من وده يلعب معاي ..يقرب مني جااااي

في 06-Nov-2005 الساعة : 11:16 PM

شرايكم نلعب شوية

ونحط الغاز شعرية

هي فكريه ماهي جديده

شفتها مراتن عديده

بس بهمس القوافي هنا

فتشت بجهد... وعنا

لكن ما عيني لمحتها

ولا ريشة عضو قدحتها

المهم يا الربع ....

قربو الدلة والدخون

وإحساس بتقول لكم وش هي لعبتها تكووووون

**********************

اللعبة بتكون لغز بس بالشعر ...

طبعا من ناحيتي أنا منيب شاعره بس اقدر اصف كم كلمة تؤدي إلى المعنى المطلوب ..

بس الشرط بيكون إجابة اللغز بعد بابيات شعرية

مو لازم نفس القافية والوزن لا لا لا

على راحتك أنت جيب اللي تبية أوكي

نبدأ اللعبه ؟؟؟؟

*******************

يالله واللغز هذا مو انا مسويته لا والله لقيته وجبته لكم

في داخلي كل شي تعرفون.....وفي داخلي تلقى جديد وقديم

بداخلي أحلى التهاني تزفون...وأخبار كل حادث فضيع وأليم

بكل اللغات وبكل البلاد أكون....ملك ورئيس أنقل لهم تسليم

وصفحات الرياضة عندي لو تبون....منهو أنا ياالشخص الفهيم

يالله هذا اللغز ومثل ما قلت لكم مو مني انا لقيته ...واللي بيحله لاازم يكن بابيات شعرية ..وبعدين هو نفسه يحط لنا لغز على شكر ابيات

في 07-Nov-2005 الساعة : 08:08 AM

شدعوى مافيه شعاااار ؟؟؟

وألا اللغز صعب عليكم

؟؟؟؟

طيب أنا بنتظر بعد كم يوم بعدين برجع اذا ما حد حله بحله أنا

وبعد بحط لغز جديد

يالله اشوفكم على خير

في 07-Nov-2005 الساعة : 09:35 AM

وش دعوى مافي شعاااار وش فيك مستعجله

أنا تو ماشفت اللغز

والناس ماشافته كلها

على العموم هذا ردي وإن شاء جبت الحل

هـلا باللغز وراعــيه مرحبـــاً ملــيون.....اللغز واضــح ولايـــبي لــــه تعــــليم

حتــى لــو أجيـب مـن أشهـار مجنون.....قـــال لي الحـــل الواضـــح والســليم

حل لغزك الناس يتصفحونها ويقــرون.....جريده(ن) للرياض ولاالجزيره يانديم

يعني الحل الجريده لاحالفتني الظنون.....وأنا مـاني بشاعر ولاني بذاك الفهيم

وهذا لغزي ويالله ابي حلك طبعاً اللغز ماهو لي لاكن لقيته وجبته

انشدك عن رجل تعلى على ابطال .... من عقب ماهو بأول الوقت راعي

من عقب ماهو راعي يحفظ المال .... اليوم اشوفه بالرجال اجتمـــاعي

الأسم الأول راح ماهوعلي البـال .... والاسم الاخرفي المتاجر يبـاعي .؟

وسلامي لك

الوافي

في 07-Nov-2005 الساعة : 10:52 AM

هــلا وغــلا يــا بـعــد روحــي...يـا مـرحـبـا يـا بـعـد كـل حــي

حلك صحيح قلتها وأنت توحي ....بحروف شعرك ارويتها ري
الوافي يعني صح جوابك <<<<خايفه الابيات اللي قالتها ما تنفهمم

