~[ غبت عنهاا اسبوع من باب التغلي ]~

يسعد مساكم (صباحكم)

هذي قصيده عاجبتني حييل واتمنى
تعجبكم ...
,
,

والقصيدة لشاعر اسمة فايز المالكي:


يا محمد غبت عنها اسبوع من باب التغلي
ودي اعرف واكتشف عن حبها لي واختبرها
يامحمد سبعة ايام عجاف ابدون خلي
شفت فيها الويل واعيوني ملازمها سهرها
سبعة ايام الكدر ماراح عني مثل ظلي
شلت كل اهموم خلق الله وعايش كدرها
ادري ان الصبر مفتاح الفرج وبة متحلي
مير هي عنها حرم باجماع كل اللي نظرها
رحت ادور للتسلي وين ابلقاة التسلي
اخرج إمن البيت والقى نفسي ابرم في قطرها
ودي اسمع ذكرها لو من عذولا بالتبلي
مومهم اللي يقولة المهم انة ذكرها
شفت اخوها بالصدفة واقفى يرحب بعض كلي
بعضي الثاني همس باذني تنشد عن خبرها
قمت اهلي بة وان خايف لساني لا يزلي
شفت شعرة في ثيابة قلت هاذي من نثرها
وانكسف مني تبسم لي بغلي
قال توي كنت الصالون والناس شكثرها
قلت فعلا شفت هالصالون بالناس امتملي
والله انة يكذب الكذاب انة من شعرها
اعرفة من ملمسة من ريحتة من لونة اللي
مثل لون العود حمرة من سواد يشتقرها
شلتها في جيبي وان ماشفيت غلي
ودي استمتع بملمسها وريح من زهرها
قمت ودعتة وليلتها عذابي مستغلي
طول ليلي حاضن الشعرة اناجي في صورها
سبعة ايام وانا في داخلي ربط وحلي
اعزم الفيها واهون خايف اسبب ضررها
بعد سابع يوم من هم بقلبي مستحلي
اتصل بي واحد ساكت ونفسي في ضجرها
قلت الو وشفيك ساكت رد ياجعلك تغلي
كني اسمع صوت ليمونة بفمة يتعصرها
واهمست وش سهرك للحين في وقت امتتلي
قلت طيفك لعنبو جدك وضحكت من فخرها
واهمست هلحين اجي واخبرك دقي وجلي
قلت معقولة؟!!وقالت نار شوقي ما اقتدرها
جت وهي متخفية صبح بليل مستظلي
كنها تحسب خطاها مير يفضحها عطرها
نفحها مسك ونثر انفاسها ورد و فلي
المكان اللي تعدي منة يبقى فية اثرها
جت تبخر ردف يتمايل وردف يستقلي
كنها ترقص على تكة خطاها من بطرها
عنجهية صدرها تفتك بخصر مضمحلي
لا تثنت تنقسم نصين من خصر بترها
قمت ماني في شعوري كل مافيني يهلي
كنها المتفضلة بانقاذ روحي من بحرها
ترتجف في قلبها خوف تولاها تولي
تنفض يديها ويتقطع نسمها من حذرها
كلما هز الهوى الشباك واحدث فية خلي
بسملت وتفززت تحضن يدها في صدرها
قالت انت اشفيك متغيب جفا والا تخلي؟
قلت لاهاذي ولا هاذي ولا حتى قدرها
مير انا كثرت جياتي واخاف انك تملي
سلهمت بعيونها عضت عنبها من قرها
واخبطت بكفوفها صدري ودمعتها تهلي
قالت اقسم لك برب البيت شوفتك انتظرها
قلت اجل وش وخرك وانتي لعنواني تدلي
لا يكون انة جفا قالت حشا وارخت نظرها
انت تدري عن ظروفي حط نفسك في محلي
بنت مثلي خارجة من بيت اهلها وش عذرها
لو قدرت اليوم اجي والقى عذر مقنع وحلي
مامعي في كل يوم حجة لهلي ابتكرها
جادل من نسل شيخ لايهاب ولايذلي
فاتنة واجمل بنات الكون ما تسوى ظفرها
وجة مثل الصبح يتنفس بنور مستهلي
والرموش الليل عسعس ليلة محلى سمرها
طرفها في حد ذات الطرف عالم مستقلي
بة نهار وليل بة بحر وسما داخل حورها
جيدها الفتان نورا من زجاج مستجلي
لو لمسة ابهامها بصمتة تبقى في بشرها
من شفافية جسدها والنعومة والتجلي
أي شيا تشربة ينشاف نازل من نحرها
ظامها الشلال دهن العود بالجيد امتدلي
الوحيد اللي جبرها تنفعل محدن جبرها
صار يتمرد يعذبها تلمة ثم تفلي
ثم ترجع تلفحة ويعود مايسمع لامرها
ابتسامتها وميض البرق في نو مطلي
والشفايش كنها قوس القزح لونة غمرها
ضحكها معزوفة يطرب لها قلب يولي
وامنياتي ماجنة ترقص علي نغمة وترها
ان حكت نفثا من السحر الحلال ولا يحلي
تستميل اقلوب من يسمع كلام من دررها
لا دنت مني تبعثرني على غنج ودلي
وانصهر بنفاسها واحساسي المرهف صهرها
عينها مستسلمة والرمش طايح مستذلي
طاح طيحة فارس رمحة بعدونة كسرها
والله ان اللي ببالك يامحمد ماحصل لي
ذبت وارتني عفاف وكل مافيني شكرها
مامنعني غير طيب اصلي ولي قدر امتعلي
واللي ادهى من كذا خفت اني انزل من نظرها
قمت اودعها وانا شوقي يزيد ولا يقلي
لحظة هدت فرح ساعة وبالكود افتكرها
اوجبت غسلا على عيني بدمع مسفهلي
قبل تبلغ حملها والرشد اتبع بصرها
بعدما عاهدتها بالله حرمت التغلي
توبة اتغلى ونا افراقها مقوى سقرها
منقوله
علوووش

يسلمووووووووووووووووووووووووووووو علوش

صح لسان قايلها وسلمت يمناك على النقل الرائع

واشكرك اخوي على ذوقك الرفيع

ولا تحرمنا من جديدك

والى الامام

تقبل تحياتي

اخوك