من وده يلعب معاي ..يقرب مني جااااي

في 08-Nov-2005 الساعة : 03:54 PM

<<< الحين بتبطي عظم صدق ههههههههههههههههه

بحاول أجيب الحل رغم انه صعب والله

اصبري علي بس

وإن شاء الله مايحله أحد قبلي

سلامي لك

الوافي

في 08-Nov-2005 الساعة : 04:42 PM

8
8
8
8

قاعدة تدعي ههههههههههههههه بس عاد الله العالم وش دعواتها

الوافي بتجيبها يا الذيب

في 08-Nov-2005 الساعة : 04:50 PM

هـذا جوابي أن كــانه صـح تـــعرفونه.....لاكن العلم إذا كان جيب الورع فاضي

مايقدر يشتري الدخان من اللي يبيعونه.....لامــن أرسله أبوه يشتري الأغـراضي

هلابك إحساس

على ماظن أنه بكت الدخان

يمكن رمعتي صحيحه ويمكن لا

إذا كان لا عطيني فرصه أفكر أكثر

سلامي لك

الوافي

في 08-Nov-2005 الساعة : 06:41 PM

فكر وفكر ثم تدبر كلامي .....وانحش عن اللي تتنهم يشربونه

لك من الاعماق اطيب سلامي ....ولغزي قريب (ن) للي يفهمونه

الوافي

نو الحل مو صحيح ولك فرصة اكيد وتحية وتقدير بعد

في 08-Nov-2005 الساعة : 09:00 PM

بعد السلام وفائق التقدير
والأحترام

أنا جديد ولا أعرف بالأللغاز
وجا على بالي يكون تلفاز
قلت وشفيها لو أبرسل
كلنا واحد ويستاهل اللي فاز

وعندي بيتين فيها قدر ومقياس كلّ اللي عليك تعرف القدر والمقياس ok

كتبت الزيّن بعد العين

بعده متّ على هجرك

خلّ العين تقرا زين

تفرا مقياسك وقدرك ؟؟؟؟

وبالختام تحياتي لك
أخوك بالمختصر

في 08-Nov-2005 الساعة : 09:29 PM

من تبي اللي

عزمت تهجره يا المختصر ؟؟؟

ولكم ولاكم للمختصر وحروفه ....أخلف بحل اللغز ونور قوافينا

بالعود يا الغالي وعطر الزهر فوقه ...أقبل وشاركنا معنا معانينا

المختصر طبعا هلا وغلا قبل كل شي

واللغز ما صدته فكر فيه مره ثانية ودور الحل

وبننتظر

وبالنسبة للغزك إن شائ الله يكون كلامي اللي ذكرت لك صحيح

في 08-Nov-2005 الساعة : 11:19 PM

لفــيت ودرت وعصــرت كل المعاني.....لاكن ما الله كتب لي الحل يـ إحساس

مره أقول المسواك..! حلها يافلاني....ومره أقول حلــيب الأم الحل يــانـاس

والله اللغز صعب وضحي شوي

سلامي لك

الوافي

في 09-Nov-2005 الساعة : 01:29 AM

الحل ما يصعب على طيب الصيت .....الوافي اللي في دلالي تفنن

<<<فرحاااانه عشان وحده بوحده
ههههههههههههههههه

شف يا الغالي :-

هم إثني العود طبعا وعياله كل واحد منهم ما ينفع بدون الثاني ..مصنوعين من الحديد ...وهم نعم الحفظة ...يعني اللي يبي يحفظ حاجته وش ماكانت يستعين بهم ....

ههههههههههههههههههههه مدري عاد أنا وضحت لك والا زدتك غموض

في 09-Nov-2005 الساعة : 01:03 PM

لجل اللغز تركت معاملات المواطنين ..... وليـــتني أقــدر أجيب الحل الصحيح

أبرمع رمــعتي .. واللـه اللي يــعين ..... بقول أن العود القفل وعياله المفاتيح

ذي رمعتي الكالون حق الباب او شي زي كذا الخزنه مثلاً

والله أن لغزك ماهو هين ان شاء أني قرب ولا قلت الحل

وذا الحل ماهو صحيح وضحي أكثر

سلامي لك

الوافي

في 09-Nov-2005 الساعة : 03:28 PM

الفكره جداً رائعــه اختي أحساس طير

بصراحه لستُ بشاعر ولستُ من هوات حل اللغاز
ولكن سوف ادلو بدلوي معكم

لآني بشاعر ولا انظم الابيات...وحل اللغاز ماهو من طباعي
الكمبيوتر هو حل لغزك يافتات...ولآني للفوز والمدح ساعي

ســــــــ يــــــــــــــو ـــــــــي

في 09-Nov-2005 الساعة : 04:25 PM

الوافي جبتها وأنت ولد ابوك

ههههههههههههههههههههههههه

حلك صحيح

بس عاد هاااااااه ترفق علينا بلغزك الجديد

مفهوم الحياة

أهلا هلابك عد ما هلت مزون ....وعداد ما أبرق في عالي سماها

منور بطلتك ويكفينا تشريفك

الحل هو القفل وعياله المفاتيح

بس تعااااااااااااال مفهوم الحياة

تابعنا ترى الحين الوافي لانه هو اللي حل اللغز بيجيب لغز ثاني

وتعال نتعاون انا وياك عليه <<<<مجرمة والله

لا تروح بعيد خلك كل يوم هنا ولا يهون الجميع

ندااااااااااااااااء لكل من مر وشرفني هنا

تابعوااااااااااا الالغاز

حلوها وأحتلوها

مع اطيب الاماني

في 09-Nov-2005 الساعة : 04:51 PM

الوافي كفوا والله

أحساس طير يسلمووووو على الترحيب الجميل

أن شاء الله اكون من من يتفاعلون مع موضوعك الجميل

انتظر لغزك يالوافي

ســــــــ يــــــو ــــــــي

في 09-Nov-2005 الساعة : 05:13 PM

إحساس ههههههههههههههههه

بعد ايش جبت الحل بعد العنا والتوضيح

.........................

مفهوووم هلابك والله ومرحبا

والله يحييك معنا

أنتظرو اللغز

سلامي لك

الوافي

في 09-Nov-2005 الساعة : 08:21 PM

اللغز جااااااااااااكم

أستلموووو

يـاصـاحبي بعـطيك لغزي وحله......ويش إلك من بنت ماتمل الرياجيل
تجـلس من الرجال في كل شله......تــغنيه عــن كثـر الغثى والبهاذيل
والبنت مـوجوده(ن) في كل دله......ياللي تعرفون الكيف والبن والهيل

أظن أسهل منه مافيه يالله حلوه

سلامي لكم

الوافي

في 10-Nov-2005 الساعة : 03:22 AM

<<< الساعه اربع توها جاية من عزيمة وراسها مصدع من الدي جي

إن كنت يا الوافي تبي من يحله .....أسأل قروم الرجال الصناديد

وإن كان ما غلطت فهو ليف دله .... مدري عرفته أو رحت لبعيد ؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

من وده يلعب معاي ..يقرب مني جااااي

•°•¤ ركـاز ¤•°•