يعطيك العافية الوافي وتسلم على حضورك وتشرفت والله بإجابتك ولغزك بعد

طيب الوافي اصبر علي لين الا قي الحل <<<بتستنفر كل الشعب معاها

بس يارب احد يعرفه قبلي ويحله لاني حاسهاني بحوس أم الشعر بابياتي

في 07-Nov-2005 الساعة : 02:03 PM

لاتخافي بيتك واضح ومشروحي.....ماني لهـ الـدرجه جـاهـــل وأمي

المهم حليت لغزك المطـــــروحي.....وابياتك مافيها من الغموض شي

لا أبياتك مفهومه

والله يسلمك على رد وعلى كلامك الجميل

وإن شاء ماحد يحله قبلك لأنك أنتي اللي طالبه التحدي

أتمنى ردك عاجلاً

سلامي لك

الوافي

في 07-Nov-2005 الساعة : 04:24 PM

شد الرحال وضف كل المعاميل ...وانحش عن اللي بلغزهم احجروني

هههههههههههههههههههه الوافي ترى انا منيب اتحدى احد

أنا اقول نلعب

بعدين مو شطر أنا اللي احله الموضوع مشااااع لكل الاعضاء

اللي يعرفه يجي ويحله

بس اصبر ان شاء الله الاقي له حل

ويعطيك العافية على تشريفك لي يا الغلا

في 07-Nov-2005 الساعة : 06:59 PM

هههههههههههههههههههههههه

إلا خلي المعاميل وهاتي البن والهيل ... أبي أقهوى كل اللي يزوروني

عارف الدعوى لعب بس انا أبي احمسك شوي

وأنتي مشاء الله عليك شاعره منتي بسيطه

وإذا صعب عليك اللغز أشتريه بلغز

سلامي لك

الوافي

في 07-Nov-2005 الساعة : 10:58 PM

هلا بك الوافي

والله وجودك زادني حمااااس

بس شوف انا بقول الحل اللي اضنه اذا اوكي زين وجبت بعدين لغزي

وإذا لا بليز عطني شوية توضيح عشان اقدر احله

<<<والله دايخه ما تدري وش الحل

بس اجتهادا مني انا قلت هذا الحل

ايه ابشر بحله يا طيب الفال ...محكك جبته من راعي ابداعي

البورصة مع سوق الاسهم بترحال..... خلت العقال بلش بالتياعي

وفهمتها وانا عريبة الجد والخال ....وحددت مساري وسط مرباعي

في 08-Nov-2005 الساعة : 08:31 AM

هلابك إحساس

حلك البروصه ماهو هو الحل

يالله بوضح لك

انشدك عن رجل تعلى على ابطال .... من عقب ماهو بأول الوقت راعي
(يعني مكانه فوق الرأس).......................(قبل يستخدمونه الرعيه للأبل)

من عقب ماهو راعي يحفظ المال .... اليوم اشوفه بالرجال اجتمـــاعي
(يعني يحفظ الأبل من الأبتعاد).............(يعني موجود مع كل رجال)

الأسم الأول راح ماهوعلي البـال .... والاسم الاخرفي المتاجر يبـاعي .؟
(قليل اللي يذكرونه لأيش يستخدم زمان)......(يباع في المحلات التجاريه)

أعتقد مافيه أوضح من كذا

يالله عاد لاتقولي ماعرفته

وهاتي لغزك

سلامي لك

الوافي

في 08-Nov-2005 الساعة : 01:26 PM

ههههههههههههههههههه

هلا بك الغالي الوافي

والله لقيته بس اصبر اضبط له ابيات

تدري وين عرفته منه؟؟؟

انشدك عن رجل تعلى على ابطال .... من عقب ماهو بأول الوقت راعي
(يعني مكانه فوق الرأس).......................(قبل يستخدمونه الرعيه للأبل)

وكنت شاكة في هذا الحل من أمس بس بعد كنت حاطة معاه شي ثاني

اصبر اضبط له ابيات واجيب لك بعد لغز جديد توني صاحية من النوم وما بعد رتبت افكاري الادبية هههههههههههههههههه

<<<<<عسا الحل اللي مفكره فيه صحيح هههههههههههههههه

في 08-Nov-2005 الساعة : 01:40 PM

هههههههههههههههههههههههه

طيب طيب

اهم شي لاتجهدي نفسك

بالتوفيق

في 08-Nov-2005 الساعة : 01:45 PM

ياللي نشدت العام عن وصف الرجال ...لغز(ن) يخص الفرد ما هو جماعي

جبته وأنا بنت (ن) أسوى لي عيال .....وحل العلوم الكايده هي طباعي

ترى الجواب الصح يا الوافي عقال ...حلن من أبداعي وهو اختراعي

في 08-Nov-2005 الساعة : 01:47 PM

<<<مقهورة من ضحكك عليها ما امداها تجيب لغز

هههههههههههههههههههههههه

هاه الحل صح والا شلووووووووون ؟؟؟؟؟؟

في 08-Nov-2005 الساعة : 02:29 PM

صح لسانك...........وحلك صح

الله يعطيك العافيه

يابنت ياللي بشعرك تنهز الجبال.....عز الله أن الشـــعر لك غصب طاعي

أنتي تقولي الشعر وغيرك ماقال.....أنتي الشعر ينخضع لك إنخــضاعي

والحل الصحيح قلتيه وهو العقال.....ويكفيك إنك بنيتي للسفيه إشراعي

لا وش دعوى أضحك عليك

الله يستر منك لاتضحكين علي بس

مشاء الله عليك والله يحميك من كل شر

أنتظر لغزك بأحر من الجمر

سلامي لك

الوافي

في 08-Nov-2005 الساعة : 03:29 PM

الوافي حشاك والله

ما ينضحك عليك

وترى الحل اللي قلته انت سهلته لي وبالنسبة للابيات

ترى لها حكاية

<<<عصبت راسها وقربت دلتين قهوة برية وزعفرانها إياراني

هههههههههههههه

اللغز يا الربع

أنشدك عن عود عياله ما يهابونه
................................ يحدونه على ما يشتهون وعودهم راضي
لا منه بغاه الورع لو ربعه يشوفونه
................................. يجيه ولا يهاب وظنتي يسمح له القاضي

وسلامتكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

من وده يلعب معاي ..يقرب مني جااااي

•°•¤ ركـاز ¤•°•