~[ الزواج من معاق ]~

20-Jan-2006, 10:48 AM

إسمحوا لي أن أطرح الموضوع التالي ...
شفت الموضوع في منتدى ثاني وحبيت اطرحه عليكمـ..

الزواج من معاق هل تقبلين أختي بالزواج من معاق وهنا الإعاقة الحركية أو نقصان بعض من الأطراف باليدين أو سمعية أو بصرية أي لا نقصد الأعاقة العقلية شاب يمتلك الشهادات وقادر على تكوين أسرة ويعمل بوظيفة محترمة ومحبوب من المجتمع وله العلاقات الواسعة ولكن الله سبحانه وتعالى إبتلاه بإعاقة ..... معينة أرجو أن تكون الاجابه واضحة وصريحة مع الأخذ بعين الاعتبار نظرة الأهل والمجتمع وهل تستطيع الفتاة السليمة اقناع نفسها أولا والمجتمع ثانيا أرجو المشاركة ....

21-Jan-2006, 02:23 PM

تسلمين عذاري ع الموضووع

لو انه حساس شووي

شووفي انا عن نفسي
والله ماعندي اي مشاااكل وبصراااحه ما اشوف انه عيب او انه في شي بالعكس والله
لكن اولا المجتمع مستحيييييييييييييل يقبلون هالفكره مهما كانت الظروف او الاسباب
والاهل في طبعا اهل يوافقون عادي وفي لا
وانا ربيعتي ياها واحد يبي يخطب من عندهم وهو معاااق لكن ماشا الله عليه الله عاطنه ذكاء وطيبه وجمال
يعني كل شي متوفر عنده الا انه معاق مايقدر يمشي بس

طبعا اكيد كانت كان جوابهم لا مارااعووووا اي شي ثااني مافكروا ف الطريقه الايجابيه لا
فكرووو بالسلبي بس يعني شافووه معااق يعني خلاص ماشي

بسس

شكررن لج عذاري ع الموضووع

22-Jan-2006, 02:58 AM

تسلم اخووي على هذه الطرح

انا اشووف انه الاعاقه مب عيب اني ارفض انسان ذات اخلاق ودين وسمعه طيبه بين الناس

وكله كل الامكانيات انه يفتح بيت ودير اسره ويوفر الحياه الكريمه الي الابنائي

بالعكس لازم نشجع هل فئاه من اناااس ونعطيهم الامل و الطمووح في حياتهم

ونبعد هذي الافكار او عيووب الاعاقه الانه هذه شي مب رب العالمين

وطبعا انا ما انكر وجهت نطر المجتمع بس لو البنت من نفسها مقتنعه با الحياه مع هذه الانساان

تقدر تواجه هل مجتمع . الانه سبحان الله يمكن هذي الاعاقه تصيبني او تصيب كل انسان غيري

لازم كلنا نتعااون ونسااهم في مساعده هذي الفئاه من النااس ونقدم لهم كل الاحترام

وما نحاول نفرق بينهم في اتجاهات العمل و الدراسه و الزواااج

وعيشون حياتهم مثل باقي النااس

وتسلم اخووي على مضووعك الجدير بالمشاركه

22-Jan-2006, 11:20 AM

مشكوره اختى الاماراتيه.... موزان .....

على المشاركه الحلوة ....

22-Jan-2006, 09:58 PM

المعاق بشر مثلا لهم مميزات وامكانات وله عيوبهم الانسانيه كسائر البشر ومن وجهت نظري الشخصيه ان الاعاقة الجسديه او العضويه ليست عائقا فهي حاله كتبها الله لشخص ابتلاء وحكمة من الخالق عز وجل.
وفي اعتقادي ان النظر والتفكير في المجتمع من هذه الناحيه لامعنا له. الموضوع صعب لكن هذا هو الصواب

تحياتي عزيزتي عذاري على هذا الموضوع الحيوي والحساس لما يحتاجه اخواننا المعاقين من دعم وتشجيع من قبلنا
وشكرا

23-Jan-2006, 11:49 AM

مشكور اخوي ع المشاركه الحلوه ..

29-Jan-2006, 01:55 AM

والله شوفي اختي عذاري انا اعرف واحد اعمى للحين متزوج ثلاثه طلق ثنتين والثالثه بذمته ويبي يتزوج الرابعه وهذا مثل حي لرجل اعمى..... بس الله عز وجل اخذ منه شي واعطاه اشياء أخرى فهو صاحب عقل وحجه وذكاء....... وأما مسألة قبول البنت بمعاق او العكس فهذه ترجع لمسألة القناعات والشروط والمواصفات عند كل شخص لشريك حياته , أنا اشوف انه ما في شي بهذا الزواج اذا كان المعاق أو العكس قادرين يعطون الحقوق الزوجيه الاساسيه والمعروفه , واذا كان في قبول وايجاب ورضى من الطرفين وكان الاختيار على اساس الدين والاخلاق فهذا الزواج ان شاء الله راح يكون مبارك.

يسلمووووو اختي على طرحج لهذا الموضوع الحساس والمهم في نفس الوقت

29-Jan-2006, 04:50 PM

تسلمـ اخوي ع الرد ...

اسعدني تواجدكـ ...

30-Jan-2006, 01:41 AM

عادي ما فيها شيء

والله اذا دخل مزاجي وطيب

لآخذه..

أحيانا يكون الانسان جسمه

طيب بس روحه معاقة.

30-Jan-2006, 04:52 PM

اشكرج اختى ع التواجد ...

06-Feb-2006, 02:18 AM

مشكوره على الموضوع الرائع

صراحه اهم شي دينه واخلاقه
وراح اوافق عليه
وهذي الحياه السعيده

06-Feb-2006, 02:26 AM

أختي
عذاري ....

بصراحه أنا مع
شيطونة مياسه

وعن جد هذي أول شي قسمه ونصيب
وبعدين أنا لما أحب إنسانه معاقه
صدقيني راح أتزوجها وما راح أصلاً أفكر بإعاقتها
بالعكس راح من حبي لها أخليها تنسى إعاقتها

والله كريم !

أخوك

~[ الزواج من معاق ]~

|[ •°•¤ خارج مقص الرقيب¤•°• ]|