--------------------------------------------------------------------------------

السلام عليكم ورحمة الله وبركاته




كيف الحال أخواني من اعضاء ومشرفين ومدراء منتديات ميـــاسة

اسمحولي يالأعضاء الأعزاء أتكلم شوي ((باللهجه العاميه))




والله العظيم أني ماأدري من وين أبدا أقسم بالله



بس أبدخل بالموضوع على طول ====>أيه هذا اللي نبي أخلص خخخخ



الفنان المشهور بين الشباب في مدينة الرياض خاصه وفي باقي المدن عامه ( أبـو فــيــصـل ^كسرات^ ) والذي نزل له 11 شريط أغاني حتى الأن

ونزل قبل الأخير شريط مزيف (على قولته في أخر شريط له)

وأنا أريد أن أدقق على شريطه الذي يقول( شريط مزيف )



ياخوان والله العظيم من العجب الذي سمعته في الشريط والذي وجدته مع أحد أخوياي.


يعني تخيلوا واحد داشر ويدعوا الناس للتفحيط والهجوله وهذا من مدحها في الشريط

حيث مفهوم كلامه أن الذي يفحط(( وكل الشبيبه تصفق له ))) رجال ومحترف أول

أنا مستغرب من واحد يدعوا الناس للهلاك .



&&&&&&

والله العظيم ياشبااااب أني أكتب هذا الموضوع وكل العبرات يسكبها قلبي على إخوياي اللي ماتوا بسبب هذه الأغاني( كسرات أبوفيصل )

&&&&&&



تخيل نفسك أنت لك 5 زملاء في المدرسه وتقدر تقول 5 أخوياء ماتوا بشهر واحد فقط وبأوقات بعد مختلفه وش يكون شعورك........ ؟

وتجد سبب وفاتهم الحوادث (( التفحيط )) ..........


والله العظيم ياأعضاء منتداي الغالي (--------) أني ماأكذب عليكم يالغالين بشيء في القصه التاليه ..



وهو في السنه الأخيره قبل تخرجي من الثانويه كانت أحسن أحسن لحظات عشتها بحياتي مع أخوياي وزملائي من ناحية كل شيء ( الكورنيش - المخيمات - التطعيس - السباحه وكل شيئ )

وبعد ماتخرجنا كان كل واحد مشغول (( بأختبار القدرات والتقديم على الوظايف أو الجامعات))

المهم بعدها بشهر رحت لديرتي (معروف من الأقامه) وأطلع بعدها بشهر ثاني لنيوزيلاند المهم بعدها بأسبوعين دق علي خويي قال: مشاري قلت أيه اخبارك يالقطوع وينك وشلـو..........قال: مشاري والله مدري منين أبدا بس حبيت أقولك ترا فلان الفلان قلب وتوفى قبل أمس الفجر ومعه فلان وفلان =====> كلهم والله معي بنفس الصف ومن أعز أخوياي

يعني وشتبوني أسوي بكيت وأسبوع وأنا بنيوزيلاند تايه أنا ندمان بس لا حول ولاقوة إلا بالله



المهم بعدها بأسبوع واحد أو أقل دق علي خويي الثاني وبعد السوالف معه 20 دقيقه قال لي : مشاري أبقولك خبر صراحه محزن بس لا تزعل مني لازم أقول لك عشان ماتزعل قلت طيب وشفيك : قال تذكر حمدان اللي كان معنا بالصف راعي .... قلت ايه وشلون ماأعرفه اللي مره سرقت منه شريط كسرات أبوفيصل وشفيه عاد أخلص وش السالفه قال ترا أمس على طريق الكويت كان يفحط وأنقلب على سرعته. أنا صارت نبضات قلبي تخفق ببطء. قال: وماااااات ...

والله ياشباب أني أحسبه يمزح لين دقيت عليه ولقيت جواله مقفل دريت أنه توفى الله يرحمه


وبعد أسبوعين أخرين او أقل

جتني رساله من خويي ثاني ويقول فيها بالضبط

: السلام عليكم كيف الحال مشاري ..الخ وترا حبيت أبشرك ترى خالد (أعز أخوياي) طلع كامري أمس من الوكاله دق عليه وبارك له .......الخ
وتعرف بندر وطلال الـ.... ترا قبل يومين سوو حادث بالخفجي على هايلكس بندر وتوفى بندر وطلال بالعنايه المركزه( الأنعاش )

