الموضوع: رولات موالح 2013

شي ولا أسهل منه ولا أسرع وممكن تسوين منه كمية ويتفرزن
خبز مفرود نفكة من النص يعني نفك الطبقتين عن بعض
ندهنه بـ بطاطس مسلوق مهروس مع الملح والفلفل وملعقتين جبن كاسات
" يعني يابنات مخلوط الجبن مع البطاطس والملح والفلفل "
بعدين نحط فوقة حشوة دجاج مسوينها زي مانحب بالخضار أو بدون
بالصويا أو بأي شكل تحبون ترشونها على البطاطس
وتضغطون شوي ع أساس تمسك بالبطاطس
وبعدين نبدأ نلف الخبز على شكل إسطواني " رول "
نحطها بقصدير ونقفله تمام من الأطراف ونحطها بالفريزر تتجمد



بعد كيذا لك خيارين يا أما تتركينها زي ماهي ومتى ما بغيتيها تقطعينها حلقات
وتغمسينها بالبيض والقسماط
أو بنفس اليوم تسوينها وبعد ما تبرد بالفريزر تقطعينها حلقات وتغمسينها وترجعين تفرزنينها
وبرمضان تطلعينها وتقلينها مباشرة



بعد ما قطعناها

قليتها وقدمتها " بنات ممكن تقدمونها مع اي صوص تحبون
لذيذة جداً برضو

رول الجبن والبصل

المقادير
كوب وربع مويه دافية
ملعقة صغيرة سكر
ملعقتين ونص خميرة
ملعقتين كبار زيت زيتون بكر
ملعقتين صغار ملح .
٣ أكواب و ربع طحين أبيض
نص كوب سميد << جداً يفرق بالعجينة بنات

الطريقة
تذوبون الخميرة بالماء لحد ما تشوفون رغوة الخميرة
تحطونها بالعجانة وتبدون تسونها زي أي عجينة عادي
وراح تكون قاسية شوي بالبداية بعدين تحسين ان وعادي
ولانت وإندمجت تمام

تدهنينها بشوية زيت زيتون وتخمرينها
بعد ما تتخمر تشكلينها زي ما تحبين


هالحشوة جميلة جداً يابنات اللي يذوقها يحس بنكهة دجاج وهو أبداً مو فيه
الحشوة عبارة عن جبن كيري وبصل نشوح البصل على النار لحد ما يذبل شوي
بعدين نزيد عليه الكيري ونحاول نحركه شوي وبعدها نقفل النار عنه لأنو بيذوب
ويتداخل بالبصل وبتكون كيذا حشوتنا جاهزة << أنا بالعادة ازيدها شوية ملح

طريقتها

نفرد العجينة ونقصها على شكل مربع ونفرد عليها الحشوة ونلفها رول "إسطواني "
وندهن وجهها بخلطة البيض والحليب أنا سويت منها 3 وحدة سويتها سادة
ووحدة رشيتها سمسم ووحدة رشيتها حبة سودا




نتركها تبرد دقايق بعد الفرن تتماسك الجبنة شوي وبعدها نقطعها ونقدمها

---

v,ghj l,hgp 2013