط قالت مدري بس اهم شي عندي راتبه 4 الاف يالله تغطي فواتير جوالي !!!!

تقول ابي واحد عنده فلوس قلت طيب بنظرك تتزوجين واحد عمره اربعين وراتبه 20 الف ؟
قالت لا مو لهدرجه

بس انا شبيهة نانسي لازم يكون في مقابل وهالمقابل طبعا بتفكيرها الفلوس والراتب الزين,

قلت لا تشبهين حالك في هالاشكال قالت هذي مخققه السعوديين قلت صحيح لكن ما توصل انواحد يرظى تكون زوجته وام عياله وبعدين ارفعي حالك عنها انتي ارفع من هييك

المهم انا شدني نقاشي معها اني اعرف بالتصويت رايكم يالبنات والشباب في ما قرأتو,,
وابي اعرف صحيح الفلوس هي اهم شي بالعريس ؟ حتى لو كان مايتعاشر وشراني واخلاقه وصخه ؟

وانتم يالشباب وش مواصفات الزوجه اللي تبون بغض النظر عن الجمال ؟ يعني لو قالت لك وحده من الفنانات اللي معجبتك مثلا حنان ترك جتك وقالت ابي اتزوجك توافق انها تكون زوجه لك وام عيالك ؟

بصراحه انا وجهة نظري انو الشاب هو اللي متورط بالاخير وظائف مافي واذا حصل وظيفه راتبها يالله يكفيه والبنات يبون واحد يصرف عليهم ويعيشهم احسن عيشه طيب المسكين هذا ماعنده لا واسطه ولا راتب زين وش يسوي يجلس طول عمره عزوبي ؟

مع انوا هالحال مو لواحد ولا اثنين لاغلب الشباب وثاني شي الزوجه او هالبنت اللي تبي تتزوج تبي تنتظر طول عمرها لما تعنس وهي تستنى واحد راتبه 10 الاف واكثر ؟

وبالنهايه ارزاق وكل شي قسمه ونصيب

ياليت تشاركوني موضوعي وبجديه بما اننا اخوه واخوات تهمنا المصلحه العامه

ومشكورين واعذروني على القصور

محبكم / ذيب الشمآآآل

lk i, thvs hpghl; ,lk id lg;m pdhj; ?

**هدااوي** · 30-Sep-2009,06:12 AM

أخي أعجبتني طريقة طرحك للموضوع
بارك الله فيك
ويسعدني أن أكون أول من يطرح رأيه هنا

من وجهة نظري أن الرجل باخلاقه ودينه
وقوة شخصيته
أما المال فلا يهمني اذا كان غني أم لا

شكرا (لك الود والورد)

**ذيب الشمال** · 17-Oct-2009,05:42 AM

هلا اختي هداوي الله حيها ,,
نورتي يالغاليه الله يعطيك اللي بالك ويسعدك يارب

وياليت اخوان وخواتي نشوف رايهم بالموضوع

**طيـ الأمل ـــف** · 18-Oct-2009,12:20 AM

مرحبا أخوي ذيب الشمال
موضوع قيَم جزاك الله خير

أنا عن نفسي أهم شي أن يكون ملتزم وذو أخلاق عاليه ومحترم , والمال لايهم مقابل كل هذا فالجمال والمال كلها زااائل اما الدين والأخلاق باااقيه فهي ألأهم

دمتم في حفظ الله القدير