/
/
/

أخوياي اللي فوق ماتوا بسبب التفحيط وكانوا يسمعون أغاني (أبو فيصل) الله لا يعطيه عافيه على أغانيه اللي قتلت نصف شباب السعوديه

يعني نصيحه مني بأنه لا أحد يستمع لأغاني ابوفيصل أو بالأحرى لا أحد يفعل ما يسمع وإلا فأن مصيره مصير الشباب الذين ذكرتهم في الموضوع ( أخوياي )

وخاصةْ التفحيط فأنه هلاك × هلاك × هلاك = نار جهنم



والذي جاء في القرآن بمفهوم الأيه ولا تلقوا بأيديكم إلى التهلكه أو ماشابه لأني والله مني حافظ الأيه زين.




أدري أني طولت عليكم بالموضوع بس حبيت أقول



( وذكر فـأن الذكرى تنفع المؤمنين )



وأما بسبب تجادل بعض الأعضاء عن اغاني أبوفيصل فأنا أقول لكم أسمعوا هذه الأغنيه وأحكموا بأنفسكم

يا جماعه والله العظيم ترى السالفه هذي حقيقيه

والله انك صادق كل اغانيه عن التفحيط
والشباب زي المجانين هو يتكلم وهم يطبقون




والله يهدي الجميع ان شاء الله
ومشكووووووووووور اخوي على هذا الموضوع الجميل

اذا ابو فيصل وهو المتكلم مجنووووووووون

فانتم المستمعون الشباب عاقلووووووووون

<<====على بالــها فيلسوفـــه

خخخخخخخخخخخخخخخخخخخخخخخخخخخخخخخ


الله يعينك يامشاري ويصبرك

حال شباب هالايام وربي مايسر بس ايش نسوووي

وتسلم اخوي على هالطرح
اللي اتمنى يكون له الفائده لشباب المنتدى

ودمت بود

الله يعينك اخوى ويصبرك

فعلا ابو فيصل فنان كسرات على قولتهم وانا صراحه من الذين يسمعون كسرات لكن مو مثل هذي

كش الشبيبه تصفق له وعن تفحيط و((هجوله)) لا بالعكس انا ما احب الشي ذا ولا اواطنه بعيشه الله

والله يهديه انشاء الله

ومشكور اخو على الموضوع

يعطيك الف الف مليون عافية اخوي على ها الموضوع الطيب وجزاك الله الف خير
واحب اضيف على موضوعك
ان الاشرطة هاذي تستهدف صغار السن
وللا سف لعدم وجود الرقابة من اهاليهم
يمشون نحو الهاوية
يالله حسن الخاتمة
تقبل مروري اخوي وننتظر جديدك
أخوك:
السـ حاكم ــلطــاان
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مشكوور اخوي ع المرور

مشكور اخوي ورحم الله اصدقاءك وغفر لهم واسكنهم فسيح جناته


اذا ابو فيصل يدعو للتفحيط فباقي الأغاني تدعو {للزنا }والعياذ بالله

الله يهدي جميع مستمعي الأغاني

واقول لهم ان البعد عن الغناء ليس بنهايه العالم فوالله الذي لااله الاهو كلنا نحب ونطرب وتستهوينا الأغاني ولكن من اجل رضاء الله تعالى علينا فاننا نجاهد النفس لعدم سماعها وخير معين لنا هو كتاب الله الكريم .

ونرجو من الله الثبات وان يهدي الجميع

اقبل تحياتي

مرحبا

اخوي والله ابو فيصل ماضرب حد على يده وقال له هجول ولا اذبح نفسك بو فيصل قصده مفخره بنفسه لانه

اشتهر بهذا المجال ليه شانين حمله ع الرجال والله اللي يبي الصلاه ماراح تفوته اللي يبي الجنه يسعالها

يوم راح يموت احد يوم القيامه ماراح يتحاسب بوفيصل ليه هو قال للشباب روحو فحطو وهجولو واذبحو انفسكم

ابو فيصل ف غنية الهجوله 1 قال عن اللي يموتو بسبب الهجوله دليل يالخوي انه مايحرض بس هذا اسلوب الكسرات

يعني بس اسلوب حماسي

ان شاء الله اخوي ماتزعل وربي يرحم اموات المسلمين

((خاصتأأ شبابنا ما يكونو مراهقين ويا يلعبو فالشوارع ويضيعو انفسهم تراهم محاسبين عن كل شي))

...عشقت الهجوله من غير ضحيا...عشقتها فن مرسوم ع المرايا