~[ ارجووووووووووا المساعده ]~

06-Jan-2006, 07:42 PM

السلام عليكم .................
اني فتاة وعمري 21 سنه تعرفت على شاب وعمره 26 سنه ودامت علاقتنا اكثر الى الان 5 سنوات وطبعا اهلي مايعرفون عن العلاقه شيء وفي يوم من اول سنه عرفته فيهاا عرف اخوي اني اكلم شخص اخوي مارضى بالعلاقه فقابل الشخص وتكلم معاه وقال اليه ادا تبي البنت تعال اليها في البيت يعني يتقدم الي واني كنت اعرف الشخص انه للحين ماكون نفس عدل ولما اخوي كلمه عرف الشخص انه شخص محترم بس اخوي قال الي ماتكلمينه وظليت تقريبا 8 شهور ماكلمته ولكن هو ماتحمل انه مايتصل ورد اتصل فيني واني بعد على طول كلمته لاني صدق احبه . وردت علاقتنا نفس ماكانت وتعلقنا في بعض اكثر كان يعاملني باحترام واني نفس الشيء ومرت تقريبا سنتين واحنا نكلم بعض وفي يوم اتفقنا نطلع مع بعض وفعلا طلعنا مع بعض وفرحنا واايد بس ماتمت لانه ولد عمي شافني معاه وقال الى اخوي وصارت نفس السالفه وتركنا بعض واخوي اصر على موقفه اني مااكلمه ولكن اني تكلمت معاه من غير مايعوف اخوي بعد واني بنت من النوع الا يتقدمون الي واايد بس على طول ارفض لانه في بالي شخص واني كلمته وتعرفت على خواته كانوا ناس محترمين واخته كلمته وقالت اليه انك لازم يتقدم الي وكلمني في الموضوع وقال الي اني اقدر اخطب بس خطوبه بسيطه قلت اليه اوكي وافقت على هذا الشيء لاني احبه ماابي اخسره وفعلا تقدم الي ولكن اخوي كان مصر على رايه رفض الشخص حتى مااخذ راي فيه في الموضوع لانه يقول انه الشخص مايناسبني هذا كلامه بس احس اني انه مو قادره انساه والى الحين اكلمه وحاولوا خواته مع امي لكن مافيه فايده والحين اني مازلت اكلمه من غير اهلي مايدرون وهوا الشخص يبي يعرف اشلون يقنع اهلي باي طريقه مافيه فايده لانه اخوي قال كلام عن الشخص مو موجود فيه بتاتا والى الحين علاقتنا سمن على العسل يحبني اكثر مااني احبه ،ومن جهه ثانيه واايد اشخاص يتقدمون الي واني ارفض واني مب عارفه اتصرف ..........

ارجوا من الجميع انهم يشاركوني على الاقل في رايهم ويعطوني حل الى هذي المشكله اني انتظر ردودكم بأسرع وقت ادا ممكن ومشكورين ........

06-Jan-2006, 08:10 PM

[size=4]

السلااااااااااااااااااااام عليكم ورحمة الله وبركاتبه........

ما اعرف شقول لش

الصراحة خيو قصتش محيرة بس ان شاء الله بعد ايام يقتنع اخوش بهالشي

واصبري الصبر زين واهم شي ان هالشخص اللي تعزينه ما يتملل وبعدين ينسحب يعني يظل على موقفه ولا يتراجع.

اتمنى اشوفش سعيدة خيو دائما

اختش وصديقتش
احلام وردية

[/size]

06-Jan-2006, 08:18 PM

مشكوره اختي احلام ورديه على المشاركه..........

06-Jan-2006, 08:44 PM

السلام عليكم أختي جمانه

راح نمسك المشكلة من اول شي

قلتي علاقتكم دامت خمس سنوات طبعا هذي فتره مب بسيطه هذي فتره كافية انج عرفتيه وتقدرين تحكمين عليه انتي قلتي انه انسان محترم طيب هو يرضى ان اخته تكلم واحد مثل ما انتي تكلمينه أسأليه هذا السؤال .

لو هو متمسك فيج مايقول اخطب خطوبه بسيطه خمس سنوات تكلمينه ويقول خطبه لو هو صادق يقول زواج اما الخطبه يقدر يتركج أي وقت انتبهي اختي لاتضيعين حياتج معاه إذا يبيج خليه يتقدم لج رسمي اما لو تعذر بأعذار وقال امكنياته ماتسمح انا برأيي لاتضيعين حياتج ولا ترفضين الي تقدموا لج يمكن فيهم خير (( وعسى أن تحبوا شيئا وهو شر لكم))
أما لو انه قال خطبه عشان ظروفه المادية ماتسمح وكان صادق هذا شي ثاني
ثاني شي انتى غلطتي يوم طلعتي معاه أول شي هذي خلوه محرمه وبعدين أسأتي لسمعتج خليتي ولد عمج يجوفج ماتخافين يطلع كلام عليج

