~[ لا يفوتك ستار اكاديمي في مياسه خخخخخخخ حصرياً ]~

صبحيه يوم الثلاثاء 10/ نوفمبر / الفين وحطبه جاني اتصال على جوالي مع انه كان مفصول بس سبحان الله الواسطه تسوي هوايل رديت على التلفون .

المتصل : ألو

انا : هلا

المتصل : مرحبا انا السنافيه من تلفزيووووالإل بي سي مياسه بدي خبرك إنك أتئبلت في برنامججنا تبع الستار اكاديمي

أنا : وش السنافيه اقول تركي الرياض بلا حركات الإستهبال ذي انقلع خلني انام شوي

السنافيه : ولك شوووو هيدا عم أئولك انا السنافيه هيديك الشء اللي اطلع في التلفزيوووو إي هيديك اللي خائن معها رفيئوو لفص فص

أنا : لاحول ولاقوة إلا بالله زين اباخذك على قد عقلك وش تبي ياالسنافيه؟

السنافيه : بدنا ياك تيجي عمكتب الإل بي سي تاخوووز التزاكر منشان تيجيوا لعنا ( نبيك تسير علينا عقب العصر حاجزين لك قل تم ؟ )

انا : وشوله اجي ألعنكم ؟

السنافيه : ولوووو مابدك تجي يالله ئوم وتعَ لعنا بسرعه

انا : الله ****** هاه إرتحتي؟ <== رقابه خخخ

السنافيه : ولك شو بييييك وراك الله يهديك قمتا تلعنا ( << السنافيه تقول قمتا ماش ماتركب ولا تهووون وراك )

انا : انتي الظاهر سنافيه الثقبة موب السنافيه حقت الال بي سي

السنافيه : كلك زوووووء

انا : أنا اخو العيال وش اللي كلك ز**** كلتس*** هاه وش تقولين ؟

السنافيه : وليك شو بيك كتير معصب يالله تعَ بسرعه ما تتأخر .

انا : السنافيه الال بى سى افاااا!!!!<== يعنى متفاجىءخخخ

السنافيه : نعم تؤبرني

انا : تقلعي

ورجعت اكمل نومتي وماامداها جفوني تغمض الا ويدق الجوال وانا اللي ماخليت احد في شركة الإتصالات مالعنته الا الوزير

وارد بسرعه بدون مااناظر من اللي داق ويطلع لي صوت اعووذ بالله مدري وش يبي من جد صوت واحد بالغ مرتين موب صوت آدمي .

المتصل : الو مصطول حوووبي وينك ياخي

انا : اوووووص اوص ياشيخ ارسل لي مسج اصرف وش ذا الصوت الله ياخذك

المتصل : ياخي اسمع بس السنافيه داقتن علي تقول تعال للأل بي سي يبوني معهم في برنامجهم ستار اكاديمي
انا يوم سمعت ذا الكلام وانا اللي قحص من مكاني تقل مقروص . واقول لفص فص بالله برب شوي

وانقز للمغسله اغسل وجهي واتأكد اني صاحي موب نايم وارجع لفص فص على التلفون

انا : تيت هلا فص فص تقوله جاد انت ؟

فص فص: ولكمووو ايه اقوله جاد انا شامن ريحتها بالسماعه متأكد إنها هي ريحه البابا غنوج واصلتني .

انا : يسلمو انا داقتن علي هي قبل شوي احسبها تركي الرياض مادريت انها السنافيه الصدزيه

ويتضح من ماسبق ان الشات خلال الفترة الماضيه لاعبن في حسبتنا المهم تواعدنا نروح لمكتب الإل بي سي نشوف ماهوب ضارنا شي وإلا والله طلع صدق كل ذا الكلام .

