جرح الخيانه

ويعني من قل المصايب صاب هذا الصدر ضيق ......... والا يعني من الحظوظ الزينة ورفع المكانه

ذي حياتي من مضيق في مضيق في مضيق ..........ولو بحثت الصبر فيني ما اجد للصبر خانه

عادتي لا ضقت ادور حضن وعيون الرفيق .......... مشكله لا صار ضيقي منه واحزاني عشانه

يوم قال : اسمح لي برجع وانت كمل هالطريق ...... لازم تقدر وتنسى ننتهي وكل وشانه

قلت : صبرك يرحم اللله والدينك ما اطيق .......... ماني ناقص فوق جرح اقدارنا جرح الخيانه

حاجتي لك حاجة الايتام وايدين الغريق ............طالبك طلبه تراني اعشقك صون الامانه

وراح ما كنه سمعني والتفت لفتة طليق ..........وقال اخيرا ما بغينا ثم غنى ليل دانه

عندها ادركت فعلا قيمة الحب العتيق ............ وقلت هذي اخرتها ما تجاوزت امتحانه

ضيق صدر وجرح قلب ودمع عين ونشف ريق ....... هذا كل اللي جناه العاشق باخر زمانه

مدري كن الحزن فيني شاف له نعم الصديق ........مدري يمكن كنت فعلا كفو للحزن وتكانه

والفرج كالثوب لكن لبسته لي ما تليق .............دام لبسه لاي خاسر ما وراه الا الاهانه

اه اه يا حزني ترفق صاحبك جرحه عميق ......... اشهد انك يا رفيق العمر طيحت الميانه

مثلي مثل اللي يراهن خلق ربي في عشيق ........والبلى راهن ويدري خاسر العشق ورهانه

ويعني من قل الخساير صاب ذاك الشاب ضيق .... يكفي لا هالوقت وقته ولا مكانه هو مكانه


وسلامتكم


اخوكم