آخرالعنقودالى أين!؟ارجو مساعدتك يادكتورنا العزيز

[بذكر ربي أطمئن]

بسم الله الرحمن الرحيم

دكتور وليد لاحظت على أخوي الصغير وهو(بالصف الخامس)من اكثر من ثلاث شهور يقوم من نومه نصف الليل ويترك غرفته ويكمل نومه في غرفتي انا واختي واحيانا أرجعه لغرفته ،بس يقوم ثاني ويجينارغم وجود اخوي الثاني معه بنفس الغرفه وهو بآخر سنه في الثانوي .
ولما أسأله كل مره له عذرمره يقول غرفتكم بارده،ومره يقول احلام تخوفه وانه يخاف النوم لوحده،واحيانا يعصب مني ويتهرب ،حسيته مايقول الصدق رغم اني اسأله بطريقه غير مباشرهدكتور انا اخشى تسيطر عليه مخاوف معينه و تكبرمعاه،
وللعلم يادكتور هو مايبين لنا خوفه في الغالب من اي شي ولايشتكي الا نادر،حتى لما يصير له شي في المدرسه مايحب يقول،
صفاته:
حساس وعنده عصبيه زايده وعنيد جدا لدرجه (نعم ولا )يفهمها بالمقلوب،شقي وحركته كثيره ، ذكي ومتفوق دراسيا مع انه مايحب المدرسه،
معاملة أهلي له جيده،بس احيانا يعصبون عليه ويضربونه من شقاوته وعناده الشديدالضرب الغير مبرح
/
دكتورماسبب استيقاظه وهل هو خوف؟
وثانيا:هل تنصح بتسجيله بنادي رياضي لتعليم السباحه أو فنون الكاراتيه يفرغ فيها طاقته الحركيه الكبيره؟
لأنه حاليا بتحفيظ قرآن ويروح غصب وبدون نفس بس عشان الوالد وعشان الفلوس اللي يعطيه
وهل يادكتور معاهد تعليم اللغه الانجليزيه مفيده لمثله لأني ألاحظه يستوعبها بسرعه ويتقن قرائتها تقريبا.؟
دكتور الله يسعدك ابغا منك نصائح تساعدني أجعل منه طفل بصفات الرجوله الرائعه اللي تجعله ناجح مستقبلا لايحمل معه اي آثار لقسوة معامله او خوف يهدد حياته فيما بعد؟
وجزاك ربي ألف خير د/وليد

---

Novhgukr,]hgn Hdk!?hv[, lshu]j; dh];j,vkh hgu.d.

[طيـ الأمل ـــف]

الله يهديه ويخليه لكم
اعتذر على دخولي عرض بالموضوع بس عندي مشاركه انا استفدت منها لذلك انا ابنقلها لك عزيزتي .
أولا الأطفال اذا كانوا كثيرين الحركه تجدهم اشقياء في الغالب لفرط الخركه والطاقه لديهم وبذلك يغضب الأهل منهم وتجدهم يستخدمون اخر الأساليب في التأديب وأقساها على الطفل وهو الضرب مما يجعل الطفل لا يبوح بما لديه ويكتم مخاوفه خشية العواقب ومهما تعرض له فهو يفضل الكتمان على ان لايبوح لوادليه وخاصة ان كان غير متعود على الفضفضه والمصارحه دائما مع الوالدين فأنتي عليك ان تنزلي لمستواه وتلاعبيه حتى يشعر بالأمان معك واذا ناقشيتيه وسالتيه بلطف بغير الصيغه التي سألتيه بها سابقا حتما سيجيبك بكل ثقه خاصة وان سؤالك لا يوحي بأنك ستعاقبينه بل كأنك صديقه تقولين انا فعلت وفعلت ثم تسألينه هل فعلت انت ايضا كذا مثلي ؟ سيقول لك الصراحه اذا صارحتيه
وفعلا الأنديه اذا شارك بها الطفل تساعده كثييرا على تفريغ الطاقه لديه والمرح
والله يحفظكم ويهدي شباب المسلمين لما يحب ويرضى

[بذكر ربي أطمئن]

الله يسعد قلبك حبيبتي طيف ويزيدني شرف مرورك
كلامك رائع وجميل وهذا اللي أطبقه،وانا اسعى الآن ايضا لتغيير بعض أفكار اهلي القديمه بالتربيه
عشان حبيبي فهد اللي هو آخر العنقود واللي اتمنى اشوف فيه اللي ماشفته بباقي اخواني ،مع العلم انهم ناجحين مهنيا واجتماعيا الحمدلله
بس اتمنى الأفضل،
والشي الثاني والأهم انا ماابغاه يمر باللي انا مريت فيه ابداااااا من اساليب تربيه خاطئه من المدرسه ومن اهلي وتحديدا الوالده الله يخليها،
ادري من حرصهم ربي يحفظهمبس مادروا انها أثرت فيني لما كبرت،وحتى ذكائي وتفوقي الدراسي ماساعدني احقق طموحي الآن
والحمدلله على كل حال

ولهذا السبب أردت الاستزاده من علم الدكتور وخبراته الزاخره بالتجارب مع كثير من الأطفال

بحفظ ربي ياغاليه

[د. وليد الزهراني]

حياك الله اختي الكريمة بذكر ربي اطمئن ويارب يسعدك ويوفقك يارب .
اختي الكريمة من الممكن ان تصرف اخوك يرجع إلى أسباب خوف داخلي نتيجة احلام مزعجة لإن كثيري الحركة مثل أخيك يوجد فيهم الإحلام المزعجة والكوابيس وعدم الإرتياح في النوم وهو لما يجي ينام عندك يشعر باللإمان والطمأنينة والراحة النفسية وهذه من الممكن لإنه يشعر باحتوتائك له وقربك منه وهنا ممكن نستغل هذا الجانب في تقوية شخصيته وتطوير ذاه وزرع الثقة في نفسه وفهم شخصيته وهنا بحاجة إلى دعم نفسي كبير منكم كعائلة والبعد عن الإساليب التربوية الخاطئة كالضرب والتوبيخ الشديد ولازم تعرفي ان فرط الحركة تجعله يتصرف سلويكات كثير خاطئه وهنا هو محتاج إلى تفريغها ومثل ماقلتي ممكن يدخل كارتيه ويفرغ هذه الطاقة او السباحة فهي تساعد كثير على تفريغ الطاقة السلبية وكذلك بحاجة إلى احتواء منكم جميع في البيت محتاج للحب والعاطفة ودعم الثقة بنفسه من خلالهما ويحتاج إلى الدعم الإجتماعي المتكرر والثناء عليه بشكل دايم مثل انت رجال وانت كبير وانت قوي عشان تدعم نفسيته ويحس بقوته وحاولي تقربي منه وتحاوري معاه بهدوء وقدمي له المعززات بشكل دايم على كل سلوك حسن يقوم فيه واحرميه من كل سلوك سئ يعمله بدون ضرب او توبيخ شديد وحاولي تسمعي له بشكل دايم وخليه يفضفض ويقول الي في خاطره ففي هذا تفريغ نفسي كبير عن المكبوت الي بداخله واسئليه عن احلامه واعرفي في ماذا يحلم بالضبط لإن الإحلام تعبير عن مايضايقه ومن الممكن تصحيح مايخفيه عن ذلك .
الله يعطيك العافية اختي الكريمة .