وبعد جلسات من المصارحه بيننا وبين اهالينا واتفاقيات إننا مانبوس ولا بنت وإننا نصلي الصلاة بوقتها ونصير مؤدبين ونشرف البلد وكل واحد مننا يقول في نفسه زين بس خلني اوصل ياشيخ لاأبوس عروه الباب موب بس البنات خخخخخخ

وبدت حركات الفزعات وأشتطينا وكل واحد يجهز شنطته وبدلات الرياضه اللي من أيام المتوسط مالبسناها ولابسنا عقبها بدلات من الأساس .

والشباب ماقصروا بالمنتدى ماغير يدرسوننا الحكي اللبناني على شرط إننا أول مانوصل نشبكهم مع البنات اللي هناك . وغدينا نرطن لبناني ماتشوفنا إلا وحنا نقول ( وتؤبرني وشو هيدا وليك وشو هاض <== ميب مشكله الأردن ولبنان أشقاء ) ومن ذا الحتسي اللي تحس خشتك لاصقن بها دبس

المهم مالكم بالطويله ركبنا الطياره وطول الطريق وحنا نسمع لبعضنا الكلمات اللبنانيه

واول ماوقعت الطيارة في المطار واول مافتحوا الباب ونطلع من باب الطياره وحنا متماسكين ونقول بصوت عالي ( احنا إلكون بنغني ) وحنا فاقين خششنا وأنواع توزيع الإبتسامات

ويتضح من هنا إننا ماندري وين نحط الكلمات يعني حافظين أوكي بس مكان الكلمة وين ماندري المهم اننا نسوي نفسنا نعرف لبناني وبس

اول ماخلصنا شغلنا في المطار ونلقى طلال العتيبي( < هذا في قناه ثانيه موب هنا يالدلخ ) المهم أول ماخلصنا أشغالنا ونلقى شلة من اللي خبركم (( ماوده يقول لبنانيين )

ركبونا في باص من الباصات الصغيرة حقت المخابز.... وفص فص يسألني : مصطول وين السنافيه ماجت تستقبلنا ... قلت له : الظاهر هي تحترينا فيذاك في الأكاديميه نفسها .... وألتفت على فص فص قلت له بعد تنهيده طويله : إييييييييييه بيروت حلويييه كتير بتعئد والله .... قال لي بكل سباكه ودلاخه : أي والله بس لو إننا نفك عقدتها موب أزين .

اول ماوصلنا للأكاديميه فص فص نقز للمشرفين وانا على طول لمديرة الأكاديميه ابي اشبكها عشان اضمن الأول

يوم دخلنا الأكاديميه ونناظر وإلاهم كل واحد يضف شناطه وش السالفه ماندري قالوا لنا إنهم بيسرحون ذا المتسابقين ويجيبون متسابقين غيرهم لأن ذولا خلاص انتهت مسابقتهم وحنا من الدفعة الجديدة قلنا مايخالف اغديه يجينا شي احسن ونقعد في الأكاديميه نتسدح فوق الأربعة أيام لين جانا فجأة واحد اسمراني طويل مره ولابس طقم سهره اسود في أسود وكرفته سوداء أول ماشفناه نحسبه ذاك اللي يقولون انه في الفنادق يجي يأخذ الطلبات ..

واول ماوصل قعد يناظرنا وحنا نناظره ماندري وش نقول مستحين وهو مستحي
قلت لفص فص : اقول ابو فصوصه اللحين ذا وراه ساكت
قال لي فص فص : يمكن مستحي
وانا اللي ابتسم لفص فص واسفه بأقرب كرسي وأنقز عليه وأرادي فوق بطنه وأنا أقول : ياخي أدري إنه مستحي شي واضح ابي منك شي جديد لو مره وحده

قمت عنه وبهالحركه ابي ابين للطويل اني شديد عشان مايستقوى عظمة وبرضو عشان أبين له إني أنا الزعيم ....... قعدفص فص يصيح زلبته والتفت على الطويل وقلت له : واسم ابو الشباب وشو ؟