أما ان اخوج قال كلام عنه مو موجود فيه خلي أخوج يسأل عنه جيرانه أكيد يعرفونه زين والفريج اللي هو ساكن فيه
بعدها لو سألتي عنه وطلع ريال زين مثل ماقلتي صلي الاستخاره
احسن شي عشان نطمن اكثر وعشان اخوج يتاكد اما لو اخوج سأل عنه وكان متاكد انه مب زين وهو سأل ناس عنه اسمعي كلام اخوج لانه اكيد يخاف عليج ويبي لج الافضل

انا اقول صلي الاستخاره احسن أكيد الله ماراح يضيع انسان يطلبه في امر أو حاجه

قال الرسول صلى الله عليه وسلم :" إذا هم أحدكم بالأمر فليركع ركعتين من غير الفريضة ثم ليقل : اللهم اني استخيرك بعلمك واستقدرك بقدرتك واسالك من فضلك العظيم فانك تقدر ولا اقدر وتعلم ولا اعلم وانت علام الغيوب ، اللهم إن كنت تعلم أن هذا الامر خير لي في ديني ومعاشي وعاقبة امري فاقدره لي ويسره لي ثم بارك لي فيه ، وان كنت تعلم ان هذا الامر شر لي في ديني ومعاشي وعاقبة امري فاصرفه عني واقدر لي الخير حيث كان ثم رضّني به ". ويسمي حاجته بدل كلمة الامر .

اتمني اني قدرت افيدج

دمتي بود

06-Jan-2006, 11:41 PM

مشكوره اختي بس هو الشخص كان اول علاقتنا كان الشخص في بداية مشوار حياتها حتى كان يدرس في معهد ويعمل كان توه متوظف هذا اول شيء وثانيا احنا عدنا الخطوبة لازم قبل الزواج حتى لوكنت على علاقه فيه وهو راح يسوي الي خطوبه بسيطه لانه ظروفه ماتسمح بالخطوبة على مستوى , وانتين سألتيني سؤال عن هل يرضى اخته تكلم شخص ؟ هو اكيد ماراح يرضى مثل ماهو مو راضي على علاقتنا تتم جدي عشان جدي حاول قد مايقدر انه يتقدم الي ويسوي الاعليه بس ماكان متوقع الرفض لانه اخوي اول ماعرف اني اكلمه اول مره الشخص سأل اخوي لو تقدمت الى اخت توافق قال اليه اخوي افرش اليك الارض ورد عشان جدي الشخص ماتوقع مايوافق اخوي عرفتين ....

جمانه

07-Jan-2006, 10:41 PM

السلام عليكم ورحمة الله وبركاته,,

مرحباا اختي جمانة...شكرا لثقتك بمياسة ومن فيها,,,

نبدأ بمشكلتك ..اولا : لا تطلعين مع حبيبك ابداااااااا مهما كان ..فكري بالمستقبل ماتدرين شنو يصير بعدين ..هل بينكتب لج تاخذينه او لا..؟! وبعدين اسمحي لي اقولج احمدي ربج ان اخوك ماذبحج..لا وبعد ولد عمج شافج..انتبهي اليوم تقولين يجونك وترفضين بكرة محد بيجي بيقولون اخوها وولد عمها شافوها مع فلان...ساعتها وش يكون موقفج ..وشلون بتردين على الكلام ..

الناس اليوم تتكلم من غير شي وتنطر الزله للوحدة..اتمنى انك تنسين سالفة المقابلات نهائي..وحطي بالك حتى الرجال تختلف نظرته للوحدة اذا طلعت وياه حتى لو كان يحبها ويموت فيها بعد...باحسن حال اذا تزوجتيه راح ينغز بالكلام (اسالي البنات الي ارتبطوا عن علاقات قبل الزواج..الي تنطق كل يوم ..والي يراقبها او يشك ..فيها ..وخذي وخلي)..فكري !!!

