~[ قيادة المرأة للسيارة (( قــصــيــدة )) .. ]~

يمكن تسـوق الحرمـه السيـاره

وتقنص على الفكسـار والنيسانـي ..

وتزاحم اهل القنـص والصقـاره

ولا عاد نلقـى عقبهـا ضبانـي! ..

لاصار ماله غيـرةٍ فـي عـاره

وتهاون المسلـم مـع النصرانـي ..

ولاصار مثل اللي يحمل اسفـاره

الـلـي ذكــره الله فالقـرانـي ..

لاتقرب الحرمـه حـدود الطـاره

تكفـون ياربعـي ويـا حبـانـي ..

خطرٍ على الشارع تطيح اشجـاره

وخطرٍ على اللوحـات والعمدانـي ..

ولاصحصح الرجال طـق زراره

ودوّر على اللـي لونهـا رمانـي ..

ثم يبطي الماخـوذ فـي مشـواره

ولا ياخذ الحرمـه ولا الورعانـي ..

ولاشافت الشرطي وضاقت (ساره)

واليا اشتكت لـه شغـل الونانـي ..

يسـري عليـه الليـل فالنظـاره

تلاقـط عيونـه ورى القضبانـي ..

قولو لابـن زلفـه يعـن مهـاره

ويحسن نبـاه ويلعـن الشيطانـي ..

وقولو لبن زلفـه يعيـد انظـاره

مالـه ومـال سواقـة النسوانـي ..

وقولو لبـن زلفـه يحـط اوزاره

ان كان يبغـى جنـة الرحمانـي ..

وقولو لبن زلفـه يشيـل اعـذاره

متوهـمٍ بـاعـذاره وغلطـانـي ..

يحـدد الاعمـار لاجـل اقـراره

وبعدين ياخـذ لـه مسـارٍ ثانـي ..

الذل فـالٍ لـه وفـال انصـاره

والـذل قالـوا ديـدن العلمـانـي ..

ننشد عن الفتوى شيـوخ الحـاره

ولاننشد الفتـوى مـن الكورانـي ..


وسلاااااااااااامتكم .. قصيدة للشاعر (( محمد زيد العتيبي ))

تحياتي للجميع



اخوكم/الـــــــــــــــــــــــــــــــوووووافي

الــــــــــــــــــــــــــــــــــــــوافي

دعني اصفق لك بحراره واصف جمال منظومتك في كلمات بسيطه سطرتها على عجل

لعلي قد اجاري جمال حروفك المبهره...

سلمت وسلم قلمك الراقي...