المطيري عوصمان من جمهوريه الزودان وبدون سابق إنذار قام يجلد فيني

المهم اني قعدت اصيح جنب فص فص والطويل ذا يوم انه حس انه يطق في شي مايحس ( < توهق مالقى تشبيه )
وبينما حنا على ذا الحالة سمعنا صوت جاي من عند الباب : ماشاء الله مستقوي عليهم عشانهم صغار ؟
ونلتفت كلنا ناحيه الصوت
قمت انا وفص فص كل واحد يمش خشمه وهو يصيح ونركض ذا الفزعه ونقول له تراه طقنا وجلدنا وحسرنا يوم تمعنا النظر فيه وإلا بنت موب ولد ونناظر زين ونتمقل وإلا والله بنت صدق لأنها لابسه لبس بنات فنيله بدي وشورت الى نص الركبه وحاطه على وجهها لثام ....انا وفص فص أنواع السعابيل عندها .... وبدينا حركات سوق الحب يقول لي فص فص: مصطول ماشفت جوالي ؟

وانا يقالك اني ذهين واني فهمت حركته قلت له : أي جوال ذاك اللي رقمه كذا وكذا ( وقلت رقم فص فص ) , عادفص فص رهيب ووفي الولد هذا قام وقال لي : لا يارجال هذا جوالي صح بس انا اقصد جوالي الثاني اللي رقمه كذا وكذا ( وقال رقمي انا ياحبني لك يافص فص وقت الفزعه ذيب ) .......

ومن هنا يتبين سباهتنا حيث إننا نبي نرقم مع اننا مانحتاج نرقم البنت معنا بتسكن وشوله نرقمها .........

قالت لنا البنت بعد ماضحكت ضحكه صغيرونه حلللللللللللللللوه مره خقينا معها لدرجة إني حضنت فص فص وقعد ابوس كرشته وانا اقول : يابعد الدنيا والله ياهالضحكه .......

قالت البنت لنا بعد هالفاصل اللي هو الضحكة الصغيره : شكلكم مره كيوووت وين غرفتي ابروح اغير ملابسي ...

تقامزنا انا وفص فص: وراه وشوله تغيرين خليك تسذا احسن ... مشوار التغيير وذا اللبس وش زينه يعطيك حريه في الحركة ....

قال المطيري عوصماان بكل بثارة : ثاني حجرة على يدتس اليمين ....

راحت البنت وحنا عيوننا شرار على ذا الزول اللي خلاها تروح تغير ....... وجينا بنجلده من زود القهر يوم قال لنا هو : يادلوخ تبي تروح تغير يعني بتلبس لبس بيت يعني انواع الفضايح موب هذا اللبس اللي صار عادي عندهم ... في لبنان
( < عشان مااحد يقول لي بنات السعوديه ومابنات السعوديه بنات السعوديه على راسي بس ولاكلمه ) .....

حنا حبينا المطيري عوصمان على ذا الحركة اللي تدل انه راعي حركات ورهيب ...

تتابع توافد الطلاب واحد ورا الثاني .....

وجت وحده إسمها احلا من الحلا من دخلت وهي تهوووش فاهمتن الدعوى غلط الله يصلحها جا فص فص قال لي شف شف ذالي رافعتن خشمها مسويه ميرا الجزء الثاني خخخخخ
قلت له : يا فص فص تعوذ من ابليس هذى يبى لها على راسها نعدل لها بواجيه هالعبده ((نظام عرابجه خخخ)).... جا المطيري عوصمان قال وقال رجاء بدوون عنصريه .......قالت احلا من الحلا وش قصكم انتم <== يوم سمعنا قصكم ذي عرفنا إن الدلع ما ينفع عليها المسأله مسأله مظاهر (( احلا من الحلا بدون زعل ))خخخخ

وتوالت الأحداث , ماغير نوم وسعه صدر وفله حجاج ودروس في الفن والموسيقى والرقص ...

