~[ يلعن الحب ]~

للاسف ايه من سنين ربي في حبه بلاني ...........من سنين اللله يهداه ينحت الحب ابجداري


يلعن الحب في وجوده يوم قلبه لي دعاني .......... يلعنه ثم يلعنه يوم ضيفته بداري


يوم قدمته دلالي مدري انه جا وهجاني ............. لو عرفته بس لحظه كان مديته ساري


وكان ما خليت همه في وجوده في كياني ......... ادري انه بختياري ادري انه بختياري


وادري ان الحب فيني سجن والسجان جاني .......... ادري انه ما يبيني ويحتري بلهفه انتحاري


بس والله ما احقق رغبته لو هو بغاني ................ غير اطير من عيونه بسمته لو جاب طاري


ايه حلفت اني ابيعه وما يهم لو هو شراني .......... ليه يهجر قلب حبه يوم كان جايه وشاري


ببقى في تاريخه ذكرى ليذكرني في زماني ......... وببقى في دنياي رمز شامخ فيه انكساري


ما ابدل موقفي عنه لو اشوف ناره مكاني ............ ما ابدل ما ابدل لو تشب ناره بناري


يكفي انه يوم حفظني في كتب حبه رواني ............ للقريب وللبعيد وللي ما يدري انه جاري


قلت ابترك هالسنين تعلمه محد قواني .................. وبترك السبحه بيدي عدها دوم بختياري


وبترك الشعر بشعوره يعطي حروفه لساني ........... وكل كوكب ما تجرا ينحرف ويترك مداري


خله يعرف وش بقى له بعد ما ظلمه كواني ............. واللله اني صرت اشوفه في حياتي وحش ضاري


صرت اشوفه جملة وحروفها اردى المعاني ............. بعد ما يترك دموعي تنكوي بنار انتظاري


ياللله يا بحري تحرك واعلن اليوم فيضاني ............ زيد في مدك وجزرك خله يشوف احتصاري


خله يشوف المدينه ما بقى فيها مباني ............... ما بقى فيها سوى اني تارك ليلي نهاري


تارك كل النجوم يوم طاحت من جناني .............. وثايره فيها براكيني وحممها انصهاري


والرماد اللي بيبقى يلخذه لو هو نساني ............ ولو نساني يحق لحفظ كل احاديث البخاري


ربي اعطاني الثبات وبالثراء ربي كساني ............. كني غيمه في حياته وكنها ذيك الصحاري


تنتظر بلهفه مطرها وتمطر الساعه ثواني .............. ما تعرف ان بكلامي صعب ارجع عن قراري


صعب ارجع والكرامه ما ابد ترضى هواني ............. والهوان اللي ذكرته كان بيام اختباري


بالفشل نلتي الشهاده واحفظيها عالا شاني ............ هذا كل اللي تركته والشعر يروي اختصاري


واكتمل بيت القصيده ومن قراه يعني قراني .......... يروي قصه ما روتني بس بترد اعتباري




بعد هذا تساليني ليه شايف حب ثاني ............... بعد هذا ما تبيني اعلن الحب انتصاري



وسلامتكم



اخوكم