ابجديات الكتابه

السلام عليكم ورحمة الله وبركاته


وتلك حروف اخرى اعانق بها قلوبكم وهي حروف قد قاسمتني الفكر منذ زمن بعيد

ارجو بان تنال على رضاكم



ان بغيت الصبر يا كثر انتشا به ****** كم تجاوزت الحدود بلا نظامي
وان بغيت الوصل غدا لي واهابه ****** وان بغيت الصد ما تقوى عظامي
والسكوت المر زود لي عــذابــه ****** وان حكيت اخاف من هرج الملامية
في غرامك ابجــديات الكتابــه ****** ما توفــــيـهـا حروف ولا كلامي
انت في حسبة مواصيل القرابة ****** وانت شرهاتي وفي حشمة عمامي
بس لو تدري عن القلب وصوابه ****** وكيف جاء حبك على صدره وسامي
يشهد الله ما انفتح فالقلب بابه ****** غير لعيـــــونك وقــــدك يا سلامي
للحبيب اللي حبيبه ما درا به ****** والمصيبه ما اقدر افصح له علامي
اعشقه ويذوب قلبي واتهنا به ****** كن قلبي كنز وعيونه حرامي
ما تجيب الورق بالخفاق جابه ****** استهل الهم لي حل الظلامي
كل تفكيري وتدبيري سرا به ****** باذل جهدي وفي زود اهتمامي
والله انها عيشة الجور وخرابه ****** دام ما حقق ولا لاقي مرامي
كانك اللي ناهب قلبي نهابه ****** خاف ربك في حبيب مات ضامي
هاك قلبي يا حبيبي ويش ابا به ****** واخذ عمري عيش فوق العام عامي

*** وســـلامــتــكـــمـ ***
ولكم مني جزيل الشكر ......
اخوكم تركي العطاوي
وان شاء الله الجاي اكثر