عزيزتي جمانة فترة 5 سنوات كثير ..والوقت ينحسب على البنت مو على الريال..غير كل ما طولت الفترة وعلاقتك معه راح تجيب لك الاخطاء,,,وبعدين هو لازم يخاف عليج وينبهك مو يطلعك ويخلي هلك يشوفونك..بتقولين تقدم ورفضوه بس الحين صار له فترة طويلة من بعد ما تقدم ..خليه يتقدم مية مرة بس انتي ابتعدي شوي عنه راح يحط على روحه شوي..شنو هالحالة 5 سنوات ما سوى شي ما صارت..نصيحتي فكري بعقلك ضغطي عليه وقولي له يتقدم ومفروض ما يتشرط على الاقل بحدود المعقول..وترى هلج ما ينلامون تراج غلطتي وياه..خليه بس يطحن قلوبهم كم مرة وباصرار راح يوافقون..بس خلي يتقدم باسلوب حلو وقوي..لاني بصراحة اشوف اخوك طيب ..بس انبطت جبده..قهر...بسررررررررعة ارتبطي به والا تركي عنج السوالف..لان كل ما طولتي راح يتعود الرجال عليك وتصير علاقته بك عادية...وتضيعين عمرج معه...لانه يشوفك ممشية الامور معه..وفي من الرجال يمل ..ومو بعيد يصير شي ما شي ..يقولج نصيب وانا وانا حاولت..فلا تضيعين روحج..

فكري بجديه وحلول جذرية..ولا تنسين روحج..واتمنى لج التوفيق..

بانتظار اخبار طيبة منك..

تحيتي لك

هنـ الوفاء ــد

08-Jan-2006, 01:13 AM

والله لساني يلعب جمااانه ودي اكتب بعذب سطور الأعضاء الي ردو عليك بس اختي حطي الكلام الي بقووله براااااااسك وقفلي عليه ولا تخلين احد يغيره لكي

انا بقوول عشوائي :

قبل ما ابدأ انتي المفرووض تكونين سمعتي عن عواقب ذي الحالات او حتى شفتي موضوع الدكتوور عمرو خالد عن مايسمى الحب قبل الزواااااااج

اول شي العلاقات الي فيها مقابلات 100%100 مافيها نتائج إيجابيه او نقول نهاياتها مو ايجابيه لأنها من بدايتها تكون من ورا الأهل حتى لو طلعتي مع اوهاام حبيبك ولو قلنا انه تزووجك (هذا لو تزوجك) اعرفي انه بيشك فيكي زي ماتكرمت وقالت الأخت هند زوود بيشك فيكي لأنك سويتيها معاااه ليش ماتسويها مع غيره

اختي في كلمة نقوولها عندنا او مدري امكن تعرفيها لأني حتى انا بصراحه حطيتها بالبلوتوث خخخخخخخخخخخخخ
الي هي :(من خان لأجلك يخونك)
مو بعيد لأنك انتي بعد بتشكين فيه

هذا اول شي

ثاني شي

سالفة ان اخوك الله يحفظه قالك لاتعودين تكلميه هذي بصرااحه زعلت منها لأنك رجعتي تكلميه اخوك عطاكي كلمة بدون دوافع سلبية بالعكس يبيلك الأحسن لأنه يعرف مصلحتك اكثر منك
بتقوولين هو مايعرف فلاان بقوولك اخوك يعرف مصلحتك اكثر منك
وبتقوولين انا عارفه فلاان لأني بعلااقة ويااه خمس سنين لا وبعد حفظته واعرف وش يسوي بالثاانيه واعرف جدول اياامه كلها بقوولك اخوك يعرف مصلحتك اكثر

على فكرة شي اكييد انك شفتي ردودنا وانها ما تآيدك فبتقولين هم ما يعرفونه يآخذون عواقب بناات زمان كانوا يصاحبوون شباب موب زينين بس انا غير احب واحد محترم وخلووق

لا اختي مثلك مثلهم واخوكي ادرى بمصلحتك

انا اقوول والله اعلم ان علااقااات من ذي النووع ما تستمر لأنها تكون على محور الشك

اهم شي الحين سواء قال الي تحبينه هو مو راضي على الي قاعدين تسووه فهذا شي ثاني لأنك قلتي ان اخوك ماوافق خلاص ماله نصيب شدراك امكن اخوك عرف او سمع عنه اشيااء

كمان ذي الأموور ماتنقال على حسب المزااج ركزي شوي وافهمي تفكير اخوك اسأليه عن سبب اقوى لرفضه الي تحبينه او انا بقوول الي انتي معه بعلااقه ولو ما رضي لاتضيعي عمرك

انتي خسرتي خمس سنين او جربتي خمس سنين لاتضيعين خمس بعد

وترا عمر الأنساان قصييير

هذا رأيي اختي

اشكرك بالنياابة عن كل عضو ومشرف لكل حرف كتبتيه تبوحين فيه عن مشكلتك

دوم لنا ولميااسة

تحيااتي:
البرنس العربي

09-Jan-2006, 02:17 PM

شكرا الى كل من ابدى بالرأيه جزيل الشكر واكون ممتنه لكم على المرور مشكووووووووورين
ماتدرون اشكد اني اني ارتحت من كلامكم شكرا......................

