رمح الســـــــــــــهر

**المشعل** · 12-Feb-2010,06:07 PM

رمي

السلام عليكم ورحمة الله وبركاته

ياعاتق الهتّان لافاض دفّاق
وياوجه غيمه لا اشتعل خدّها بروق

لو كان في وجه الهوى ذرّة اخلاق
مامتّ بيدينه من الشوق مخنوق

وياغنج دلعونه على جوبي عراق
وياصبح ورده لاحت بـ عنق غرنوق

لو ما اتوق لـ قلبك الحين واشتاق
.من عاد له في ذمّتك بس بـ اتوق

فتحت قلبي بس من شان لا ضاق
قلبك يفل القلب معلوق معلوق

وفهقت موقي لك على شرف الاحداق
.وكل ما غفى موقي الاقيه مفهوق

وشلعت صدري لين ما اتناثر اوراق
.وصاح بـ خفوقي عرق ياصاحبي فُوق

بلاش بـ حضور الغلا نطري فراق
خلنا نسولف بس عن لهفة الشوق

ولاّ الجروح اكثار لو شفت الاعماق
ياما اورقت فيني عناقيد وعذوق

وياما خنقني الجرح في حلق الاشواق
.بس الجروح تهون لـ عيونك الروق

شفني على رمح السهر جيتك اعناق
جيتك بـ كفي دم واقدامي عروق

عطشان وصلك لكن شلون بـ ارتاق
لاصار وصلك عوق ومفارقك عوق

ماني بـ احبك لكن ورب الاشراق
.يا أني بدونك كن ماني بـ مخلوق

فـ ان كنت ولهان لعيوني ومشتاق
انا وربي ما ذبحني سوى الشوق

vlp hgsJJJJJJJJJJJJJiv

**شتآت}~** · 13-Feb-2010,01:50 AM

في قمة الروعة

صح الله لسانك واعتلى شانك

تسلم يمناك لا عدمناك

المشعل

قواك الله أخوي

ألف ألف ألف شكر لك

الله يعطيك الصحة والعافية

ماقصرت يالذيب

بإنتظار جديدك القادم بكل اشتياق

تقديري وفائق ودي واحترامي لشخصك الكريم

**المشعل** · 13-Feb-2010,01:06 PM

[blink]وليد
اشكرك على ها المرور الرائع
والاطراء الرائع وبشر بالي تبي خيوه[/blink]

**أوهــــــامَ** · 13-Feb-2010,02:57 PM

أبيات فى قمه الروعهًَ
يعطيك الف عافيه
تحياتيًَ

الموضوع: رمح الســـــــــــــهر

....السلام عليكم ورحمة الله وبركاته .... ياعاتق الهتّان لافاض دفّاق ............وياوجه غيمه لا اشتعل خدّها بروق لو كان في وجه الهوى ذرّة اخلاق ..............مامتّ بيدينه من

LinkBack

أدوات الموضوع

المفضلات