قصيدة شمــــــعـــة الغـــيـــدي

بسم الله الرحمن الرحيم
ناظر بعيني وحط ايدك على ايدي
خل الخجل من عيونك يطوي شراعه
ناظر بعيني وكمل فرحتي وعيدي
وداو الجروح اللي من الشوق ملتاعه
شوفك يبدد هموم القلب ياسيدي
ويفرح بك الخاطر الملهوف لو ساعه
وسيرة طموحي تجدد معك تجديدي
يابهجة الكون في دنياي وشعاعه
يامحلا طلتك ياشمعة الغيدي
صبح تبخر على الدنيا بمـــطلاعــه
وياما حلا الليل وان جابك بتمهيدي
ليل السعد ليل يضمك على ذراعه
آمر تدلل مادامك صرت في حيدي
آمر ترى الروح بين ايديك منصاعه
ابيك ياعمري وفرحة مواعيدي
ابيك جنبي ونفسي فيك طماعه
وعطني عــــهــــد حبك وربي لك شهيدي
لاعطيك مني الوفاء والسمع والطاعه



تقبلوا تحياتي

عـــــز الـــخـــوي