جمانه

18-Jan-2006, 12:49 AM

اريد ان اقول لكى شئ جمانة
عندنا فى مصر حكمة بتقول اللى يشوف بلاوى الناس تهون علية بلوتة
انا لى صديق احب فتاة ومستعد للارتباط ولكن هى يشيئ القدر ان
يلعب بهما فقد نالت كل تعليهما وانهتة ولكن هو مازال امامة بعض الامور لينجزها
اولا هو وحيد اخوتة لايريد الزواج قبل ان يضمن لوالدتة الراحة التامة
وفور انهاء تعليمها تقدم لها العديدين لجمالها وادبها المشهود بة فى البلد
ولكنة لم ينتهى بعد فتقدم لها وطلب مهلة حتى ينهى ما فية
ولم يوافقوا فقال اهلها نريد الانتهاء سريعا فنالهم ما يريدون
واسكن معها والدتة حتى ينتهى
ومع ذلك لم يسلمفشاء القدر ثانيا ان يزعزع الوتد والقى الحبل على غاربة
وبعد الحب الواسع الطويل الذى ليس لة مكان يكفية انفصلا
اتعرفين لما سبب تافة عندما تعرفين ولكنها ظروف وهى
لعنة الحياة ونحن عليها مرغمونفقد وسوس اليها الناس انة لن يشترى لها سكنا
جديدا
ونهاية اريد ان اقول لكى ان مشكلتك هينة ولكنها تحتاج مجرد وقت
وان شاء اللة ستنتهى سرعان ما يدخل فيها العقل

18-Jan-2006, 05:52 AM

مدام هناك حب متبادل فعليك الاتي

1- لا تخرجي معه لوحدك اطلاقا
2- اطلبي من احد اقاربك اللذين تثقين فيهم او من احد قريباتك ان تسأل عن هذا الشخص دون علمه او علم اخوك.
3- ان كانت النتائج تبشر بخير وانه شخص محترم وانه كما توقعه قلبك فعليكي بالاتي

اطلبي منه ان يتقدم لكي وبدون تأخير بواسطه والده او احد افراد اسرته العقلا والمشهود لهم بذلك وفي الوقت نفسه حاولي من احد افراد اسرتك العقلا ايضا عن طريق والدتك او اي طريقه مناسبه لوضعك الاجتماعي ان يتوسط عند اخوك وان يبن له بانه شخص مناسب وانهم قد سالو عنه
واحب ان اوضح لكي بان الزواج قسمة ونصيب
سوي اللي عليك والباقي على رب العالمين
تمنياتي القلبيه لكي ان يهدي اخوكي إن كان في هذا الامر خير لكي

18-Jan-2006, 04:37 PM

مشكورين الى كل من اعطى رايه لي الف شكرا .............. اني صابره الى الحين 5 سنوات عشان اخوي بس مااحب ازعله واخذ الشخص وهو مب راضي احب انه الشخص يدخل واهلي متقبلينه ومايكون زعل بين احد نفس مايقولون الصبر مفتاح الفرج اتمنى يصير خير ان شاء الله
ولكم جزيل الشكر والامتنان صدق اني ارتاح لما اشوف ردودكم لانها تريحني شكرا شكرا.......

جمانه

22-Jan-2006, 04:03 AM

جمانه ...
اتمني لك من كل قلبي التوفيق واشاءالله تتحقق احلامك وامنياتك وصلانا لا تقطعين وقوللنا اخر اخبارك
اختك بنت عز صح
ادعولي با التوفيق با الامتحانات

22-Jan-2006, 02:55 PM

شوفي ياجمانه ...
انا رح اعطيك حلين ...
(( احنا نعرف ان الزواج قسمه ونصيب )) ...
اخوك ماله علاقه بينكم ...
يعني اخوك مو هو اللي يقول لك تزوجي او لا تتزوجي ...
يعني اخوك ماله دخل ...
الدخل في امك وابوك ...
يعني انتي لو تحبينه او يحبك قولي لـ اهلك ...
وبعدين ليه تكلمينه بدون مايدرون اهلك ...
كلمي امك وابوك وقولي لهم اني ابي اتزوجه واني امووووت فيه ...
________________________________________

الحل الثاني :
انك تعزمين امك وابوك على مطعم مثلا ...
وكلمي هذا اللي تحبينه >> على فكره وش اسمه عشان اكلمه >> وش دخلك !!
وقولي له اللي بتروحون فيه مثلا المطعم ..................................
وقولي له يورح هناك الساعه .......................

لما تروحين ...
اكيد رح تشوفينه ...
قولي لامك وابوك هناك الطاوله ...
ولما يجلسون قولي لهم كل السالفه وجها بوجه ...
يعني في طاوله الللي تحبينه ...

انشاء الله تفيدكك هذا الحيلن ....

سي يوووووووووو ...

~[ ارجووووووووووا المساعده ]~

|[ •°•¤ مذكرات روح¤•°• ]|