~[ يا هوى بالي حلفنا ما نخون ................ المحبـــــه ما تُباع وتشترى ]~

ليش تجرح يا زمن قلب(ن) حنون=ليـش تجرحنـي وجرحـك مـا بـرى
ليش تجرحني على خظر الطعـون=قـد جرالـي مـنـك والله مــا جــرى
يـــا زمـانــي لا تـغـيـر بـالـلـحـون=صاحبـك فـي هجرتـه بـاع وشـرى
ان كتـب لـه قـاف قامـو يسمـعـون=وان قرى ما واحد(ن) غيره قـرى
يا وجـودي يـا الغـزال اللـي تمـون=والله اني فيك صـرت اسمـع وارى
كـل مـا لديـت لــي ســود العـيـون=يـا هـوى بالـي طرالـي مـا طــرى
ان بغيت ارتاح في صدرك سكون=وان شكيت الوقت في رمشك ذرى
يـا عسـى يسقـيـك بــراق الـمـزون=المـزون اللـي رعدهـا فــي كــرى
يـا هـوى بـالـي حلفـنـا مــا نـخـون=المـحـبـه مــــا تــبــاع وتـشـتــرى
لك ثلاث سنيـن واخلفـت الضنـون=لـك ثـلاث سنيـن والـحـال انـبـرى
اتـذكــر وقـفـتـك بـيــن الـغـصـون=يوم مال العـود والغصـن اخظـرى
يـوم كنـت ويـوم كـنـا وش يـكـون=مـا حـد(ن) غيـر الولـي عنـا درى
ان بغيت تعـود تسكـن وسـط نـون=شجرة(ن) وغصونها تحت الثـرى
وان بغيـت تـروح وتـهـز المـتـون=قلـت ودعنـاك يـا نـجـم(ن) ســرى

][®][^][®][ اخوي صالح الازوري][®][^][®][

	ليش تجرحني على خظر الطعـون قـد جرالـي مـنـك والله مــا جــرى صح لسانك وسلمت يداك على هل نقلة والقصيدة الرائعة كل فترة تطل علينا بمشاركة جميلة تتوشح العذوبة والجمال دمت لمياسة ولمن تحب وننتظر جديدك تقبل تحياتي