زي مره في حصة الرقص جت المدرسة تبي تعلمنا رقصه وانا وفص فص انواع الفهيان ماندري وين الله حاطنا ولاعرفنا نرقص قلنا مالنا الا حل واحد غمز لي فص فص وانقز للغرفه واجيب معي شريط وادعسه بالمسجل حقهم طلع شريط رابح وانواع الردح عنده انا وفص فص والمدرسه اول الأمر تقول : شو هيدا مابيصير هيكي... بس يوم شافت الدعوه كلها رديح مابقى احد من الطلاب ماقام يترنح لدرجة ان فص فص بدأ يناقز مناقز غريبه حسيت انه الزار لاحقه للبنان ..... فجأه دخلت علينا رولا سعد المديرة وقفنا عن الرقص بس المسجل مازال يشتغل لحظات من الصمت والرعب والخقخقه مع بنات الأكاديميه ههههههه وبينما هي تهوش علينا المديره ونشوف رأسها يهز ثواني يوم خشت معنا وبدت ترقص ..... بس ماش رقصهم موب زين ويبدأ فص فص يعطيهم دروس في الرقص وكسر الرقبه والخصر ووضع الإصبع السبابه بشكل محاذي للخشم مع هز الرأس وحركات العبند كلها ((لاتزعل المطيري خخخخخخ)) ....

وإلا عندي ماري مدرسة الصوت ذي ..... يوم قامت تقول قولوا اووووو اييييي اااااااا أي ماعرفنا انا وفص فص نقول شي ونبدأ نخربط من روسنا وأنواع المتاغر والقرف لين حست انه ما فيه فايده مننا قالت اجلسوا فيذاك مؤدبين ووعد مااارشحكم للخروج من الأكاديميه ابد .....

بس كل هذا يهون عند مدرب الرياضه((ابراهيموو007 ))... حليل ويبي يعلمنا تمارين وحركات ..... بس حنا ماش ماعندك احد من أول حصه رياضه وحنا مفرقين بابين وأنواع الإدهار كورة وإذا ملينا قلبناها كره طائرة وإذا ملينا قلبناها لعبة ( أمزعني وأمزعك ) ......


طبعا في الليل انواع الخرمه على الدخان والشيشه وفله الحجاج ..... لدرجة إننا علمناهم البلوت علمنا المديره والمراقبين عشان يلهون عننا ونفاخت لبيروت ونشيش ونفلها ونجي .....

أكتشفنا قصة حب بين عوصمان واحد البنات

يوم أكتشفنا قصة الحب هذي وانواع الإستقحان كلما شفناهم لحالهم نشبنا لهم

مره كانوا قاعدين جنب بعض على احد الكنبات ويسولفون وعيونهم بعيون بعض ... نقزت لهم ورا الكنب فص فص معه جركل مويه معبيه شاهي حار ..... ويجي فص فص يقالك يبي يمزح معهم يقول لهم ( اللي يعرف شو معي بدي رش عليه رشه ) ناظروافص فص وكأنهم يقولون وش ذا العله اللي خرب جونا ..... قالوا له يبون يصرفونه ( معك خبز تميس خلاص فشلنا يالله رح ) قال لهم فص فص وبكل إستقحان ( صححححححححح ..... معي شاهي اللي نغط عليه التميس .... ) ويقوم يكب عليهم الشاهي اللي بالجركل كله عشان يحرهم ويحترقون ... يوم تناقزوا من مكانهم طبعا فص فص قدامهم مالهم الا يروحون على ورا واطلع لهم من ورا واقول ( بوووووووووو .......... ) ياملحي بس .....



تركي الرياض والمشرفين سووا إجتماع عشان يشوفون وش الحل معنا .... مالقوا إلا إنهم يحطونا ( مرشحين للخروج من الإكاديميه ) عشان يصفون علينا أول بأول .....

بس الغريب إنه ماحطوا معنا واحد ثالث يعني عشان واحد مننا يطلع غصب....

بس المشكله انه ترشيحات الجمهور جتنا بالتساوي 50 % مقابل 50 % .......

قالوا لازم ترشيحات الاعضاء أجل .... والطلاب رشحونا بالتساوي ..... وأبتلشوا بأعمارهم


لقوا أنسب حل يخلونا حنا ستارين اكاديميين فوووق العاده




مصطول