~[ أحلـــى مـــوقف ]~

السلام عليكم ورحمه الله وبركاته

شخباااركم يأحلى أعضـــاء؟؟؟ ان نشاء دوووم بخيرررررر و سهــــالا

المهم نرجع لمحور حديثنا.... طبعا لكل شخص تعرض لمووواقف محرجه وبعضها سخيه و......الخ

فأتمنى كل عضو يدخل ويذكر لنا موقف ماراح ينسا بحياته

انا بنسبالي تعرضت موقف ماراح انســـا حتى لو وصلت لسن خرف ههههههه

((أول موقف))

مررره كنت مسافر لسعوديه عند اهل امي لان امي سعوديه رحنا لــ دمام على شان نحضر زواج ونعيد عندهم وبعدين

نروح عند اههل امي بالرياض فالما وصلنا لمطار الدمام طبعا خلصنا الاجراءات وهالخرابيط و ما بقى غير ان نحن ناخذ

شنطنا ونروح الفندق واذكر ذاك اليوم كان يوم عرفه وبكره العيد المهم قعدنا ننتظر الشنطنا ماجات وندور هنا ولاهنا ما

حصلناهم راح اخوي يسأل عن الشنط قاله الرجال انه بس هالشنط اوصلت والباقي في مطار دبي وطبعا انصدمنا شنطنا ما

جات وبكر عيد وشو نسوي وامي دقت على ابوي وقالت له شو الي صار وابوي عصب وقال انه بيرفع قضيه وحاله

وقهر انه شنطت الشغاله هي الي اوصلت وانا قاعده اقول لامي اش هالحظ الي ضارب شغالتج ولا شغاله ترد علي وتقول

شو لان شنطكم ثقيله وضخمه اما انا شنطتي صغيره وما فيها شي لما قلت جذي بغيت اخذها واكفخ فيها بس زين ان امي

مسكتني وضرابه وحاله ولاكانت راحت فيها المهم طلعنا من هالمطااار وطبعا ما فيه وقت على طول على

سوووق اخواني اشترولهم ثياب جاهزه وافتكووو وخلصو ما بقى غيري انا بما اني انا البنت الوحيده بينهم ومن محل

لمحل وكل ما شوف شي اتردد وبعدين ما اخذه وامي معصبه على تقول مو قت تشرط خذي اي شي وخلاص ههههههههه

والله حاله.... المهم طلعنا من مجمع الراشد ورحنا مجمع ثاني اسمه فؤاد وعلى اخر لحظه وصلت المجمع وكانو خلاص

بيسكرون المحل اشتريتلي بدله المهم رجنا للفندق الساعه تقريبا 2ونص او 3 تخيلوووو المهم رحت فتحت الكيس على

شان اتجهز حق بااجر ولا انصدم يوم اشوف البدله تدرووون شو صار والله احس اني بصيح اطلعت

التنوره في وادي والبلوزه في وادي رحت قلت لامي وامي فديتها قعدت اتصيح ههههههه لاني ما عندي بدله حق بااجر

المهم دقيت على بنات خالي وقلت لهم السالفه طبعا هم ماقصرو في تطنز ورحت لشقتهم وشلحت من عندهم بدله

وعيد وانا ما عندي شي والحمد الله اول يوم العيد بليل اوصلت شنطنا

...............................................


(( ثاني موقف ))

مرره كنت تعبااانه حيل وانتم بكرامه كان فيني لوعه وغثيان وبطني يعورني وحاله المهم رحت انا وابوي المستشفى

وبقسم الطوارء المهم وانا قاعده انتظر الساعه وهذا في قسم طوارء اشلون لو قسم ثاني المهم دخلت عند هالدكتوره

المصريه وقعدت وتسالني شو فيج وابوي قال لها انها فيها كذا وكذا وقسم بالله من غير ما تفحصني ولا تمسكني ولا شي

تدوررررن شو قلت والله انكم راح تنصدمون قــــــــــــــــــــــــالـــــــــــــــــــــــ ــــــــــــــــــــــــــــــــــت


























ألـــــــــــــــــــــــــــــــــــف مــــــــــــــــــــــــــبــــــــــــــــــــــ ـــــــروووووووووووووووك أنــــــــــــــــــــت

حـــــــــــــــــــــــــــــــــــــــــــــــــ ـــــــــــــــامـــــــــــــــــــــــــــــــــ ـــــــــــــــــــــــــــــــــــــــل


وأنا ما عرفت شو صار فيا كانه احد صفعني كف ولا انكب علي مااااي بارررد والحمد الله انه كان معاي ابوي ولا اذا واحد

من اخواني جان الحين انا في المقبررررررررررره .............. بسم الله علي

وبعدين قال لها ابوي ترها مش متزوجه شو قاعده تخربطين انت وقالت والله انا اسفه انا كنت احسبها انها مراتك

زين ان ابوي مسك اعصاابه ولا صفعها كف ههههههههههه


.................................................

ادري اني زهقتكم بس تحملوووني


((ثالث موقف ))

اتذكر امي كانت امسويه عمليه واطلعت من المستشفى يومين فبل العيد طبعا هي ما تروم تطلع برا البيت وتدور معاي حق

العيد فكنت اطلع مع ابوي واشتريلي الاشياء الي ناقصتني المهم مره انا وابوي دخلنا محل عسب اشتريلي بدله حق ثالث

يوم العيد ولما دخلنا المحل تفرقنا انا وابوي على شان نختصر الوقت هو يدورلي على بدل وانا انقي اذا عجني ولا لا

الهم شفت بدله عجتني حيل قلت بستشير فيها ابوي رحت وشفته واقف يدور لي على لبس وجذي رحت انا عنده واجره

اقوله بابا تعالي بوريك بدله حلوووه تعال شوفها واشوفه ما يتحرك المهم قعدت اسويله حركات وادغدغه وادلعه ويعني

واشووفه هم ماتحرك قمت مسكت وجهه على شان اسال شو فيك ............... تمنيت في هذالك الوقت ان الارض تنشق

وتبلعني من فشـــــيــــــــــــــــــــــله طلــــع مو ابوي طلع رجال ثاااني وانا خلااااص قعدت اصيح وجا ابوي يقولي شو

فيج انا اقوله بطني يعورني اشوي وابي ارجع البيت طبعا ابوي ما صدقني وراح قال لامي وامي جات عندي وعرفت

السالفه وراحت قالت لابوي وطبعا ابووي مات من ضحك علي ههههههه ومن هذاك اليوم حرمت اني ما اطلع من البيت

الا وانا متنقبه



ادي اني ثجلة عليكم

وسموووووووووووووحه

هههههههههههههههههههههههههه
هههههههههههههههه
حلوا قصة انتي حامل
ههههههههههههههههههه
ههههههههههههههههههههههههه
الله يعطيكي العافيه على هالمواقف ولاتحرمينا من جديدك يارب
أخوك إبراهيم