~[ اعضاء مياسه في رحله الى >>> باريس !!! ]~

السالفه ومافيها قررنا انا ومهستر وإبراهيم وهمس الجروح نقضي لنا شهر في باريس
المهم كلمنا سكادا علشان الحجوزات و اسمعتنا داعسه وداجه وسوت لنا سالفه وش معنى هم يسافرون وحنا لا ليش يعني حنا مالنا رب حرام عليكم <<< لززقه هالبنت هههههههههه

المهم قال سكادا خلاص خلاص ول ول الله يصجتس صجيتينا , خلاص ياعيال علشاني اخذوهن معكم يستانسن, بصراحه انا شخصيا ماكان عندي مشكله أنا وإبراهيم وهمس الجروح , مهستر مطنش ويقول في حاله يروحن ما يروحن مالي شغل بس ترى مااعرفهن اول ما تنزل الطياره, مهستر خايف من الفضايح هههههههههههههههه

داعسه وداجه ماكذبت خبر حطت رجلها لمساعدتها الثانيه المرجوجه وعلمتها المهم ماطول عليكم السالفه سكادا كلمني والشباب يسمعون قال اسمع بس ماتعلم ابن امه, احجز للبنات على مطار عرعر وخل الموضوع بينا, لانه الميزانيه مااتتحمل بنات بالرحله خاصة ان البنات يبون اسواق ومااسواق مشكله والله بيخللصون فلوسنا بالاسواق هههههههههه
<<< ياويل سكادا من البنات هههههههههههههه

المهم قابلت البنات بعدها بيوم تقريبا , فرحانات ومتشققات من الفرحه , المهم حزنت عليهن وكسرن خاطري قلت ياولد كمل الفلوس وخللنا نوديهن باريس اكسب فيهن اجر اخاف انزلهن بعرعر ويصير فيهن شي عاد هن غاليات من نهاوش بالمنتدى اذا فقدناهن ههههههههه

استعدينا للرحله كنا يالشباب :-
الــوافــي ( هذا انا ماعرفتوني ) ، تركي الرياض(مهستر) ، إبراهيم ، همس الجروح

السحليات :

داعسه وداجه - المرجوجه - نجوده الدلوووعه - بدر البدور - إبتسامه الجرح

سوينا الحجوزات وكل شي, المشكله الصور اللي طلبتها جابنها بالنقابات, قلت والله اني مالوم مهستر. ماطول عليكم السالفه, جابن صور زينه لانهن بالنقابات والا الزين الحمدلله والشكر.ههههههههههه
رحنا لمطار الملك خالد, المهم دخلنا المطار جتني إبتسامه الجرح قالت بالله وين السوق بشتري ابي اغراض للسفر
عاد انا ابي ارفع ضغط مهستر اللي اصلا هو مرتفع من البنات, قلت روحي اسالي مهستر تراه يعرف كلش, المهم راحت لمهستر تبي تميلح يعني الاخت رايحه لفرنسا (مرسي) مهستر وين السوق الحره, مهستر يلتفت يمين ويسار خايف احد سمعها,قال قسمآ بالله اذا سمعتس تففتحين فمك لقص لسانك

المهم جتني تسحب قالت اوريك ليش تكذب علي, وانا والشباب ميتين ضحك المهم نادو على الرحله وصعدنا الطياره, المهم الاخوات, سنترن درجه اولى, وهن اصلا سياحي ويخب عليهن بعد,اخذنا مقاعدنا,وجلسنا درجه اولى طبعا,مادرينا الى الهوشه نجود الدلوعه وبدر البدور يتهاوشن على الدريشه,طبعا حنا سوينا انفسنا مانعرفهم,شوي الا وحقين المقاعد الي البنات قاعدات عليهن جايين, كلمو المضيف,جا وطلب البوردنق باس,قامن طلعن التذكره والبوردنق قالن هذي والا هذي

المهم شافها لقاهن سياحي,قال لو سمحتو تفضلوا معي,قالت بدر البدور,وين والله حنا جينا قبل ومن سبق لبق, نادى على كبير المضيفين و جا علمه بالسالفه,قال انتم رايحين وين ,قالن باريس,قال والله معليش الي هنا بينزلون مطار رفحا,وترى رفحا زينه وبرادها زين,المهم تطامرن وتقامزن لدرجه السياحيه,المشكله حنا قاعدين قدام, وعارفات انا رايحين سوا بس من سمعن طاري رفحا الظاهر انشل التفكيرعندهن ,مااطول عليكم السالفه,شوي الا المرجوجه جايه تسال مرسلتها داعسه وداجه ناكل من اكلهم عادي ما فيه خنزير,الطياره سعوديه وطالعه من الرياض الحمدلله والشكر.<<< اقولكم فضايح هههههههه

