~[ الــــــــــصــــــــدمـــه ]~

يا صدمتي في اقرب احبابي ... ويا خيبة ظنوني ................. يا ضيق صدري لا ذكرت اني عليهم ما كذبت

يا طعنة خلتني انسى من سبايبها طعوني ..........................يا جرح ماله طب حتى لو اقول اني استطبت

البارحه والله يكون بعون خفاقي وعوني ..........................احاول اهرب من عمايلهم ولكن ما هربت

ما كنت احس اني انا ... انا ؟ وهذا الكون كوني ............. امر في حالة ضياع وضيق وغيبوبه وكبت

احباب ؟؟ اي احباب ذول اللي على موتي خذوني ............الظاهر اني شبت يا عالم وانا ما بعد شبت

سالت نفسي هم يبوني صدق ؟؟؟ ولا ما يبوني .............. اجبت نفسي وليتني على سؤالي ما اجبت

اللي لهم مده وهم في داخلي ..... واستغفلوني ............... ياما استغلوا طيبتي معهم وكل اللي وهبت

وهبتهم قلبي وشعري وكلما حولي ودوني ..................تعبت معهم بس ما كني رغم هذا تعبت

شعرت فعلا بالعذاب وحرقة الدمع بعيوني ..................قربتهم مني وانا اللي كنت احسبني قربت

عشانهم قررت ابيع اللي من العالم شروني ................ عشانهم بطلت لعب وليتني واللله لعبت

ما دامهم ما قدروا صدقي ومعهم جرجروني .............لو ادري اخرها كذا في ذمتي كان انسحبت

احبابهم واجد ولا ادري ليه فيهم علقوني ................... مع ان عمري ما جبرت انسان فيني ولا غصبت

يا قوها صدمه وانا لون الغدر ما هو بلوني ..............واللله ما انلام لو بعد الذي سووه غبت

ما كنت ناقص صدمه اخرى في حياتي واصدموني ............ مصدوم خلقه لين مات الحب فيني وانعطبت

الحين مدري كيف اعاملهم وهم ما قدروني .............. ما استوعبوا للي كتبت من القصيد وما كتبت

اللله يجازيهم على استنزاف عافطتي وفنوني ............ ما كنت حاسبهم يبيعون الغلا يومي حسبت

اثر الغلط مني لاني كنت معطيهم جنوني .................. لكني اعلنها صريحه تبت واللله ثـــم تبت

ما عاد لي رغبة اجدد في علاقتهم طعوني ...............خسرت في هذا الطريق اضعاف ضعف اللي كسبت

احسن لي ابعد واشتري نفسي ولا خيبة ظنوني ................ ان طبت من جرحي والا جعلني ما يوم طبت



وسلامتكم

الله الله عجز القلم بتعبير على هذه الكلمات الجميله

ولااملك سوى الاعجاب ببوحك وفكرك
وبقلم يتباها بين اناملك

اكتست حروفك روعه وكلماتك زهت جمال العبرة

لكلماتك صدى وبعد مدى
وفكر ثري..

تقديري واعجابي بك يا اخ مهند لا تحرمنا من جديدك

ودمتى سالماً.....


اختك البرنسيسه .....