~[ ,.-~*'¨¯¨'*•~-.¸-(_ ( الشعر في معناه ) _)-,.-~*'¨¯¨'*•~-.¸ ]~

مزن بها همر القوافي غزيره ...................... تسري على جوف المشاعر وتسقيه


فيها ابروق تقلب الكون نيره ..................... ورعودها سطح الوسيعه تساويه


من شرب من ماها تحدد مصيره .................. ما له سوى دربين يناديه


اما سلك درب المعاني السفيره ................... وحظه لقى نور ينور لياليه


والا رحل ياعل بالامر خيره ..................... تاهت به اقدامه وضاعت خطاويه


حسب المعرفه ما ادعي بالسريره .............. هذا الشعر يا جاهل في حراويه


فيه المدح ان صار للمدح سيره ................... وفيه الرثاء لي فارق البيت غاليه


وفيه الحماس ان ثار بالراس غيره ............. لي جاء عدو الدين نبعد هقاويه


وفيه الوفاء اذا لفى من نجيره .................. وقوم بلا جيره حطبها تخليه


وفيه الردود بقافية مستنيره ................... تجاوب اللي مرسل القاف وش فيه


وفيه العلوم الطيبه والمريره ................... ويا بخت من طيب المعاني تخاويه


وفيه الغزل جمر تزايد سعيره ................ وبالذات من يعشق حبيب مجافيه


لا وعذابي يوم انا صرت اسيره .............. وشلون اخبي سر في قلب هاويه


لا شك انا فرد من اسره شهيره ............. ما احدن تخلى عنه لا حل قاديه


اصبح كما شيخ تزعم عشيره .............. ما قال قلنا تم فيما حكم فيه


للشعر مغزى والمعاني كثيره ............... ومن ينظم الاشعار نعرف مغازيه



ومن يشرح المعنى يدور قصيره .............. وان طال شرح البيت ضاعت معانيه




وسلامتكم


اخوكم