~[ رقمها ]~

عائله محافظه جدا كان عندهم ولد واحد وكان الوالد يحاول المستحيل علشان يخليه ونعم الرجال, لكن الولد رابع شله خايسه وصار خايس شراتهم وفي يوم من الايام سار الولد مع ربع للسوق وشاف الولد بنيه عيبته فسار ورقمها
البنت عصبت يعني هي متحشمه وماشيه بطريجها وايي السيخق ويرقمها؟؟؟؟؟؟؟ بدال ما تصارخ وتفضحه جدام الله وخلقه قالت(عندي طريقه احسن)

البنيه تشتغل في الاتصالات, وشو سوت هالبنيه قامت شافت الارقام وشافت صاحب الرقم
فلان ولد فلان ولد الفلاني
اسمه بالكامل رفعت الفاتوره عليه والخبل تم يدفع وهو ما يعرف شو السالفه
مب بس جيه اخذت اسم الوالد بالكامل واخذت رقم تلفون بيتهم ورمست الاب وقالت: انت ولد فلان؟
قال: هيه منو انتي؟
قالت: انا ضحيه من ضحايا ولدك, قص علي واخذ اغلى شي عندي انا الحين وين اسير وين اولي؟ مب حرام اللي سواه حقي؟
الوالد مسكين صدق الرمسه, وتم ينازع الولد: انت مب متربي صايع ضايع برع البيت ولا تراويني رقعة ويهك
الولد حاول يفهم شو السالفه لكن الوالد ما طاع يقوله (اونك ما تعرف؟ تجتل الجتيل وتمشي بجنازته؟),وبعدين قال كلمه وحده: سير عدل غلطتك وتعال البيت

الولد: شو غلطه وشو خرابيط؟؟؟؟؟؟؟؟؟

مر يومين وصادف الولد كان موجود في البيت لكن الوالد مب موجود اتصلت البنيه ورد عليها الولد ففكرت البنيه انها ترمس الاب فقالت: اهلي بيجتولني بسبة ولدك........حسبي الله ونعم الوكيل (صج جذابه)
فعرف الولد ان هالبنيه اللي قلبت راس ابوه فقال لها: يا بنتي تعالي مكان الفلاني وبكلمج بس ما اروم اكلمج في التلفون
البنيه في بداية الامر رفضت لكن بطريقه معينه اقنعها الولد(الاب المزيف) وفي وقت والمكان المحدد شاف الولد البنيه ومسكها وقال لها: انتي الحين سويتي مشكله بيني وبين ابوي, وهالمشكله عوده عنوبوه انا شو سويت لج علشان تسووين هالاشياء كلها؟؟؟؟؟ (الاخ مرقم وناسي)
النبيه ردت ودموووووع التامسيح( لانك رقمتني جدام السوق بالرغم اني كنت محشمه وماشي بطريجي علشان جيه بغيتك ادبك)
الريال استحى شويه وما رد
المهم في النهاية عرف الوالد مقلب البنيه وما عصب بالعكس قال (اجديتي فيه) والريال خطب البنيه وعاشوا حياتهم سعيده ...

والله لو أنا بمحله ما أتزوجها ؟؟؟؟؟؟؟؟؟؟؟؟؟؟؟؟

ههههههههههههههههههههه
هههههههههههههههههههههههههههه

صدق انه ادبته

هههههههههههههه
ههههههههههههههههههه

اتزوجها ليش لا
تدرين ليش لانها اصرت تأخذ حقها بيدها ومابغلت اهلها لو مبلغتهم كان قالوا شي وعدا بخير وثاني مرره من هالامور يعني
بس البنت ذكيه وهو يستاهل اكثر بس ربك وفقهم وتزوجوا يمكن على يدها الهدياه له
والله يهدي من يشاء

مشكووووووووووووووره سراب على القصه
تحياتي لكي
اخووووووك/عــــز الـــخـــوي