الوداع

من أختياري

الوداع

قبل أسافر جيت أسلم عليك
جيت أبي عمري اللي من يديني غدى

ضاعت أجمل سنيني من عمايل يديك
أكذب أن قلت راحت لاجل عينك فدى

فرصة العمر قالوا لاغدت ماتجيك
جتني أكثر فرص عمري وضاعت سدى

جرب الخوف مره حس به يعتليك
وارفع الصوت ماتسمع لصوتك صــدى

تدري اللي ذبحني قولتك ما أبيك
ما بقالي لثاري لو بغيته مدى

ما هقيت المشاعر كلها ترتجيك
قل لها بالمفارق منهو اللي بدى

هاك دمعة عيون ( ن) باكيه تشتكيك
هاك ريح ضمير ( ن ) ما استراح وهدى

ما تناظر عيوني زول هذي وذيك
ما يهز المسامع اسم ريم وهدى

قلت ما عادلي رغبة وشوفات فيك
قلت يانفس طيبي يفرحون العدى

قلت عايف ونفسي بألخفا تشتهيك
عزة النفس تدري طيب ما ردى

خل عينك تهل دموعها وش عليك
أنت خدك ورود ودمع عينك ندى

أن شاء الله تحوز رضاكم يالغالين والله لا يفرقن