==== > { بخيرك في كلمتين } < ==== ..........!!

انا اشهد ان الحب علة قلبي اللي ما استراح .......................والنفس قالت : جز يا راعي الحب وانس اللي نساك


حبيتك انت وعارف مالي ورا غيرك صلاح .........................واصبحت طير كفخته ما بين اراضيك وسماك


اسقيك من قند العسل وتصب لي سم ذحاح ........................ وتسعين بالميه صحيح اني تبهذلت بهواك


اخذت مع صبري سنين وخافقي كله جراح ...................... والمشكله في غبيتك حاير ولا ادري وش وراك


صح او خطا تكفا تعال وقولها ولك السماح ..................... ام تبادلني الغلا والا فانا كلي فداك


ما هو صحيح انك تعرضني مهبات الرياح ......................بين الامل والياس تزرعني وتسقيني جفاك


ومن بعد ما وقعت في محبالتك تشهر سلاح ....................سيفك وراسي والغلا بيديك واللله اللي عطاك


حرام لو راح العمر ما يوم اقول السد باح .......................اللله بلاني فيك مدري اللله بتعذيبي بلاك


اسهرك ليل لي غفى نجمه ترقبت الصباح .......................وهذي جزاتي يوم احبك مالسهر ربي عفاك


من عادتي يا صاحبي ما لقي الصايح نياح ..................واذكرك قول المثل لا لا تبيع اللي شراك


بخيرك في كلمتين اما مجي والا مراح ......................ان جيت انا كلي معك وان رحت قلبي ما نساك



وسلامتكم


اخوكم