المهم, وصلنا مطار باريس نزلنا,واستاجرنا بيجو طبعا البنات جايبات معهن عزبه كاشتين حنا الظاهر.اول ماشافت المرجوجه الكبري قالت وقف وقف شكله زين ونظيف, المهم وقفنا ونزلنا, قالو الشباب نخليهم هنا,ونروح ونجيهم بعد شوي,طبعا انقزن كلهن وين تروحون وتخلونا هنا,لازم واحد يقعد عندنا طبعا اخونا همس الجروح حبيب شغلنا له خالد عبدالرحمن في مسجل البيجو,واخذنا تكسي, والله يالطلبات حقت داعسه وداجه ,كله اوكي الا حاجه الاخت تبي نعناع المدينه في باريس المهم اخذنا فندق ورجعنا للكبري, وتغدينا,قلنا يالله مشينا, قالت إبتسامه الجرح وين للديره, يعني باريس بالنسبه لها ديره, ماعلينا سفطنا البيجو عند الفندق ونزلنا , نجوده الله يهديها تشيل مجلة اهلا وسهلا يعنني مثقفه المهم تعشينا في مطعم وكان جنبنا لبنانيات من ضمنهم نانسي عجرم ,قعدن يسولفن مع البنات,قالت نانسي احنا عنا فنانات كتيير حلوين غيري, باسكال, نوال, اليين وغيرون كتيير, بس حراام مافيه ولا فنانه سعوديه, الا وتقمز إبتسامه الجرح ,انتي الظاهر ماسمعتي بعتاب احسن فنانه في العالم سمعها مهستر, الضغط 1000 قال يالله مشينا تاخرنا. ههههههههههههه

اليوم الثاني رحنا وتمشينا المهم الا وهذا برنامج يصور, سوى لقا مع البنات عن انطباعاتهم عن باريس ومن هالكلام,المهم سال داعسه وداجه , قالت والله الله يعز الحكومه كل شي ميسر ياربي لك الحمد الله يعزهم ولا يعز عليهم عدو, <<< تول دعاوي عجيز البنت ذي
سال نجوده وهي تحاول تطلع مجلة اهلا وسهلا بنت مثقفه, قالت والله ماشالله انا ودي ان حقين الاتصالات يجون هنا ويشوفون الشغل السنع, برج جوال واحد مكفي الديره كلها(ايفل) مهوب هناك حتى السطوح ما سلمت,

جا عاد دور بدر البدور , قالت والله على كثر مارحت للأ سواق ماشفت زي اسواقهم, حتى اسواق منفوحه ماتاكل عيش معهم
ههههههههههههههههههههههههههه <<< ماسمعها مهستر والا صارت علوووم هههههههههه

إبتسامة الجرح كانت زعلانه تقول ليش ماعندهم محلات ابو عشره ههههههههههه

المرجوجه خافت تقول اخاف اهلي يشوفون البرنامج ويذبحوني

<<< الاخت رايحه بدون موافقة اهلها ههههههههههههههههه

البرنامج مباشر وشافه سكادا, شوي والتليفون يدق ويطلع سكادا , زعلان مررررره انا قايل عرعر يروحون مو لباريس المهم احاول اهديه الا المرجوجه صجتني تقول يحليله عطنيه ابي اسلم عليه قلت يابنت الحلال انثبري لو تدرين وش يبي ماقلتي ابي اسلم عليه هههههههههههههههههه

شوي الا إبراهيم جاي ميت من الضحك هاه وشفيك قال مافيني شي المهم اصرييت الا يعلمني وانا اشوف إبتسامه الجرح تآشرله لالالا, وش توقعون صارت إبسامه الجرح وداعسه وداجه , يقزقزن في الشرطيه يحسبونها رجال لا وإبتسامه الجرح تقول هذولي العسكر مهوب عندنا هههههههههه

رحت واخذتهن بايديهن قلت فضحتنا اول مره تشوفون بنت عسكريه ههههههههه

رجعنا الفندق قعد مهستر يهاوشني يقول انت خربت علينا طلعتنا لو ذولي مو بمعنا كان رحنا اماكن حلووه <<< الولد ناوي له نيه ههههههههههه

قلت خلاص يالله بكره رجعنا جاء الصبح وقلت للبنات يالله مشينا قعدوا يبكون الرجوجه تهاوش وتقول لاااااااا عاد انا خفت منهم خاصة المرجوجه <<< حقت مشاكل البنت ههههههههه بس مسكهم مهستر بالعصا وسكتهم

وووصلنا بحمد لله ومرينا الشرقيه ونززلنا داعسه وداجه والمرجوجه وحركنا ونزلنا مطار الرياض وحجزنا في النقل الجماعي لإبتسامه الجرح على جده

بعدها قررنا مايروحن معنا ابد ههههههههههههههههه


توته توته وأنتهت الحتوته

انت صاج ؟؟؟؟؟؟؟؟؟؟؟!!!!!!!!!!!

لحظه انتوا شلون طلعتوا من المطار ,,,اخبركم يالسعودين ,,,,ما يخلونكم؟؟؟؟

و الله السالفه جـــــــــــــــد و لا استعباط ....

اشك انك تستعبط من قلب........

.............مشكوووووووووور على المـــــــوضــــــــــــوع................